عرض الالانترا كوبيه

[M_Elhendawi]

مساء الفل اولا يا جماعة ...
حبيت استشيركم في عرض غبور للالانترا الكوبيه اللي ب 140 الف والتانية اللي ب 160 الف
لو حد يعرف عنها حاجة
و رأيكم ايه في الكوبيه .. لاني بصراحة ما شفتهاش في الشارع خالص و اعتقد ان ضعف مبيعاتها هو سبب نزول سعرها كده في العرض
انا عن نفسي عمري ما سقت هيونداي قبل كده .. فحبيت اعرف رأي اللي عارفين
بالنسبه للسعر مناسب جدا بالنسبة لي خصوصا بالنسبة للاوبشنز
مش عارف ايه رأيكم يا جماعة

و شكرا مقدما

[khaabas]

هى هى السيدان
وسبب عدم انتشارها لانها بتخاطب فئة محددة من المشترين ( الشباب )

[Samir Elshahawy]

أخي الفاضل ..

بالنسبة للمعلومات عن الألنترا الكوبيه ممكن تجدها هنا في الرابط التالي :

http://www.nilemotors.net/Nile/332180-2013-2.html

أما عن رأيي .

الألنترا MD موديل 2014 ستكون أفضل , ليه ؟
1- هي هي نفس العربية و لكن بأربعة أبواب بدلا من 2
2- وجود أيموبيلايزر في الالنترا MD العادية
3- أعتقد الفئة الثالثة من الالنترا العادية ستكون بنفس المواصفات ووسائل الامان
4- سعر أعادة البيع لالنترا العاديةأفضل من الكوبيه اللي مافيش أقبال عليها

[M I D O]

بفضل الالنترا العادية الا لو انت شاب ومعاكش عيلة يبقي الكوبية هتكون خطيرة

[mohamedxsayed]

بفضل الالنترا العادية الا لو انت شاب ومعاكش عيلة يبقي الكوبية هتكون خطيرة

هو ده

[Haitham Basha]

استنى متجبش دلوقتي لأن الكوبية الشكل الجديد نازل قبل السيدان الفيس ليفت بي 3 شهور ... غبور ببصفى الكوبية القديم كلو على شان ينزل الجديد ... و زي ما قالولك الإخوة هي خطيرة لو معكش عيله غير كده هتبقى غير عملية بالمرة ...

[mohamed Gamal]

السؤال دلوقتي في اعادة البيع سعرها بينزل لأي درجة، ولا أصلا محدش بيبص عليها؟؟
وهل الكوبية فيها ايموبلايزر ولا لأ؟

[haysam2000]

موضوع الأيمبولايزر مش هقدر افيدك فيه (استنى المهندس سمير)
لكن اعاده البيع اولا هتكون تقيله مش هتتباع بسهوله و ثانيا لو العاديه هتنزل 15000 دى هتنزل 25000 علشان سوقها اقل كتيير

[Samir Elshahawy]

واضح أن العرض جاب نتيجة
كان بقالي كام يوم بأشوف النترا سودا تحت البيت بتركن جنب عربيتي لحد ما في مرة نازل الصبح و لاقيت شكل الفوج لايت بتاعها مختلف

قولت أيه ده ؟
معقول الالنترا الشكل الجديد نزلت مصر ؟
و لسه هأتفحص العربية لاقيتها الكوبيه

و في مصر الجديدة النهاردة شوفت أثنين كوبيه واحدة في الكوربة و التانية كانت في شارع دمشق
و أنا راجع الرحاب أتكعبلت في الكوبيه الرابعة

واضح أنها بدأت تنتشر

[mohamed Gamal]

أنا بفكر اجيبها الفئة الاولى في العرض قبل ما يخلص بدل الكورولا الجنوب افريقي ٢٠٠٩

[M_Elhendawi]

انا رحت شوفت الفئتين ..
مافيش اي مشاكل في المساحة الداخلية .. هو موضوع الدخول و الخروج من الكنبة اللي ورا هو اللي مزعج حبتين تلاتة كمان ...
كمان ان ورا مافيش شبابيك تتفتح ..
شكلها جميل فعلا .. خصوصا الفئة العالية .. لكن طبعا الجنط ال17 هيكون مأساة في شوارعنا الحبيبة ..
شكل الفئة الاولى جميل مش زي العالية بس جميل برضة .. لكن فرش الكراسي القماش تحس انه رخيص زيادة عن اللزوم ...
على قد ما فهمت .. في تغيير في العفشة ورا .. وده معناه قطع غيار مختلفة و نادرة الى حد ما .. يعني هتتحوج للتوكيل لا محالة ...
شفت واحدة في الشارع .. في مدينة نصر .. مش سهل تميزها عن السيدان .. الفروق بسيطة قوي غير عدد الابواب...

يعني .. دي كل ملاحظاتي .. حبيت اشاركم بيها
و كل سنة و انتم بالف خير و صحة و سعادة