يعنى اية عندك بداية علبة دركسيون بس تمشى بها لسة شوية؟

[drcobra]

النهاردة كنت بعمل صيانة 70000 لاكسنت ار بى وكالعادة فى حاجات تقلق
المهندس قالى عندك بداية علبة دركسيون بس تمشى بها لسة شوية؟ مش فاهم يا ريت حد يفهمنى
ولا مرة عملولى ظبط زوايا كل مرة فى موضوع مرة الجنوط مش بتاعتنا المرة دى المهندس قالى فى فردة ممسوحة فلاش لان النتيجة مش هتتظبط اية رأيكوا
فى صوت هسة جاى من الماتور اول مابدوس بنزين خفيف

[agaty1st]

أعتقد ممكن تكون بتخبط في المطبات لكن بسيط
و الله أعلم

[rotanamasoud]

يعنى العلبه مبوشه (فيها اسنان تروس بخلوص كبير)وده بيعمل تخبيط وبيبان جدا فى الشوارع المكسره بس موصلتش لمرحله الخطر عشان كده قالك تمشى بيها شويه

[drcobra]

شكرا لاهتمامك فعلا التخبيط فى المطبات زاد جدا

أعتقد ممكن تكون بتخبط في المطبات لكن بسيط
و الله أعلم

شكرا لاهتمامك فعلا التخبيط فى المطبات زاد جدا

[khaabas]

هى جديدة فى التوكيل 2850
اشتريها من بره هتلاقيها ارخص بكتير هى الموبيس اعتقد بحوالى 1000 جند وحاجة بسيطة بس موش متاكد

[drcobra]

شكرا لاهتمامك

يعنى العلبه مبوشه (فيها اسنان تروس بخلوص كبير)وده بيعمل تخبيط وبيبان جدا فى الشوارع المكسره بس موصلتش لمرحله الخطر عشان كده قالك تمشى بيها شويه

معلش يعنى اية مرحلة الخطر؟واعرفها انا ازاى؟

واية الحل ؟يعنى ليها تصليح وترجع تانى زى الاول ولا لازم بعد كدة تتغير ؟وسعرها برة التوكيل تقريبا كام ؟
اسف للاطالة

[rotanamasoud]

مرحله الخطر لا قدر الله ان التبويش يوصل لتفويت يعنى تفوت سنه تدمر التوجيه بس ده مرحله بعيده جدا جدا
التصليح بيركبولها حاجه اسمها حشو بتكتم صوتها سنه وترجع تخبط تانى(حل مؤقت)
الحل الصحيح تغييرها لاكن عادى ممكن تمشى بيها كده سنه بدون مشاكل

[john55]

انا رايح التوكيل بكره علشان علبه الدريكسيون وانشاء الله يغيروها في الضمان

[khaabas]

انا رايح التوكيل بكره علشان علبه الدريكسيون وإن شاء الله يغيروها في الضمان

يا ريت تبلغنا على الاخبار

[john55]

انشاء الله

[toty_305]

-هو المهندس لم يذكر لحضرتك سبب العطل في العلبة بسبب الجنوط أو سواقة حضرتك عنيفة عشانن حرام عربية على 70.000 تجيب علبة هي الدنيا بتتطور و لا بترجع لورا !

[أبو_يوسف]

المفروض علبة الدريكسيون عمرها الافتراضي اد ايه مع المشي في شوراعنا دي؟

[toty_305]

-والله لو عربية كويسة و استخدام معقول و حذر من المطبات والحفر هتقعد أكتر من كده شوية مفيش حاجة محددة بس 70.000 ده قليل في نظري مثلا واحد صاحبي معاه لانسر 2006 عاملة 240.000 العلبة الأصلي مغيرهاش وسليمة

[error_1088]

ايه اعراض تلف علبة الدركسيون ؟

[drcobra]

شكرا لاهتمام الجميع

للاسف المهندس قالى على موضوع علبة الدركسيون بعد ما استلمت العربية وانا ماشى فمكنش عندى خلق اسألة اية السبب ..لاكن للاسف السبب اكيد فى شوارعنا الجميلة انا فى مدينة ولا اسوأ من حيث الطرق والمطبات والحفر المستمر