معروض علية نيو اكسنت

[simon659]

في نيو اكسنت زيرو عمله 32 الف كيلو مطلوب 87 الف اوتوماتك هخلصها علي 83 اوتوماتك بأزن الله .
كنت عاوز اعرف هي اوتوماتك هي فيها كيك داون ولا لا
اخبار السحب والسبات والفرامل ايه يا جماعه محتاج رأيكو وشكرا

[aymanshebl]

ديه مش زيرو و لا حتى كسر زيرو ديه مستعملة

[saddam]

صديقي المواطن
كل اﻷوتوماتيك فيه كيك داون ولا تقلق
ودمتم للنضال

[michohat]

حضرتك العربية معايا من 4 اشهر ولا اجد ملاحظة عليها سوى ان عفشتها ناشفة (هتحس بكل زلطه ف الطريق) وفراملها جامده

[Amro_ON]

حضرتك العربية معايا من 4 اشهر ولا اجد ملاحظة عليها سوى ان عفشتها ناشفة (هتحس بكل زلطه ف الطريق) وفراملها جامده

انفخ نيتروجين وادعيلي:

[Amro_ON]

هي موديل كام

[simon659]

يا جماعه اعتزر علي الكلام معني كلمه زيرو انها جديده بره وجوه من الاكصدام للاكصدام وفيها ريحه الفبريكه انا بستفسر ما هي تعليقاكو عليها ولا احط الفلوس دي في حاجه تانيه محتاج رايكو ورأيكو ده همشي بيه واهم حاجه الثبات علي الطريق واستهلاك البنزين يعني

[simon659]

وهي موديل 2010 مش اسبورت

[profimh]

هى عربية كويسة فى الاستهلاك طالما معديتش ال 140
بالنسبة لمشيها عفشتها بتخليها مش ثابتة اوى على سرعة
انا بس ليا تعليق على السعر عالى شوية
لو فيه مساحة ياريت تبص على الالنترا 2009-2010 احلى منها فى الاستهلاك و الثبات

و الله الموفق

[Ahmed El Shamy]

انفخ نيتروجين وادعيلي:

عربية جميلة علي فكرة هي بس فعلا عفشتها ناشفة شوية حتي برضه مع النيتروجين بس علي فكرة ثابتة علي السرعات سحب روعة والكيك دون في الفتيس جميل جدا بس نصيحة متستخدموش كتير علشان تحافظ علي الفتيس واستهلاك بنزين جميل توكل علي الله بالتوفيق بس في نقطه مهمة موديل 2010 قطع غيارها ممكن تدوخك شوية انا صديق لي داخ علي مراية الجنب لما اتكسرت . بالتوفيق




د/ أحمد الشامي

[simon659]

شكرا للاهتمام يا جماعه والردود المحترمه اعقب بس عل نقه الالنترا المشكله الحاله الي زي الي بنتكلم فيها بتاعت النيو اكسنت بتتكلم في 120 الف جنيه وبصراحه بستحرمها مادفعش انا 100 حتي في النترا وارد جدا في اي لحظه ان سعرها ينزل في اي وقت مع احترامي ليها ولملكها عربيه كان تمنها زيرو 88 الف زيرو مانويل النهردا واحد عارضها ب100 الف مستعمله بره وجوه انا شايف بجد ان سوق المستعمل بيهزر واكاد اجزم ان سوق السيرات الحي العاشر ولا فيه بيع ولا شراء

[kar!m]

عربية جميلة علي فكرة هي بس فعلا عفشتها ناشفة شوية حتي برضه مع النيتروجين بس علي فكرة ثابتة علي السرعات سحب روعة والكيك دون في الفتيس جميل جدا بس نصيحة متستخدموش كتير علشان تحافظ علي الفتيس واستهلاك بنزين جميل توكل علي الله بالتوفيق بس في نقطه مهمة موديل 2010 قطع غيارها ممكن تدوخك شوية انا صديق لي داخ علي مراية الجنب لما اتكسرت . بالتوفيق
د/ أحمد الشامي

لو حضرتك قصدك على الشكل السبورت ..2010 في منها شكل عادي مش اسبور .. ودي قطع غيارها زي ال 2006 بالضبط .. ما عدا شكل مراية الباب فعلا هي اللي مختلفه .. و أنوار العدادات.

[khmshry]

عربية ممتازة بقالها معايا 4سنين ممتازة وعالية عن الارض وتحمل فيها ماتحك وماتورها قوي وفراملها جيدة بس العفشة ناشفة شوية بس انا عملتلها نيتروجين وحاول تجبلها كاوتش طري بس اللي معايا المانيوال واتعرض عليا ان بيعها وفكرت ابيعها علشان المانيوال بس مقدرتش ابعد عنها بحبها

[Ahmed El Shamy]

لو حضرتك قصدك على الشكل السبورت ..2010 في منها شكل عادي مش اسبور .. ودي قطع غيارها زي ال 2006 بالضبط .. ما عدا شكل مراية الباب فعلا هي اللي مختلفه .. و أنوار العدادات.

لا يا باشا مش قصدي علي السبورت الشكل العادي اللي معروفه بيه هو لما جاب المرايه مركبنتش والصنايعي قال له هتها استيراد احسن وفعلا لما جبها ركبت بس بعد طلوع الروح

[Ahmed El Shamy]

شكرا للاهتمام يا جماعه والردود المحترمه اعقب بس عل نقه الالنترا المشكله الحاله الي زي الي بنتكلم فيها بتاعت النيو اكسنت بتتكلم في 120 الف جنيه وبصراحه بستحرمها مادفعش انا 100 حتي في النترا وارد جدا في اي لحظه ان سعرها ينزل في اي وقت مع احترامي ليها ولملكها عربيه كان تمنها زيرو 88 الف زيرو مانويل النهردا واحد عارضها ب100 الف مستعمله بره وجوه انا شايف بجد ان سوق المستعمل بيهزر واكاد اجزم ان سوق السيرات الحي العاشر ولا فيه بيع ولا شراء

بص هي رنج الأسعار فيها متفاوت جدا ويمكن ده بيرجع لحالة العربية بس بجد عربية فعلا محترمة وموديل ال rb منها اروع