العربيه مبتفصلش

[agaty1st]

صباح الفل يا رجاله
أشتريت الأسبوع اللي فات فيرنا موديل 2007 أتوماتيك عامله 35000 كم
و بالفحص كده لقيت :
1 - سيور الدينامو و التكييف و الباور مشققين و غيرتهم
2 - و نضفت البوابه و الحساسات و غيرت فلتر الهوا
3 - الميكانيكي فضل يزود بنزين بعد الشغل ده و قالي العربيه دي مبتفصلش و ده معناه ان الكاتينه مأخره، قولتله الكاتينه متفكتش قبل كده لأن العربيه عامله 35000 كم فقط لا غير و انا متأكد من العداد :01964e~163: - مفيش فايده مركب تيييييييت في دماغه - المهم سيبته و مشيت و بعدين قلقت ليكون السير في حاجه فرجعتله تاني يوم للأطمئنان لقى الكاتينه مظبوطه و السير حالته كويسه فقالي يبقى في عيب في البوجيهات او السلوك لأن الموتور لازم يفصل
4 - العربيه محتاجه طنابير أماميه فأفتالي برضه ان المفروض يتغير معاها البلي

أيه رأيكم في الكلام ده
تحياتي

[aldesha989]

يعنى ايه ما بتفصلش ؟

[mostafa8085]

مش فاهم برضه يعني ايه مبتفصلش؟
مبتبطلش يعني ولا ايه؟

[loshabih]

التفصيل دا حساااااس غالبا ...اكشف علي العربيه بسكانر ..الميكانيكي دا اي كلام ...بوجيهات ايه اللي تخلي العربيه متفصلش ...بعدين الار بي ام بيوصل لكام لان ممكن الرشاشات تكون فيها حاجه او ممكن العيب من حاجه تانيه او تالته
موضوع الطنابير مش عارف بصراحه...بس نصيحه غير الميكانيكي وعندك مهندس هاني سبيد سيرفس

[agaty1st]

التفصيل دا حساااااس غالبا ...اكشف علي العربيه بسكانر ..الميكانيكي دا اي كلام ...بوجيهات ايه اللي تخلي العربيه متفصلش ...بعدين الار بي ام بيوصل لكام لان ممكن الرشاشات تكون فيها حاجه او ممكن العيب من حاجه تانيه او تالته
موضوع الطنابير مش عارف بصراحه...بس نصيحه غير الميكانيكي وعندك مهندس هاني سبيد سيرفس

طيب يا باشا هوه في مشكله انها مش بتفصل ؟؟؟
و ايه فوايد التفصيل أصلا ؟
و شكرا جزيلا

[Ahmed Nasser]

راجع على الرشاشات وطرومبة البنزين لو تمام
لازم تكشف سكنر لانة هيبقى عيب حساس

[mohamedxsayed]

طنابير أيه ياعم 35000 !!!!!!!!!!!!!!! ازاى

[ahmedteam]

التفصيل ده هو و انت واقف و ممور العربيه و بتدوس بنزين لأخر الدواسه مثلا بتسمع صوت الموتور بيعلى تدريجيا لغايه ما يصدر توت تقطيع من الموتور كده يعنى الموتور بيفصل علشان ميفوتش

دى حاجه حمايه للموتور علشان ميفوتش ف يفصل اوتوماتيك

علشان مش اى حد يجيب اخر الدواسه و ال RPM يعلى لغايه ال red zone و الموتور يشنح

[khaabas]

التفصيل ده هو و انت واقف و ممور العربيه و بتدوس بنزين لأخر الدواسه مثلا بتسمع صوت الموتور بيعلى تدريجيا لغايه ما يصدر توت تقطيع من الموتور كده يعنى الموتور بيفصل علشان ميفوتش

دى حاجه حمايه للموتور علشان ميفوتش ف يفصل اوتوماتيك

علشان مش اى حد يجيب اخر الدواسه و ال RPM يعلى لغايه ال red zone و الموتور يشنح

فهمتنا حاجة ودخلتنا فى متاهة تانية
يعنى ايه يشنح هههههههه

[ahmedteam]

يعنى بطريقه الاستخدام دى الموتور هيفوت بدرى و يحتاج عمره

[Derp]

طنابير أيه ياعم 35000 !!!!!!!!!!!!!!! ازاى

+1

[loshabih]

طيب يا باشا هوه في مشكله انها مش بتفصل ؟؟؟
و ايه فوايد التفصيل أصلا ؟
و شكرا جزيلا

ولا هيفرق معاك في حاجه خالص والتفصيل معمول انك لما توصل لعدد لفات معين الموتور بيفصل فعدد اللفات بيقل فبيرجع يشتغل تاني وهكذا ودي حمايه للموتور لو وصلت لعدد لفات عالي وبيستفيد منه الناس اللي بتلعب بلعربيه وحصوصا الخلفي بدل ميكارك بنزين التفصيل دا اكنه بيكارك بس مش كل الناس ولا كل العربيات

[enghany]

صباح الفل يا رجاله
أشتريت الأسبوع اللي فات فيرنا موديل 2007 أتوماتيك عامله 35000 كم
و بالفحص كده لقيت :
1 - سيور الدينامو و التكييف و الباور مشققين و غيرتهم
2 - و نضفت البوابه و الحساسات و غيرت فلتر الهوا
3 - الميكانيكي فضل يزود بنزين بعد الشغل ده و قالي العربيه دي مبتفصلش و ده معناه ان الكاتينه مأخره، قولتله الكاتينه متفكتش قبل كده لأن العربيه عامله 35000 كم فقط لا غير و انا متأكد من العداد :01964e~163: - مفيش فايده مركب تيييييييت في دماغه - المهم سيبته و مشيت و بعدين قلقت ليكون السير في حاجه فرجعتله تاني يوم للأطمئنان لقى الكاتينه مظبوطه و السير حالته كويسه فقالي يبقى في عيب في البوجيهات او السلوك لأن الموتور لازم يفصل
4 - العربيه محتاجه طنابير أماميه فأفتالي برضه ان المفروض يتغير معاها البلي

أيه رأيكم في الكلام ده
تحياتي

الاخ الفاضل
اولا
انصحك بتغير سير الكاتينه لان جميع السيور يتم تغيرها كل 3 سنين او 60000 الف كم ايهما ياتي اولا
بالنسبه لموضوع التفصيل دا
ممكن يكون 100 مليون سبب
بوجيهات - حساس سلانسيه - رشاشات - كاتينه -- طلمبه بنزين - كنترول غير حاجات تانيه كتير
و بعدين ان السير معدي عليه 3 سنين و الميكانيكي يقولك كويس -- سوري يعني
اكشف علي العربيه كويس و شوف ايه اللي فيها

[Blue..Sky]

الميكانيكي ده بيشتغلك وش !!

[agaty1st]

طنابير أيه ياعم 35000 !!!!!!!!!!!!!!! ازاى

بصراحه انا مش عارف طنابيرها تتغير على كام كيلو
لكن العربيه ناعمه زي الحرير و أول مادوس فرامل تلاقي زلزال في البدال و العربيه
و من خبرتي المتواضعه مع عربيات سابقه ده عيب طنابير
و الله أعلم