رعشه دريكسيون

[shooda2020]

بحس برعشه في الدركسيون من بعد ال 100 كيلو علي طووول مع اني مرصص والكاوتشات جديده
بس وهو بيرصص قاله الجنط الورا عايز يتخرط مافهمتوش يعني ايه دا
وهل هو دا سبب ال بيحصل معايا

[loshabih]

ممكن الجنوط تكون معووجه فيها رفه هي اللي بتعمل كده

[shooda2020]

طب هي دي فعلا تعمل كدا؟

[profimh]

اه نعمل كده لو فيها رفة
بس اعتقد الراجل كان يقصد الطنبورة اللى ورا لان دى اللى بتتخرط و دى بتعمل كده و بتبان اكتر مع الفرملة

[shooda2020]

لا هو قالي الجنط نفسه مش الطنبوره
لا حط الجنط عالجهاز الترصيص وعرف
بس لو الطنبوره دي مين يعملها ؟

[saddam]

صديقي المواطن
لو.الجنط ملووح فالمفروض بتاع الترصيص ما دام ركبهولك يبقه هو المفروض عمله بس أحيانا بتوع الترصيص 3 أنواع واحد صنعته على قده فمش ببعرف يظبط جنط وده اﻷعم الغالب في مصر والثاني مش عايز يصرف رصاص كتير فيقلك روح إستعدل الجنط وده منه كتير وشخصية فاشلة والثالث وده لا يزيد عن 10% بيقعد يلف الكاوتش عالجهاز إن شا الله 10 مرات.المهم يصفر من الناحيتين
ولو إنت فعلا عند جنط ملووح فبسيطة تروح أعلى كوبري الملك الصالح بعد المنيل أو تروح الحرفيين ترجع الجنوط زيرو وموضوعك بسيط ولا تقلق وبالتوفيق وإلى اﻷمام ومن نصر إلى نصر
ودمتم.للنضال

[shooda2020]

ربنا يخليك وشكرا جدا يعني ممكن بتاع الترصيص يعملها
بدل ماروح استعدل الجنط

[profimh]

لو متأكد انه الجنط الاخ saddam شرح الموضوع من الاخر
اما للرد على سؤال الخرط للطنابير فدى مخرطة و غالبا الصنايعى هيبعتك لواحد بيتعامل معاه

[Ahmed_Adham]

الأهم من ده كله هل ال 4 عجلات اتصفرو في الترصيص وبقو 0 ولا الفرده اللي بتتكلم عنها كانت مش صفر؟

[shooda2020]

طب يا جماعه حد يديني الحل الامثل للرعشه دي .. اه رصصت ال 4 فرد صح انا محتار اروح لبتاع ظبط وترصيص ولا واحد ميكانيكي علشان موضوع الطنابير ولا اروح فين

[Blue..Sky]

بص يبني انا كان عندي نفس مشكلتك بالظبط وطلع العيب في الطنابير روحت عند خراط محترف في صقر قرش ورجعلي الطنابير زيرو والرعشه راحت وكله تمام .

[shooda2020]

هو سوال معلش الطنابير دي ورا ولا قدام ؟

[shooda2020]

وايه ال بيحصل للطنابير مع الوقت؟

[shooda2020]

العربيه مش عامله 25 الف كيلو

[john55]

بحس برعشه في الدركسيون من بعد ال 100 كيلو علي طووول مع اني مرصص والكاوتشات جديده
بس وهو بيرصص قاله الجنط الورا عايز يتخرط مافهمتوش يعني ايه دا
وهل هو دا سبب ال بيحصل معايا

بنسبه كبيره العيب من الجنط لان لو كانت طنابير كانت بانت مع الفرامل لو بتحس بلرعشه مع الفرامل تبقي طنابير لو من غيرها يبقي الجنط او ممكن تحط العجله الاستبن مكانها وتجرب وشكرا