كربراتير هيونداى اكسيل 1500

[كشك7]

السلام عليكم و رحمة الله و بركاته
عندي مشكلة ظهرت من يومين بس
العربية هيونداي اكسيل 1500 كاربراتير
المشكلة بقي ان العربية بقيت لما ادوس دبرياج و اشيل رجلي من البنزين العربية بتطفي لوحده زي ما اكون طفيتها من المفتاح
و النهارده بقي لما جيت اخرج بالعربية الصبح فضلت يجي 5 دقايق ادور فيها لغاية مادارت و بعدين و انا ماشي علي الطريق لسها بدوس دبرياج علشان انقل سرعة قامت الرعبية طفت و رجعت شغلتا طفت تاني يجي عشر مرات كل ما اشغلها تطفي و بعدين اشتغلت تاني عادي خالص ولا اكن في حاجة
حد يقولي في ايه علشان انا زهقت .. علما ان بمون بنزين 92
اسف علي الاطالة

[saddam]

صديقي المواطن
مبدئيا كده اﻷسباب كثير ومجتمعة أولها تعمل اللي عليك وهي بوجيهات وسلوكها تتغير وفلتر بنزين وفلتر هواء وتطلع على دكتور كربريترات وليس ميكانيكي يعيد الكربريتير زيرو وينظم هواه واﻹبرة بتاعته وحيخف عندك مصروف البنزين وكمان تشيك على التقسيمة وتشيك على الشكمان لو فيه إنسداد خفيف ثم لو فيه تسريب هوا من جوان الفرن يتغير وبكده حتتظبط معاك.والكوندنسر والموبينة واﻷسبراتير لو فيها دي حجات بسيطة لما بيغيروا البوجيهات تبان معاهم بس أهم حاجة تجيب بوجيهات رقم العربية عشان تاخد شرارة مظبوطة وبعد أما تنظف الكربريتير كل شهر تحط منظف كربريتير مع نص تنك بنزين وعربيتك حتصقى وحتدور من أول تكه ومضوعك بسيط ولا تقلق
ودمتم.للنضال

[كشك7]

طيب سؤال تاني
العربية بقالها فترة لما اجي ادورها الصبح تطفي علي طول ارجع اشغلها تاني تشتغل عادي بس لو مشيت علي طول بتطفي و لو دوست بنزين جامد بتطفي لازم استني عليها دقيقة او دقيتين ايه السبب في كده
و شكرا ليك

[mado_xxx]

الكربراتير عايز يتنضف

[hassanin_lada]

كاربرتير ياباشا

ومش معني انك بتحط بنزين 92 يبقي كده مش هتحصل مشاكل او مش هتحتاج صيانة كربرتير

هو بيقلل الصيانه لكن مش بيمنعها

شوف واحد متخصص وبلاش يقولك عمرة يادوب فكه وراجع علي البكات واغسله كويسه وكله هيبقي تمام

حتي هتلاقي دخانه سوده لما تزود بنزين الصبح

[كشك7]

كنت منظف الكاربرتير من شهر تقريبا
بس مفيش دخنة بتطلع خالص

[eng.salama93]

بص يا باشا ... خلي حد يربطلك كابل الأرضي اللي ف المكنه و ان شاء الله الكلام دا هتنساه خالص

[volk]

طالما العربيه بتطفي و انت ماشي بتتأخر في الدواره يبقي نضف كربراتير كويس و مش معني انه اتنضف قبل كده يبقي مش هيتنضف تاني ممكن كمان المشكله ان البنزين عليه ميه حصلت معايا كتير و اضطريت اني انضف التانك و دوره البنزين كلها

المهم غير الفلتر و اتكئد ان مفيش ميه علي البنزين و نضف البوجيهات و الكربراتير بكل بكاته

[كشك7]

روحت للميكانيكي علشان اغير البوجيهات فقالي انهم حلوين
و بالنسة لحكاية ان العربية بتطفي لوحدها ..قالي ان دي وساخة في البنزين
و بالنسبة لحكاية تاخير الدوارة بيقولي ان المارش خشن
ايه رايكم في الكلام ده

[hamisa08]

الخلاصة

المشكله عندك تتلخص فى فلتر البنزين عايز يتغير وتمنه من 15 الى 20 جنيه وانته هتغيرة بايدك مش محتاج تروح لميكانيكى جرب وادعيلى

اكيد بتحط 92 بس تمشى بيها لحد اخر شوية فى تنك او لحد اللمبة لما تنور :)

المشكله الدوراة الصبح لازم تسخن العربية الاول قبل ما تطلع على الاقل 5 دقايق ممكن تفضل دايس بنزين او تشد الشفاط سنة صغيرة لو شغال عندك وجرب بردة وادعيلى