ثبات الهيونداي فيرنا 160

[alexandro]

السلام عليكم ورحمه الله وبركاته

الموضوع باختصار ان انا كنت مع سواق تاكسي علي طريق السويس وجاب بالفيرنا 160 من غير ما تتهز منه وفضلت ثابته عادي ولا اكنه ماشي علي 100
مع ان العربية بالجنط بتاعها بتاع المصنع 13

ايه السبب في كده في ظل ان معظم الناس اجمعه انها خفيفه وبعد 120 مينفعش عشان بتعوم

[loshabih]

اولا الثبات لايتم الحكم عليه في الطريق المستقيم..انا بجيب بيها 180 عادي وبسافر مع صحابي وبنعدي 200 علي العين السخنه بس جرب تحرك الدركسيون سنه وشوفها هتعمل ايه

[lanos2004]

اولا الثبات لايتم الحكم عليه في الطريق المستقيم..انا بجيب بيها 180 عادي وبسافر مع صحابي وبنعدي 200 علي العين السخنه بس جرب تحرك الدركسيون سنه وشوفها هتعمل ايه

قول قول
هوة دة الكلام
ولا العربيه تتحط فى موقف صعب تلاقيها راحت

[alexandro]

اولا الثبات لايتم الحكم عليه في الطريق المستقيم..انا بجيب بيها 180 عادي وبسافر مع صحابي وبنعدي 200 علي العين السخنه بس جرب تحرك الدركسيون سنه وشوفها هتعمل ايه

طب انت رأيك اخر سرعه ليها ايه في الامان واحرك الدريكسون عادي في الغرز

[abofandy]

100 - 120 بالكتير اوى

[ashourashour]

ياه ... فكرتوني بالفرنا اصلا من 100 وانت طالع متحلمش انك تقف فجأه

من اول 120 لو خدت غرزه جامده العربيه راحت منك اصلا مسكه الدركسيون للي ساق عربيات كتير هيعرف اللي بتكلم عليه

انا بمشي بيها على 190 طريق الغردقه عشان بس محدش يقول ملوش فالجري واقعد اجيبها من عالرمل لما اعدي جنب عربيه كبيره

بجد ميتسافرش بيها خالص

جوا البلد زي الفل

موتور و تكييف و صالونها مش متعب و عفشتها ناعمه على فكره

[monamize4]

اولا الثبات لايتم الحكم عليه في الطريق المستقيم..انا بجيب بيها 180 عادي وبسافر مع صحابي وبنعدي 200 علي العين السخنه بس جرب تحرك الدركسيون سنه وشوفها هتعمل ايه

100 - 120 بالكتير اوى

cant agree more

[Samir Elshahawy]

العربيات دي مش بتاعة السرعات العالية دي كبيرها 120 كم / س خاصة في الطرق بتاعتنا و وسط الناس اللي بتسوق من غير فهم

[saddam]

صديقي المواطن
الفيرنا عربية الشعب ومش مصممة تجري بيها بتاتا وآخرها في الحياة 140 وتبقه ظلمتها وظلمت نفسك ومش عارف ليه الناس بتكتب مواضيع كتير في الفيرنا وكل شوية ياخدونا لزاوية جديدة فيها صدقوني يا إخواننا مهما كترنا في كلامنا فيها حتفضل الفيرنا في أسفل سلم العربيات وهي التطور الطبيعي للمواطن المصري البسيط أو في بداية حياته يجيب سيات ثم 127 ثم 128 ثم لانوس ثم فيرنا ومن هناك لو ربنا رزقه حيعلى ويجيب عربية فعلا تستحق نقول عليها عربية ولو مكرموش بحمد ربنا إنه هو راكب وغيره متبهدل في مواصلات المحروسة وأهو فيرنا شيلاني ولا مواصلات مهزقاني
ودمتم للنضال

[M I D O]

ياه ... فكرتوني بالفرنا اصلا من 100 وانت طالع متحلمش انك تقف فجأه

من اول 120 لو خدت غرزه جامده العربيه راحت منك اصلا مسكه الدركسيون للي ساق عربيات كتير هيعرف اللي بتكلم عليه

انا بمشي بيها على 190 طريق الغردقه عشان بس محدش يقول ملوش فالجري واقعد اجيبها من عالرمل لما اعدي جنب عربيه كبيره

