أفيدوني يا أهل الإكسيل !!!!!

[singary]

كل سنة وانتم طيبين
قدامي عربية إكسيل موديل 98 فابريكة جوة عداد 80 ألف كيلو فاضية و 1300 سي سي، بدون 1-تكييف
2- سنتر
3- زجاج كهربا
4-الدريكسيون مش بور ، حالة الموتور جيدة جداً والعفشة كويسة

السؤال بقا:

1- العربية دي تساوي كام ؟
2- لو عملتلها التكيف والسنتر والزجاج الكهربا والبور تتكلف كام؟

[dr/hamza]

ريح دماغك واشترى الحاجة ف العربية جاهزة علشان متعطلش منك بسبب صنايعى حماااار

[singary]

شكراً

ريح دماغك واشترى الحاجة ف العربية جاهزة علشان متعطلش منك بسبب صنايعى حماااار

شكراً يا باشا على الرد بس انا كنت شايفه لقطة هشان هاملة كيلومترات قليلة 80 ألف كيلو واستعمال بيتي.

ايه يا رجالة 27 مشاهدة ورد واحد، عايز أرد على صاحب العربية ومستني ردكم على السعر، والحاجات اللي ممكن تتعمل

[hamisa08]

تكييف حوالى 4000 جنيه

انذار 250 سنتر 180 زجاج كهرباء الباب الواحد بتجيب مكنه ب 100 الى 120 وتجبلهم زرار ب100 يعنى الشبكين اللى قدام بس حوالى 300 الى 350 جنيه

المهم بقى اى حد معاه اكسيل بيطلب حسب حالتها مش حسب امكانيتها علشان الاكسيل كلها حاجتها شيل وحط لو نظيفة اووى حسب كلامك ممكن 35 الف ومش هتفرق اووى مع اللى هيشترى بقيت الكمليات حيس انه حلتها ممتازة كدة

[hesham155]

بلاش اكسيل اصلا انا كان معايا وحده كامله اوتوماتيك خليجى تكيف بور 4 زجاج كهرباء وبعتها ب 30 الف اعتقد دى تسوى 25 بالكتير بس انصحك بلاش الفرق فى الفلوس من 25 الى 35 مثلا يفرق معاك جااااامد لعربيه احسن زى الاكسنت او اسبرنزا a113 مثلا تزود 3 او 2 الاف كمان

[momo100010]

يا بااشا بالرغم من عدم ثقتي ف 80 الف ك دي ولكن
لو كده يبقى رينجها من 26 :28 ماتزيدش جنيه ودا لانها الموتور الصغير وبدون اى كماليات
ونصيحتي الاخوية
هات ال 1500 افضل كاملة وهتريحك عن دى خااااااااااااالص

[Pop Excel]

بقولك يا باشا لو خدت على الكلام اللى هشوفوا فى الكومنتات يا هتتسوح و تلبس يا مش هتشترى اصلا
ده فى واحد بيقولك 25 الف ؟؟؟؟؟؟؟؟
25 الف ايه يا عم بس مفيش اكسيل سيدان اساسيتها سليمة حتى لو 1300 و فاضية بردوة من 28 ل 30
25 ده يا باشا هاتشباك او سيدان الركب اساسيتها خربانة
و لو جبت اكسيل سيدان 1300 فاضية اساسيات سليمة مش محتاجة مصاريف انا شايل وقتى

[mado83]

سيدى الفاضل
لو العربيه دى اساسيتها سليمه وحالتها كويسه ولو انى اشك فى موضوع ال80 الف كيلو
يبقى سعرها فى حدود ال27 الف
لو هتجيبها تركبلها سنتر وانذار و4 زجاج كهربا هتدخل فى حدود 1000 او 1200ج
وماتركبلهاش تكييف علشان المكنه 1300
او انك تدور على واحده 1500 هتعمل من 33 وانته طالع

[J A G U A R]

80 الف كيلو ايه بس ده العداد ملعوب فيه لما شبع .. ودور على مكنه 1500 احسن او تريح نفسك وتجيب لانوس افضل .