صيانه النيو اكسنت 2010 وسير الكاتينه اه و الله

[MOTOR HEAD]

امتى بالضبط بيتغير سير الكاتينه (timing belt)

لانى لقيت مكتوب فى الكتالوج بيتغير كل

000 135 كيلو او 108 شهر

و عايز اعرف بعد اذنكوا ايه اللى بيتم فى صيانه 40 الف

[MOTOR HEAD]

نفسى اعرف 21 عضو المتواجدون مستخبين فين :)

[profimh]

حاضر يا سيدى
صيانة ال40 فيها الاتى:
بوجيهات + فلتر بنزين + فلتر هوا +مياه تبريد + لو معاد الزيت موافق يبقى زيت و فلتر
لو العربية اتوماتيك بيغيروا الزيت بتاعه بس نصيحة بلاش تغيره الا اذا كنت بتجرى فوق ال 150 لمسافات
و لو هتغيره بلاش عندهم لان معندهومش الزيت المطابق للمواصفات

سير الكاتينة بيغيروه على ال 60 الف او خمس سنين ايهم اقرب
انا ليا تجربة مع العربية رحت لمهندس التوكيل و كانت العربية عاملة 32 الف بس بقالها خمس سنين
فقالى خمس سنين نبقى نغير سير الكاتينة و السيور عشان نبقى فى الامان و غيرتهم

[MOTOR HEAD]

شكرا لردك

طب بالنسبه للمكتوب فى الكتالوج بالعربى و الانجليزى
ان سير الكاتينه بيتغير بعد 135000

هل ده نوع مش بينزل عندنا و لا غلطه

[profimh]

سير الكاتينة اعتماديته ممكن تصل لحد ال 200 الف
هو الكاتالوج بيتعامل مع الظروف القياسية للتشغيل

انما التوكيلات بتتعامل مع الحاجات الحساسة دى بالذات على عنصر الخبرة اولا و ثانيا الظروف القاسية للتشغيل

و بينى و بينك سير الكاتينة لو حصل له حاجة كلنا هنعيط على اللى هيحصل لاقدر الله

[MOTOR HEAD]

يبقى على 60 الف ان شاء الله

[profimh]

بإذن الله
ربنا يباركلك فيها و يديك خيرها و يبعد عنك شرها
متنساش لو اتوماتيك اوعى اوعى تغيرزيته عندهم الله يرضى عليك

[MOTOR HEAD]

حاضر

بس انا عربيتى مانيوال

شكرا على دعوتك الجميله