ارجو المساعدة ضرورى ومحيرانى

[kemon]

انا معايا اكسنت 1300 مو 2000
عاوز اغير جنوط واظبطها كدة هيا فيها الجنط الاصلى بتعها 175/75 /R13 اية انسب مقاس ليها يعنى مثلا عاوز اعرض شوية الكاوتش وخليها r14 يعنى مثلا 185 لو ينفع
بس كان فية هنا مشركة فى المنتدى قالى قبل ما تغير الجنط شوف رقم et يعنى مثلا لو كان ال et 49 يبقى ننقص منهم -10 يبقى et39 المشكلة بقى انى مش لاقى الرقم دة محفور على الجنط ومش مكتوب فا مش عارف
ارجو من حضرتك مساعدتى فى تغير الجنط ل 14 بس الارقام مش عارفها
وياريت مقاس الجنط المظبوط كام عشان مش عاوز ازعل العفش وانتو كلكم عارفين يعنى اية العفشة تزعل

[saddam]

صديقي المواطن
تغيير الكاوتش لو مش حتعدل فلنشات فحيحكمك فيه الرفرف ولفة الدركسيون للآخر

أما إنك تحط كاوتش 14 بدل 13 ف12 و13 و14 دول مهزلة في عالم التعديل فأقل واجب تعدل إلى 15 ولو فيها وسع عندك حط.16'ولكن لتوفير التكلفة حط 15 واﻷصح تاخد.العربية عند بتاع الجنوط والكاوتش وتقول له طلع لي مثلا 195/60/15 لو جه عندك ولف براحته داخل الرفرف فحاول تعلى إلى 205 ولو الرفرف مسمحش فحاول تنزل إلى 55 ومهما حصل إوعه تنزل عن إرتفاع 50 عشان متبقاش العرببة ناشفة في المطبات طبعا الكلام ده اللي بيحصل في أرض الواقع ولو عايز الكلام العلمي والقياسات وإختلاف العداد فبسيطة برضو ممكن أطلعهالك بالشعرة وبالتوفيق

ودمتم للنضال

[kemon]

صديقي المواطن
تغيير الكاوتش لو مش حتعدل فلنشات فحيحكمك فيه الرفرف ولفة الدركسيون للآخر

أما إنك تحط كاوتش 14 بدل 13 ف12 و13 و14 دول مهزلة في عالم التعديل فأقل واجب تعدل إلى 15 ولو فيها وسع عندك حط.16'ولكن لتوفير التكلفة حط 15 واﻷصح تاخد.العربية عند بتاع الجنوط والكاوتش وتقول له طلع لي مثلا 195/60/15 لو جه عندك ولف براحته داخل الرفرف فحاول تعلى إلى 205 ولو الرفرف مسمحش فحاول تنزل إلى 55 ومهما حصل إوعه تنزل عن إرتفاع 50 عشان متبقاش العرببة ناشفة في المطبات طبعا الكلام ده اللي بيحصل في أرض الواقع ولو عايز الكلام العلمي والقياسات وإختلاف العداد فبسيطة برضو ممكن أطلعهالك بالشعرة وبالتوفيق

ودمتم للنضال

شكرا لرد حضرتك
اولا انت رائ حضرتك ان 14 ملوش لزمة اركب 15 بس دة حيصل حاجة فى العربية من نحية ان العربية تبقى نشفة فى المطبات وكدة وامبير السرعه هيحصل فية حاجة يعنى اكون ماشى بسرعة مثلا 100 لكن فى الحقيقة 110 مثلا يعنى ولا جنط 14 مش هيفرق عن 15

ثانيا هيا المشكلة عندى فعلا ومحيرانى الرقم الى فى النص دة 75 او 65 على حسب يعنى عشان انا مش عاوز اعدل فى العربية فلانشات او اى حاجة من دى

ثالثا مش فارق معايا عرض الكاوتش قوى حلو قوى 185 مش هفترى انا من 175 يعنى فرق عشرة بركة قوى كدة

اخر حاجة ساعات بسافر لوحدى هل لو انا مجنط 15 وكدة العربية هحس انها خفيفة ممكن تطير يعنى اصل ساعات وانا ماشى على الدائرى عربية بتيجى بسرعه بحس ان العربية بتتمرجح حبت هوا هزو العربية ومكنتش ماشى بسرعه يعنى

وسعات تانية بسافر بالعيلة وكدة وشنط وبتاع لو فى المطبات وكدة هلاقى الكاوتش خبط فى الرفرف ولا اية ظروفة انا لما العيلة بتركب معايا فى العربية بحس ان العربية ماشية على الارض من الحمل الى فيها فا انا قولت اجنط وارفع العربية شوية بدل ما انا باكل كل مطب ومطب عسل لدرجة انى بحس ان العربية ممكن تقف على المطب فى النص وماتنزلش

ومعلش على التطويل دة بس حبيت اوصفلك الموقف كلة عشان مقفش قدام بتاع الكوتش واحس انى حمار ويدينى اى حاجة ويقلى لا دى العربية هتبقى تمام وكدة وحضرتك عارف هما عاوزين يبيعو وخلاص ولو اشتريت وطلع فية حاجة من الى خايف منها وقولتها دى مش هييرضى يغير حاجة

وياريت تفدنى حضرتك فى الموضوع دة وجزاك الله كل خير ومستنى رد حضرتك