زجاج البرابريز اتكسر

[ramyelkably]

السلام عليكم

زجاج البرابريز الامامي لعربية جاري هيونداي اكسنت اتكسر وكان بيسألني في فرق بين مايتغير في التوكير او بره ؟ خصوصا ان فرق السعر كبير جدا ؟؟ وفين احسن مكان يتغير فيه ؟

انا الصراحه قولت استعين بخبراتكم وجزاكم الله خيرا علي الرد مسبقا

[Derp]

هو د.جريش بيعمل ازاز الهيونداى كله , ده احسن مكان تروح تغيره فيه, شوف فرع جنبك و بتاع التوكيل برده د.جريش و معظم الناس بتقول انه احسن من اللى بيتباع بره

[Y a r i s]

بص ياباشا زجاج هنداي غير معالج لاشعت الشمس
يعني زجاج عادي جداً جداً جداً ... وهونداي متعاقدة مع شركة دكتور قريش ومتعقدة مع امان فروح اي فرع لدكتور قريس او امان وركب عندو انضف واحسن ... وهتلاقي فرع لدكتور جريش في شارع دمشق عندهم عماله نضيفة ومستوى عالي ووفر فلوسك في جيبك مش مستهلة صدقني. ... وتحياتي

[saddam]

صديقي المواطن
لا أؤيد رأي الأخوة الزملاء المواطنين في المنتدى فزجاج دكتور جريش هو مقبول وليس ممتاز وهناك أنواع أخرى كثيرة فاﻷفضل تروح مكان عنده جريش وعنده أجنبي وإنت تختار وتقرر بعيدا عن السعر وأحسن مكان تلاقي فيه إختيارات ورخيص هو الثلاثي في مدخل الحرفيين أو الثلاثي الثاني في آخر شارع المرسيدس تخش شمال وكمان حتلاقي كذا محل جنبهم فتسأل لزوم المنافسة السعرية وإياك تدفع ربع جنيه في التوكيل حتحرق بنزين عالفاضي
ودمتم للنضال

[michohat]

اللي اعرفه ان في مصانع زجاج سيارات صغيره بتصنع الزجاج بدون وضع لوجو خاص بها وتضع لوجو السيارة
بمعنى ان ممكن تتغش بسهوله ومحل الزجاج يقول لك ان الزجاج ده مستورد واصلي وعليه علامه العربية مع انه ف الاصل متصنع هنا ف مصر ف مصانع صغيرة وطبعا منقدرش نحكم ع جوده التصنيع
ده برضه مش تحيز لجريش لانني لحد الان في نفس الموقف فالبرابريز عندي مكسور وبعد ما درست السوق والموجود محتار اركب انهي
جريش وعليه علامه جريش ومش عليه علامه هيونداي
ولا شبهه الاصلي ( متصنع ف مصر ) وعليه علامه هيونداي
ولا الاصلي بتاع التوكيل وده لوحده هيكون فيه مخاطره كبيرة لان اخر سعر سمعته له 2500 و ف الاخر ده ازاز معرض للكسر ف اي وقت