صوت ونة مع بداية ال90 - النترا ٢٠٠٨

[nunoismaz83]

السلام عليكم ورحمة الله وبركاته
من ساعة ما اشتريت العربية وانا سامع فيها صوت ونة بيظهر معايه عند سرعة التسعين
والغريب ان الصوت بيروح ويجي ورة بعض "اقل من ثانية واقل من ثانية" وبيزيد مع ازدياد السرعة
غيرت كاوتش وعيرت فلتر هوا وغيرت سير المجموعة وغيرت بلي أمامي
وغيرت بعض الحاجات في العفشة كانت بايظة بيض وعصاية دريكسيون

ولسة الموضوع زي ما هو مش عارف العيب من ايه بظبط

[aw2100]

اعتقد دة عيب عندك فى الفتيس غير زيت الفتيس الأول لو ماغيرتهوش ممكن يكون الزيت عندك قديم !!

[nunoismaz83]

اول حاجة علمتها اول ما اشتريت العربية
زيت الفتيس وزيت الموتور والفلتر كمان

[aw2100]

اول حاجة علمتها اول ما اشتريت العربية
زيت الفتيس وزيت الموتور والفلتر كمان

طب صوت الونة دى ماقلتش شوية لما غيرت زيت الفتيس ؟؟

[nunoismaz83]

خالص زي ما هو ولا آي جديد!
انت شاكك يكون من الفتيس!! طيب اعمل ايه عشان افحصة

[m7mdwagih]

الونة ديه غالبا بتبقي بلي العجل و لو طلع بلية لازم تجيب نوع نضيف اكشف عند عفشجى و اتأكد

[M_SALLAM]

واحد قاريبى كان عنده نفس المشكلة و كانت من الجنوط الامامية بس كان معاه نوبيرا مش النترا

[M.Al-Hefnawy]

هي العربية مانيوال ولا أوتوماتيك؟ خليت كهربائي يبصلك على الدينامو ممكن تكون الونة منه؟

[عبدالله برعى]

الاحتمالات
-بلى العجل
-الكوبلن
-الفتيس
-الدينمو بس مستبعد