إعـــــــلان

Collapse

.

,
See more
See less

سؤال مهم بخصوص تعريض الإطارات

Collapse
X
 
  • Filter
  • الوقت
  • Show
Clear All
new posts

  • سؤال مهم بخصوص تعريض الإطارات

    ازيكوا يا شباب

    دلوقتي الالنترا مكتوب على القايم بتاعها مقاسات الكاوتشات اللي بتقبلها زي 195/65/R15 و 205/55/R16

    بس لاحظت ان فيه كاوتشات مقاس 205/55/R15، ودي ميزتها ممتازة انها تعرض الكاوتش بدون ما تحتاج تعلي قطر الجنوط

    فياتىرى ايه الوضع لو ركبت 205/55/R15 على الانترا 2011 مع ان المقاس ده بعينه مش موجود على القايم

    أتمنى الرد النهاردة يا شباب عشان مسافر بكرة الدقهلية إن شاء الله (أشوف عروسة وعلى الله ما يكونش الرد ) ولازم اظبط موضوع الكاوتشات وأشيل همها :)

  • #2
    صديقي المواطن
    مفيش مشاكل هاتها وركب مش حتفرق معاك فرق متطرف كله ضمن حدود المطلوب والمعقول وخد بالك من العروسة وربنا يتمم بخير
    وهذا ما لزم بيانه ودمتم
    وبالتوفيق وإلى اﻷمام ومن نصر إلى نصر
    ودمتم للنضال

    Comment


    • #3
      المشاركة الأصلية كتبت بواسطة saddam مشاهدة المشاركة
      صديقي المواطن
      مفيش مشاكل هاتها وركب مش حتفرق معاك فرق متطرف كله ضمن حدود المطلوب والمعقول وخد بالك من العروسة وربنا يتمم بخير
      وهذا ما لزم بيانه ودمتم
      وبالتوفيق وإلى اﻷمام ومن نصر إلى نصر
      ودمتم للنضال
      تسلم يا باشا، بس ازاي مش ها تفرق معايا، انا متوقع ان ثبات العربية هايكون احسن عشان زودت سطح التلامس مش الأرض، ولا ايه

      وربنا يتمم بخير :)

      Comment


      • #4
        من واقع التجربه
        تغيير من 185 الى 195 بريدجيستون يابانى
        الثبات زاد بنسبة 20% (مع الاخذ فى الاعتبار حالة الكاوتش المنهاره سابقا)
        الفرامل اتحسنت بنسبه كبيره جدا والعربيه بطلت تزحف
        النقر الصغيره و العواكس اللى بتبقى على الطريق الاحساس بيها قل
        العربيه بقت بدب دبه بسيطه لما باخد اى مطب عالى (نسبيا غير ملحوظه)

        وجهة نظرى الشخصيه
        الثبات هايزيد عندك لكن مش بفارق مهول على السرعات العاديه لكن على السرعات العاليه هايفرق بسبب انك وطيت العربيه - الفرامل فعلا هاتحس انها فارقه معاك جدا - تسارع العربيه هايقل شويه
        المشكله الحقيقيه اللى هاتقابلك انك هاتوطى العربيه وهاتستمتع بكل مطب ممكن تقابله فى المحروسه

        تيجى نحسبها مع بعض
        وقبل ما نحسبها انا مش بحط فى حسبانى نهائيا المقاس ال 185
        طيب نبدء بالمقاس الاستاندرد اللى هو 195/65 بجنوط 15 بوصه
        بمعنى 195*0.65 = 126.75 (بروفيل الكاوتش أو ارتفاع الكاوتش من الارض الى الجنط)
        والمقاس اللى حضرتك عايزه
        55/205 وبرضو على جنط 15 بوصه
        بمعنى 205*0.55 = 112.75

        يعنى انت كده هاتوطى العربيه بفارق 14 مللى تقريبا
        طيب يبقى اقرب حل ليك انك تركب 205/60 على الجنط ال 15
        بمعنى 205*0.60 = 123 وساعتها الفارق مش هايكون كبير عن الارتفاع الاساسى للعربيه

        هذا والله أعلم
        [SIZE=4][COLOR=navy]أبو مروان -------- أسألكم الدعاء لوالدتى بالشفاء ..... يا رب[/COLOR][/SIZE]

        Comment


        • #5
          على فكره الجنط ال 16 بيرفع العربيه تقريبا 1.14 سم
          الجنط ال 15/195/65 قطره تقريبا 50.775 سم
          الجنط ال 16/205/55 قطره تقريبا 51.915 سم
          [SIZE=4][COLOR=navy]أبو مروان -------- أسألكم الدعاء لوالدتى بالشفاء ..... يا رب[/COLOR][/SIZE]

          Comment


          • #6
            لو انى مش من هواة البروفايل الكبير نهائيا
            بس لو فيه مقاس 205/65/15 ممكن تركبه و تزود ضغط الهواء شويه (الله اعلم اذا كان المقاس ده موجود ولا لأ)
            هاتستفاد كذا حاجه
            عربيتك تقريبا هاتاخد نفس ارتفاع الجنوط ال 16
            هاترحم عربيتك من المطبات الرائعه بتاعتنا
            هاتفضل محتفظ بوزن الجنط الصاج الخفيف

