-هيونداي أكسنت rb و زيت الموتور () 5w30 ( في التوكيل(محتاج رأيكم)

[toty_305]

-كنت بعمل صيانه ال 20.000 في توكيل العبور بعيدا عن ال 1200 جنية بتوع الصيانة

و فجأة لاقيتهم حاطين لزوجة جديدة زيت شل الترا 5W30 و قبل كدا كانوا دائما بيحطوا 5W40

السؤال بقى هل ال 5W30 يستحمل حرارة الصيف عندنا في مصر

وشكرا مقدما

[x_gomgom]

ياااه اخيراً اقتنعوا......
هو لزوجته اقل حاجه بسيطه من 10-40 بس هل فرق معاك السحب و صوت الموتور ولا لا؟ انا غيرت الزيت بره بس 5-40 نوع غير الشيل و كنت بدور من فتره على شيل اللزوجه دي بس للاسف لم اعثر عليه..
يا ريت تحكي شويه هل فرق في صوت الموتور و السحب ولا لا

[khaabas]

لا طبعا من وجهة نظرى
لان فى الكتالوج اللزوجة غير موصى بها فى الشرق الاوسط 5w20 والفرق بينه وبين 5w30 موش كتير فاعتقد غلط
وعلشام مفتيش انتظر راى المتخصصين

[x_gomgom]

الكتالوج 5-30 او 10-40؟؟؟ إزاي مش في الكاتلوج

[x_gomgom]

في الصفحة 5 القسم 8 من الكتالوج يجذر من استخدام اللزوجه 5-20 للشرق الاوسط فقط مجابش سيرة 10-30

[khaabas]

في الصفحة 5 القسم 8 من الكتالوج يجذر من استخدام اللزوجه 5-20 للشرق الاوسط فقط مجابش سيرة 10-30

ايه بقى الفرق بين 5-20 ، 5-30

[khaabas]

ثم فى الصفحة 5 موش مكتوب فيه 5-30 او
10-40
مرسوم جدول ومفهوش 10 40 دى خالص

[x_gomgom]

ثم فى الصفحة 5 موش مكتوب فيه 5-30 او
10-40
مرسوم جدول ومفهوش 10 40 دى خالص

خطأ مطبعي مني اسف عليه ....
دي مشركة العضو Wolf Oil Egypt :
هحاول اشرح المعنى بس حبيت اوضح معلومة ثابتة و هى ان لزوجة اى زيت ترتفع (يعنى يبقى عامل زيى العسل) كل ما درجة حرارة الجو انخفضت و تنخفض (يعنى يبقى عامل زى المياه) مع ارتفاع درجة حرارة. بغض النظر عن معدل الانخفاض او الارتفاع تختلف من نوع زيت لاخر. و يعنى لما بتنزل زيت الموتور و تلاقيه زى الميه مش معناه انه بالضرورة سيء، هو بيبقى سخن عشان كدة بيبقى خفيف.

كل هم شركات الزيوت فى التطوير و بالتعاون مع مصنعى العربيات انهم يعملوا زيت يكون اخف حاجة ممكنة عند درجة حرارة الجو العادية المحيطة بالمحرك وقت الدوران و فى نفس الوقت لما الموتور يدور و يسخن تبقى درجة اللزوجة بتاعة الزيت كويسة بحيث انها تعمل فيلم من الزيت بين الاجزاء المعدنية (الفيلم ده لازم يكون سمكه ملائم لسمك الخلوصات المعدنية الحددها مصنع الموتور) عشان تعمل التزييت الملائم بينها، لا يكون الفيلم ده تخين اوى فيتحشر و يبقى عامل ضغط داخلى على الموتور و لا يكون رفيع زيادة فلا يحقق تزييت مناسب.

