يا جدعان هاتشلللللللل ( إستفسار بخصوص نسخة مفتاح بصمة إلنترا )

[Chrispo]

السلام عليكم ورحمة الله وبركاته

مبدئيا كل سنة وانتو طيبين دلوقتى الواحد معاه النترا الجديدة اللى هى البصمة ومعايا نسختين من الكرت عايز بقا اعمل نسخة تالتة ايه الخطوات اللى هتتم بالظبط لحسن مفيش محل فيكى يا مصر بتاع مفاتيح قادر يعملى مفتاح البصمة ده

لو حد عارف يقولى ايه اللى هيتم بالظبط والموضوع سهل ولا صعب

[أحمد جودة]

عليك وع التوكيل ........ كل سنة وانتا طيييب

[abofandy]

مفيش غير التوكيل الى عندة الجهاز دة
وكنت سمعت من فتره ان الجهاز دة اتعمل له بلاغ انه اتسرق من غبور

[adelghanem]

كمان مفيش جهاز زى ده الا فى غبور !!!!
وكمان الجهاز اتسرق !!!!
انت متاكد
ده لو صحيح تبقى سبهلله

[lidosasa]

فعلاً أنا سمعت إن الجهاز أتسرق من غبور وطبعاً هما عندهم جهاز بديل ومش دى المشكلة .
المشكلة إن اللى سرقوا الجهاز بينزلوا على المناطق اللى فيها إلنترا ياخدوا الأرقام اللى بيتبقى على الإزاز ويعملوا نسخ من المفاتيح ويروحوا تانى يوم يلموا كل العربيات

[Chrispo]

ههههههههههههه الجهاز اتسرق هههههههه دى بلد حلوة اوى ومين اللى دماغو عالية وعرف يسرق الجهاز ده

طب يا جدعان تكلفة مفتاح البصمة اد ايه فى التوكيل ؟

[عبدالله برعى]

متابع

[K_E]

اعتقد والله اعلم انه مش بيتعمل فمصر اصلاً وبيتبعت طلب من الوكيل للشركة الام وبيجي المفتاح من بره

[MOTOR HEAD]

بيقولك الجهاز اتسرق

اتشل بضمير ههههههه

[Mamoud salah H]

لو الكارت دة نفس النظام بتاع الميجان2 وانا اعتقد ذلك
حضرتك في محل في شارع جسر السويس اسمه سعيد ودة مشههر جدا هناك قدام بنزينة توتال وانت رايح علي الحرفيين كدة هو علي يمينك وعلي شمالك بيكون في يوترن وبنزينة توتال ب حضرتك تروحلوا بليل عشان بيكون مش موجود بالنهاار
وهتشوف كمية الناس الس واقفة عندة وافخم انواع العربيات من بي ام لمرسيدس ل اودي

ووهو الوحيدد الي صلحلي كارت الميجان بعد ما الكل قالي نفس الكلام ووالتوكيل قالي هنبعت طللب لفرنسا وبعد 15 يوم هيجي الرد وهيتكلف 2000 عشان تعمل واحد جديد

ورحت صلحته عند سعييد ده ب 80 جنيه بس معرفش استخراج نسخة جديد هيكلفك كام بصراحة

[hossam_elwani]

لو الكارت دة نفس النظام بتاع الميجان2 وانا اعتقد ذلك
حضرتك في محل في شارع جسر السويس اسمه سعيد ودة مشههر جدا هناك قدام بنزينة توتال وانت رايح علي الحرفيين كدة هو علي يمينك وعلي شمالك بيكون في يوترن وبنزينة توتال ب حضرتك تروحلوا بليل عشان بيكون مش موجود بالنهاار
وهتشوف كمية الناس الس واقفة عندة وافخم انواع العربيات من بي ام لمرسيدس ل اودي

ووهو الوحيدد الي صلحلي كارت الميجان بعد ما الكل قالي نفس الكلام ووالتوكيل قالي هنبعت طللب لفرنسا وبعد 15 يوم هيجي الرد وهيتكلف 2000 عشان تعمل واحد جديد

ورحت صلحته عند سعييد ده ب 80 جنيه بس معرفش استخراج نسخة جديد هيكلفك كام بصراحة

لا مش زى كارت الميجان خالص

[Mamoud salah H]

لا مش زى كارت الميجان خالص

طب ممكن حضرتك توضحلي الفرق بينهم ايه

[hossam_elwani]

كارت الميجان لازم طبعا يركب فى فتح مخصصه عشان العربيه تشتغل

لكن الالنترا ويرلس

ده من ناحية الشكل والتصميم

[Mamoud salah H]

كارت الميجان لازم طبعا يركب فى فتح مخصصه عشان العربيه تشتغل

لكن الالنترا ويرلس

ده من ناحية الشكل والتصميم

شكرا علي المعلومة ياباشا

[AHMEDCAR]

المفتاح البصمه موجود في التوكيل و سعره 1450 و بيتم تركبه و برمجته على العربيه

هات رقم الشاسيه و انا اقولك موجود في انهى فرع على طول