            مشكلة هاتبقى فى الملفات بالبروفايل الكبير ده

            وجهة نظرى وان كنت عارف انها مكلفه جدا
            جنوط 16 اصليه + كاوتش التراكشن بتاعه aa أو a ويفضل يكون بريدجستون - عفشة العربيه تكون مظبوطه وفعلا هاتستمتع بعربيه غير العربيه وان كانت هاتبقى انشف شويه
            [SIZE=4][COLOR=navy]أبو مروان -------- أسألكم الدعاء لوالدتى بالشفاء ..... يا رب[/COLOR][/SIZE]

            Comment


            • #7
              المشاركة الأصلية كتبت بواسطة msobhy مشاهدة المشاركة
              على فكره الجنط ال 16 بيرفع العربيه تقريبا 1.14 سم
              الجنط ال 15/195/65 قطره تقريبا 50.775 سم
              الجنط ال 16/205/55 قطره تقريبا 51.915 سم
              لو سمحت توضيح كيفيفة استخراج نتيجة القطر بس بشرح اوفى و شكرا مقدما
              [SIGPIC][/SIGPIC] اذا نجحت فى خداع شخص ما فلا تظن انة غبى و لكنة كان يثق بك

              Comment


              • #8
                المشاركة الأصلية كتبت بواسطة optiplex مشاهدة المشاركة
                لو سمحت توضيح كيفيفة استخراج نتيجة القطر بس بشرح اوفى و شكرا مقدما
                شوف حضرتك انا هاحاول أشرح على قد ما اقدر ويا ريت اى حد يصحح لى المعلومه
                هاشرح على المقاس 195/65/15
                اى كاوتش بيبقى عليه 3 ارقام
                الرقم الاول 195 هو عرض الكاوتش من تحت بالمللى يعنى الكاوتش المداس بتاعه 19.5 سم
                الرقم التانى 65 هى نسبة 65% من عرض الكاوتش وده بيبقى ارتفاع الكاوتش من الارض الى الجنط
                الرقم الثالث 15 بيبقى قطر الجنط بالبوصه
                يبقى انت لو عايز تجيب قطر الكاوتش كله بالمللى هاتعمل التالى
                15*2.54 = 38.1
                هاتجيب ارتفاع هايبقى (195*0.65) / 10 * 2 = 25.35
                تجمع 38.1 + 25.35 = 63.45

                وبعد العك اللى انا عملته ده نستنتج حاجه من 3
                يا أما البوست اللى فات كان غلط
                يا أما البوست ده هو اللى غلط
                يا أما كل اللى انا كتبته غلط وانا قاعد بضلل الناس
                [SIZE=4][COLOR=navy]أبو مروان -------- أسألكم الدعاء لوالدتى بالشفاء ..... يا رب[/COLOR][/SIZE]

                Comment


                • #9
                  أستاذ msobhy مشكورا على مجهودك وحساباتك في رأيي في معظمها صحيحة أما روحك فيها مرحة ونجحت في اضحاكي باحتمالاتكم الثلاثة والتي عكست خفة دمكم العالية مساء الفل

                  معلش انا طبيب لكن الوضوع مش محتاج مهندس وسأجتهد قدر الامكان ويارب كلامي يكون دقيق
                  هو بس الحسبة بتنقسم على اثنين علشان تجيب نصف القطر الي هي هتبقى المسافة من مركز تثبيت العجل للارض

                  علشان تحسب القطر الاول
                  الحسبة فيها جزئين بيتجمعوا مع بعض
                  الاول سمك الكاوتش وده هيبقى عرض الكاوتش على الارض * النسبة المئوية للسمك* 2
                  والضرب في اتنين علشان فيه كاوتش فوق وكاوتش تحت
                  الثاني عرض الجنط (قطره) وده هيتضرب في 2.54 لتحويل الانش الى سنتيمتر
                  وزي ماقلت بعد حساب القطر يتم القسمة على اتنين يبقى عندك نصف القطر وده المسافة من مركز تثبيت العجل في العربية الى الارض

                  يعني مثلا
                  مقاس 15/195/65 قطره هيبقى (19.5*0.65)*2 + (15*2.54)= 25.35+38.1 = 63.45
                  يبقى نصف القطر وهو المسافة من تثبيت العجلة في العربية الى الارض = 31.725 سم

                  مقاس 16/205/55 قطره هيبقى (20.5*0.55)*2 + (16*2.54) = 22.55+40.64 = 63.19
                  يبقى نصف القطر وهو المسافة من مركز تثبيت العجل للارض = 31.595 سم

                  لو اتركب مقاس 15/205/55 قطره هيبقى (20.5*0.55)*2 + (15*2.54)=22.55+38.1=60.65
                  يبقى نصف القطر المسافة من مركز تثبيت العجل للارض = 30.325 سم