بجد ميتسافرش بيها خالص

جوا البلد زي الفل

موتور و تكييف و صالونها مش متعب و عفشتها ناعمه على فكره

كلام مظبوط 100/100

[loshabih]

طب انت رأيك اخر سرعه ليها ايه في الامان واحرك الدريكسون عادي في الغرز

علي حسب الغرزه والكاوتش والارض اللي انت ماشي عليها
انا عومت مني علي 80 في غرزبين ديقين
بس اخرك لو غرز واسعه 120 والدركسيون تمسكه باديك الاتنين

[Samir Elshahawy]

طب انت رأيك اخر سرعه ليها ايه في الامان واحرك الدريكسون عادي في الغرز

الغرز أصلا حرااااااااااااااااام

[verna2008auto]

معلش بعد ( الاماخزه ) .. انا شامم ريحه تحيز مش تمام علي الفيرنا ...
وشايف (( تحامل )) علي الفيرنا ..
ايه يا مومبيكات فيه ايه ...

الفيرنا (( لسواقها )) ..والفيرنا كمان عاوزه اللي يفهمها
يعني ..(( ماتستخسرش فيها زيت نضيف ولا فلتر ))
يعني تحافظ علي تغيير بوجيهاتك وفلاترك
يعني تغير سيورك في مواعيده
يعني ترصص جنوطك وتربط عفشتك في الميعاد
يعني تحافظ علي دوره تبريدها بسوائل نضيفه ومحترمه

خد منها احلي شغل ومزيكا ..
( ركبلها ساوند سيستم محترم ) وجنط جنوطك ..
خد منها احلي شغل
بالشكل ده (( سافر بتكييفك )) علي سرعات وماتتعبش
بالشكل ده تفرمل تلاقي فرامل ( مانتا ماستخسرتش فيها تيل فرامل ولا مسحت ف مره طنبير )
ويجعله عامر

[alexandro]

صديقي المواطن
الفيرنا عربية الشعب ومش مصممة تجري بيها بتاتا وآخرها في الحياة 140 وتبقه ظلمتها وظلمت نفسك ومش عارف ليه الناس بتكتب مواضيع كتير في الفيرنا وكل شوية ياخدونا لزاوية جديدة فيها صدقوني يا إخواننا مهما كترنا في كلامنا فيها حتفضل الفيرنا في أسفل سلم العربيات وهي التطور الطبيعي للمواطن المصري البسيط أو في بداية حياته يجيب سيات ثم 127 ثم 128 ثم لانوس ثم فيرنا ومن هناك لو ربنا رزقه حيعلى ويجيب عربية فعلا تستحق نقول عليها عربية ولو مكرموش بحمد ربنا إنه هو راكب وغيره متبهدل في مواصلات المحروسة وأهو فيرنا شيلاني ولا مواصلات مهزقاني
ودمتم للنضال

هي المشكلة كلها لما الراجل وصل لكده فضلت ازعق و واطبل جمبه عشان عارف انها بتبقي ريشة

بس انا نفسي اعرف هو كان متحكم فيها ازاي وبيطلع من العربيات كده ازاي

[alexandro]

معلش بعد ( الاماخزه ) .. انا شامم ريحه تحيز مش تمام علي الفيرنا ...
وشايف (( تحامل )) علي الفيرنا ..
ايه يا مومبيكات فيه ايه ...

الفيرنا (( لسواقها )) ..والفيرنا كمان عاوزه اللي يفهمها
يعني ..(( ماتستخسرش فيها زيت نضيف ولا فلتر ))
يعني تحافظ علي تغيير بوجيهاتك وفلاترك
يعني تغير سيورك في مواعيده
يعني ترصص جنوطك وتربط عفشتك في الميعاد
يعني تحافظ علي دوره تبريدها بسوائل نضيفه ومحترمه

خد منها احلي شغل ومزيكا ..
( ركبلها ساوند سيستم محترم ) وجنط جنوطك ..
خد منها احلي شغل
بالشكل ده (( سافر بتكييفك )) علي سرعات وماتتعبش
بالشكل ده تفرمل تلاقي فرامل ( مانتا ماستخسرتش فيها تيل فرامل ولا مسحت ف مره طنبير )
ويجعله عامر

يعني هو جنط 15 او 14 ده هيعمل فيها ايه مش هيطورها اوي يعني