حاجه غريبه

[shooda2020]

الحصل معايا النهارده حاجه غريبه
انا كنت راكن العربيه بقالي اسبوع ماتحركتش و سليمه وزاي الفل
المهم وانا بطلع بيها النهارده سمعت صوت زاي زلطه كدا في العجله القدام ال قدامي انا بالظبط ال هي الشمال
استغربت قولت يمكن زلطه
الصوت زاي ماهو و صوت رخم صوت اعلي من الزلطه
المهم روحت لبتاع الكاوتشات قالي الكاوتش سليم والعفشه سليمه و مافيهاش حاجه
طب الصوت دا ممكن يكون سببه ايه
للعلم الصوت اختفي ركنت شويه بعد 4 ساعات طلعت تاني لقيت الصوت رجع شويه الصوت اختفي مش فاهم حاجه
ياريت الافاده من حضراتكم
شكرااااااااااا

[loshabih]

بص مش هفتي بس افتح الكبوت بص جواه

[verna2008auto]

الحصل معايا النهارده حاجه غريبه
انا كنت راكن العربيه بقالي اسبوع ماتحركتش و سليمه وزاي الفل
المهم وانا بطلع بيها النهارده سمعت صوت زاي زلطه كدا في العجله القدام ال قدامي انا بالظبط ال هي الشمال
استغربت قولت يمكن زلطه
الصوت زاي ماهو و صوت رخم صوت اعلي من الزلطه
المهم روحت لبتاع الكاوتشات قالي الكاوتش سليم والعفشه سليمه و مافيهاش حاجه
طب الصوت دا ممكن يكون سببه ايه
للعلم الصوت اختفي ركنت شويه بعد 4 ساعات طلعت تاني لقيت الصوت رجع شويه الصوت اختفي مش فاهم حاجه
ياريت الافاده من حضراتكم
شكرااااااااااا

اوشويش الودع ؟؟
الظلط مالهوش صوت ..
هل الصوت اللي بتسمعه (( متصل )) واله (( منفصل ومتقطع ))
لو لاقدر الله صوت متصل وبيزيد علي سرعه ( ونه ) (فوووو ) دي تبق بليه شمعدان

لو متقطع وبيظهر في المطبات ( بيضه مقص او الصاموله بتاعته ) ( تيش ميزان شمال ) (مسمار فلت من المساعد الشمال اللي في البطاحه ) ( ظلطه جوه ال داست كفر او حامي المساعد من التراب ) (( بس ))

[Blue..Sky]

بسيطه جداا !!

الموضوع ببساطه المسمار بتاع الطنبوره مفكوك بص فك العجله بالنهار وحتلاقي المسمار بتاع الطنبوره الصغير الي من بره واقع وهوه ده اكيد الي بيعمل معاك صوت في المشي شيك بس على مسمارين الطنبوره واتأكد وانشاء الله حيكون هوه ده سبب الصوت .

[عبدالله برعى]

فك العجلة اللى فيها الصوت وشيك على التيل والطنبورة والمجموعه حتى الكوبلن لو استمر يبقى افتح الكبوت وابحث عن سبب اخر