و بالتالى عمله الزيوت المتعددة الدرجة و بتشوفها SAE 10W40, SAE 20W50, الخ و قبل كدة كانت الزيوت معظمها SAE 50 بس SAE 40 بس و غيره

فى الزيوت المتعددة، الرقم الاول و الاصغر يمثل مستوى لزوجة الزيت عند درجة حرارة الغرفة حسب ما اقرته SAE (Society of Automotive engineers( يعنى الرقم الاول الهو 5 ده و كأنك عندك زيت درجة لزوجته SAE 5 عند بدء الدوران بينما عند درجة حرارة التشغيل تتحول لزوجة الزيت (عن طريق الاضافات الفيه) لدرجة SAE40 مثلاً و i, ]i hg.dj hg hsli 5W40

فى اوروبا و امريكا بيحتاجو درجة ال 0 صفر عشان درجة حرارة الجو الخارجى فى الشتاء بتبقى تحت الصفر فى مصر درجة ال 5 او ال 10 جيدة جداً لبدء الدوران صيفاً او شتاءً

اما الدلرجة الاخرى فالسيارات الحديثة بقت تتطلب زيوت خفيفة جداً نظراً لدقة الخلوصات المعدنية فى عملية تصنيع المحرك ففيه زيوت 30 و 20 الهى يعنى 5W30 و 5W20 و العادى ال 5W40 و لو وصلت لل50 او ال 60 فده للمحركات الفيها قرص على الموتور فى السباقات او القيادة العنيفة (عشان الموتور بيسخن جتد فاللزوجة بتقل جامد) او موتور حالته سيئة و الخلوصات بتاعته وسعت بسبب التآكل بتحتاج تديله زيت تقيل عشان يحقق التزييت ......
أنا نقلتها لاني بصراحه مش هعرف اشرح زيه لانه وكيل شركة زيوت و بالتأكيد عباراته دقيقه اكثر....
تقبل مروري

[x_gomgom]

و اللي اعرفه ان الرقم المكتوب مثلاً 5-40 الرقم الصغير دا اللزوجه في الدرجات المنخفضه و الرقم الكبير ده اللزوجة في درجه الحرارة العالية... وليس درجه حرارة عمل الزيت

[khaabas]

و اللي اعرفه ان الرقم المكتوب مثلاً 5-40 الرقم الصغير دا اللزوجه في الدرجات المنخفضه و الرقم الكبير ده اللزوجة في درجه الحرارة العالية... وليس درجه حرارة عمل الزيت

ما هو ده يا باشا اللى اقصده اذا كان 5w20 لا يصلح لينا كشرق اوسط للحرارة المرتفعة طبيعى 5w30 موش هيفرق كتير صح ولا انا غلطان

[toty_305]

-بخصوص نقطة هدوء الموتور و السحب و كده لسه مغيرة فملحتقش أحكم على أي حاجة بس المفروض انه هيفرق بسيط في استهلاك البنزين مع أنه كان ممتاز مع 5W40

-الكتالوج أصلا في زيت محرك البنزين مش مذكور غير 5W20 و 5W30 و بعدين كاتبين 5W20 لا يصلح للشرق الاوسط

-و في زي chart كده موضحين ان من -30 حتى 50 درجه مئوية ينفع 5W30

[x_gomgom]

ما هو ده يا باشا اللى اقصده اذا كان 5w20 لا يصلح لينا كشرق اوسط للحرارة المرتفعة طبيعى 5w30 موش هيفرق كتير صح ولا انا غلطان

برضه تفرق عشان لو هيضر الموتور كان الكاتالوج قرر ان ال 5-30 لا يصلح للشرق الاوسط
شوف ادخل مثلا على سايت شيل و نزل الملف ال PDF اللي فيه مواصفات الزيت و قارن بين كثافته كلاً من ال 40 و ال 30 في درجات الحرارة العالية.... الفرق بسيط جداً و مش بالطريقة اللي انت متصورها... مع العلم ان الزيت الموصي به في اكثر من شركة زيوت للاكسنت ار بي هو 5w-30 وشوف بنفسك....
يا رب اكون افدت

[toty_305]

- اللزوجة 5W30 أول مرة تنزل مصر صح ؟! ولا فيه أنواع تانية فيها اللزوجة دي و طبعا Fully synthetic

[khaabas]

اعتقد بس عامل معاك ايه

[toty_305]

-الصوت اتحسن بس اكيد عشان القديم كان على آخره

-السحب اتحسن بس عشان غيرت فلتر هواء و بنزين و بوجيهات

-أنا أكتر حاجة مخوفاني الصيف و الحر الشديد مع أن الزيت 5w30 هو الموصى به في الكتالوج 5w40 مش موجود