تتخيل 16 شخص فى عربية ماتريكس

[أبو يوسف]

إمباح جالى مشوار زيارة لابن خالى جاى من البحرين
فلازم العيلة تروح تزوره وكان الاشخاص كالاتى
أنا وزوجتى وياسين و ليلى
أختى 1 وأولادها ( مصطفى ومحمد ومريم )
أختى 2 وأولادها ( محمد و شهد و أسمهان و على )
بنت خالتى وبنتها ( عبير )
أمى

6 اشخاص كبار و 10 أطفال ( من 7 سنوات الى 4 شهور )

بس العربية كانت هتسبلى وأنا ماشى وبتحك فى التراب مش فى المتبات

بس هاعمل اية بقى

[amr011111]

ازاى 6 اشخاص كبار
ده بالعافيه ورا لو ركب 4 يبقى كويس

[mastr_n]

كتير قوى بصراحة
اوعى تعملها تانى علشان سلامتك انت واللى معاك
وربنا يسترها علينا جميعا امين

[Silent~Dream]

حرام عليك كنت شوفت تاكسى ياخد 3 اشخاص كبار و 4 اطفال مثلا لان العفشه المفروض اخرها وزن معين و بتتبهدل جدا و الكاوتش ممكن يفرقع لانه بيتحمل وزن معين عند ضغط معين وربك الى بيسترها

[tameraast]

only in egypt :D

[Amr Elshamy]

احمد ربك ان العربيه معملتهاش معاك ... متبقاش تعملها تاني زي ما انا عملتها فبل كدا فى العربيه وحطيت 10 شكاير اسمنت

[khaled_sabry]

:_alshmokh22[1]: احمد ربك ان العربيه معملتهاش معاك ... متبقاش تعملها تاني زي ما انا عملتها فبل كدا فى العربيه وحطيت 10 شكاير اسمنت

ههههههههههههههه
انا برضه مره حطيت فى العربيه 6 متر بلاط موزيكو (اثقل من السيراميك بكتير) كانو ملو الشنطه اللى ورا و الكنبه و شويه حطيتهم على الكرسى اللى جنب السواق
ووصلت بيهم البيت و العربيه كانت فارشه اوى فى االارض و الشكمان فاضله شبر و يحك فى الاسفلت و فيه دايما مطب كنت بعدى عليه عادى من غير حاجه لكن فى دى لاول مره البيجو تحك فى المطب ده

[limo81]

7 متر سيراميك تقريبا 15 كرتونه..نيسان صنى 2013 شكل جديد
بس والله تحس انك راكب bmw من التقل ع الارض+السرعه

[akmm]

only in egypt :d

فعلا ده يحصل عندنا بس فى مصر ام العجايب

[adelghanem]

عجيبه
دول دخلوا ازاى
وبعدين طلعوا ازاى
مفيش عيل لزق فى عيل
هههههههههه
انا بهزر

[Elawany13]

ههههههههههههه
طب تخيل 15 شخص فى الشاهين
الاسبوع اللى فات كنت فى فرح
وفوجئت بالعدد المهول اللى عايز يركب معايا
واتكسفت احرج حد
قولت اللى يعرف يركب يتوكل على الله
كنت متخيل ان فيه البعض ممكن يتراجع عن قراره
إلا انى فوجئت انه كله بيتحشر فى الكرسى اللى جنبى
وفى الكنبة الخلفية
ركب فى العربية
5 أفراد بالغين منهم انا طبعا
و 9 أطفال بأحجام واعمار متفاوتة
و1 جنين لسه فى بطن امه
ههههههههههههه

فشر الميكروباص 14 راكب
والحمد لله عدت على خير
ومحصلش اى احتكاكات فى المطبات

[amr011111]

يا جماعة ربنا سترها وعدت على خير
العربيات بتبقى مصممه انها تشيل حمل معين وده متوزع على العفشه ومنه الى الكاوتش
فممكن مع الحمل الزائد مقص ينكسر او كاوتش يفرقع
كان فيه عربيه نقل محمله مواسير حديد وهى نازله من المطب سمعت صوت فرقعه جامده اتارى الكاوتش فرقع

[Elawany13]

يا جماعة ربنا سترها وعدت على خير
العربيات بتبقى مصممه انها تشيل حمل معين وده متوزع على العفشه ومنه الى الكاوتش
فممكن مع الحمل الزائد مقص ينكسر او كاوتش يفرقع
كان فيه عربيه نقل محمله مواسير حديد وهى نازله من المطب سمعت صوت فرقعه جامده اتارى الكاوتش فرقع

اكيد طبعا غلط على كل حاجه فى العربيه
الكاوتش والعفشه والشاسيه والماتور والفرامل والاتزان
بس ديه بتبقى حالات خاصه مش على طول بيحصل كده

Sent from my GT-S6500D using Forum Runner

[gomangy]

انا في مره كان معايا بيتلز وحطيت فيها 7.5 متر سيراميك حوالي خمس كراتين وانا وزوجتي والولاد 2 وحيت بالعربيه من اسيوط لسوهاج وكانت ايه ما شاء الله طيارة

[khaled_sabry]

عقبال ما دول يتزنقو فى العربيه
‫28 فتاة في سيارة ميني كوبر لتسجيل رقم قياسي‬‎ - YouTube