                  طيب ده معناه ايه
                  العربية الي اصلا كان فيها مقاس 15/195/65 لو إتركب لها مقاس جديد 15/205/55 هتنخفض عن الاول
                  31.725 - 30.325 = 1.4 سم
                  يعني لو كان ارتفاع العربية عن الارض 15 سم هيبقى 13.6 سم وهي خسارة كبيرة لان العربية هتبقى واطية اوي وهتحك في المطبات وممكن تتبهدل من تحت دي كده هتبقى اوطى من الفيرنا موديلات قبل 2010 كمان وفي مقابل ايه
                  تعريض الكاوتش هيديك ثبات افضل قليلا مقابل سحب اقل
                  طب هييجي السؤال طب مافيه النترا عرضها 205 وفيه 195 يبقى سحب ال 205 اقل هاقولك لا علشان الجنط اكبر وده بيعوض تاثير تعريض الكاوتش

                  الخلاصة من وجهة نظري عاوز تعرض الكاوتش وتقلل سمكه يبقى تكبر الجنط
                  عاوز تعرض الكاوتش بس تضحي بالسحب شوية مقابل ثبات افضل قليلا

                  ملاحظة الارقام السابقة ان شاء الله صحيحة لو نافخ العجل على 32 لكن معظمنا بننفخها على 30 علشان مطباتنا اللعينة وتأثيرها وعلشان كده بتبقى الكاوتشة مريحة وسمكها اقل شوية والعربية اقرب الى الارض شوية ولو قليلة من الارقام في كتالوج العربية ومش ناقصة توطى كمان

                  والله اعلم

                  اخوكم
                  هشام

                  Comment


                  • #10
                    شاكر جداا عالمجهود
                    [SIGPIC][/SIGPIC] اذا نجحت فى خداع شخص ما فلا تظن انة غبى و لكنة كان يثق بك

                    Comment


                    • #11
                      الالنترا
                      195/65/15
                      205/60/15
                      205/55/16
                      و بس !
                      لا تقوللي 17" ولا تقوللي 225/50/16 !
                      رأيي الشخصي خليك في ال 195/65/15 لان ال 205/55/16 العربيه مع التحميل بتحك في الرفرف أو في مطبات الهوا
                      [FONT=Comic Sans MS][B][SIZE=3]When The Sun Sets, The Race Begins
                      Eng. Kareem El-Araby
                      [/SIZE][/B][/FONT]

                      nfs_206 سابقًا

                      Comment


                      • #12
                        المشاركة الأصلية كتبت بواسطة kareem.elaraby مشاهدة المشاركة
                        الالنترا
                        195/65/15
                        205/60/15
                        205/55/16
                        و بس !
                        لا تقوللي 17" ولا تقوللي 225/50/16 !
                        رأيي الشخصي خليك في ال 195/65/15 لان ال 205/55/16 العربيه مع التحميل بتحك في الرفرف أو في مطبات الهوا
                        لس مكتوب علي القايم ان 205/55/16 مناسب للعربية! يبقي اكيد مراعيين موضوع الحمل الزيادة والاحتكاك في مجري الكاوتش، ولا تحربتك بتقول غير كده؟

                        Comment


                        • #13
                          تجربه صاحبي اللي دفع مبلغ و قدره و بقي بيتلون وشه كل ما تبقي العربيه FULLy LOADD أو 4 أنفار بشنط في طريق سفر
                          [FONT=Comic Sans MS][B][SIZE=3]When The Sun Sets, The Race Begins
                          Eng. Kareem El-Araby
                          [/SIZE][/B][/FONT]

                          nfs_206 سابقًا

                          Comment


                          • #14
                            المشاركة الأصلية كتبت بواسطة kareem.elaraby مشاهدة المشاركة
                            تجربه صاحبي اللي دفع مبلغ و قدره و بقي بيتلون وشه كل ما تبقي العربيه fully loadd أو 4 أنفار بشنط في طريق سفر
                            تسلم يا باشا، ها سأل صحبي اللي اخوه جرب المقاس ده بس ما قاليش اي حاجة على موضوع انها بتحك في المجري بتاعها

                            Comment


                            • #15
                              المشاركة الأصلية كتبت بواسطة ultramisho مشاهدة المشاركة
                              أستاذ msobhy مشكورا على مجهودك وحساباتك في رأيي في معظمها صحيحة أما روحك فيها مرحة ونجحت في اضحاكي باحتمالاتكم الثلاثة والتي عكست خفة دمكم العالية مساء الفل
                              يا دكتور انا اللى اتشرفت بتعليق حضرتك
                              لكن فعلا انا حسبت الاقطار فى البوست القبل الاخير غلط فعلا - بصراحه كنت بفكر فى مليون حاجه وخايف ان الاخ الفاضل اللى عايز يغير الكاوتش يشترى من غير ما ياخد باله من مشكلة انخفاض العربيه
                              سعيد جدا بمعرفة حضرتك
                              م/ محمد صبحى
                              [SIZE=4][COLOR=navy]أبو مروان -------- أسألكم الدعاء لوالدتى بالشفاء ..... يا رب[/COLOR][/SIZE]

                              Comment

                              Working...
                              X