بالنسبة لكمليات الهيونداى فيرنا

[temoo_110]

السلام عليكم ورحمة الله
واللهى انا كنت عاوز اعرف سعر الزجاج كهرباء بتاع الفيرنا جديد بكام ومستعمل بكام هو والسنتر لوك وهل لما اجيب السيارة جديدة ينفع اركبهم فى اى حته ولا لازم فى التوكيل
واشكرم

[temoo_110]

هو ايه الموضوع يا جماعة محدش عارف ولا محدش عاوز يرود عليا

[mohamed yousry]

التركيب برة التوكيل يخرجك من ضمان الكهرباء والابواب......وكمان انا مبحبش افك الابواب لأن عمرها ما هترجع تتربط زى الاول.... بس لى سؤال مهم لية مشترتش ال 1600 ؟فيها كل الكماليات وزيادة 4 الاف فقط وهتاخد موتور اقوى بكتير وتكنولوجيا احسن؟؟؟؟؟

[temoo_110]

ايوة ياباشا هو فرق 4 الاف ونص وزيادة الزجاج الكهرباء والسنتر بس

[mohamed yousry]

ايوة ياباشا هو فرق 4 الاف ونص وزيادة الزجاج الكهرباء والسنتر بس

لا وكمان زيادة الموتور 100 سىسى واثنين كامة بدل واحد كامة يعنى سحب افضل كتير وكمان تكنولوجيا موتور احسن(نفس موتور الالنترا 2005)(106حصان يعنى اعلى من الماتركس)ال 1500 94 حصان فقط... والتكيف مبيأثرش فية.......وساعة داخلية فى التابلوة واوكر نيكل من الداخل ومخادع رأس خلفية ..
كفاية انك مش هتفك الباب عند واحد من الشارع ويجرحهولك بمفك ويقولك مش انا دة هو كدة من الاول ولما يربطة مش هيرجع زى الاول وهيشخلل معاك وان بتقفلة خصوصا ان العربية اصلا تقفيل مصرى....

[temoo_110]

متشكر جدا على التوضيح يا باشا وخلينا فى 1600

[temoo_110]

السلام عليكم ورحمة الله وبركاتوه
الحمدلله جانى الموفقة من البنك بالسيارة اخيراااااااااا
المهم نزلت علشان اجيب الفيرنا الكاملة لقتها عند ناس ب6900 وناس تانية ب 68500 واساسا مش موجودة نهائى وسالت فى غبور قالولى هتقعد شهر علشان تستلمها وسعرها ممكن يعلى فى وق
المهم انا لقيت فى المصرية بتاعت السيارات عندهم عربيات فيرنا نص كماليات بس الموتور بتاعها 1600 وب65000
فايه رايكم اشترى الكاملة احسن بالسعر العالى ده ولا اشترى النص واكملها انا
وياريت الرد بسرعة

[Ahmed_Ezz]

اشترى الكاملة احسن علشان ماتفتحشى مسلن باب العربية و هى جديدة علشان الزجاج الكهرباء فخليك فى الكاملة و توكل على الله

[مهندس محمد صلاح]

خليك فى الكاملة

خليك فى الكاملة وتوكل على الله

[sokasoon]

• خليييييييييييك طبعا فى الكاملة
  
  انا كنت زيك باردو بس فى اللانوس وجيبت الكاملة على طول
  
  والا هتحس انك شارى عربية عادية مافيهاش اوبشن خالص