تركيب ايمبولايزر

[msobhy]

قبل التريقه وكل الكلام اللى ملوش لازمه عارف ان الموضوع صعب جداااااااااااااااااااااااااااااا
اتعرض عليه النهارده من واحد كان شغال فى التوكيل تركيب ايمبولايزر على عربيتى
يا عم يهديك يرضيك
قال لى باللفظ انت ليك ان عربيتك متدورش غير لو المفتاح متشفر - صح الكلام
قلت له صح
قال لى ليك انك تودى العربيه عند اى كهربائى لو مات مش هايعرف يدورها من غير مفتاحها - صح
قلت له صح

المهم بعد فاصل من الاستغراب والقليل من ادوية الضغط والكثير من اشكرى يا انشراح - اتفقت معاه على يوم الاتنين القادم ان شاء الله انه هايقولى التكلفه كام بالظبط

اى تعليق

[Rsarabia]

رغم ان بتاعتى فيها بس دا ميمنعش ان الواحد يشير فى الخير :) :d
يا ريت الموضوع دا هيساعد ناس كتير جدا متابع و بشدة :)

[mem]

متابع اوى وبشده الشده وياريت ينفع

[Hacker5]

اما نشوف يا باشا و لو طلع الموضوع تمام نركبه مش هانخسر حاجة

[abohend]

ثورة ضد السرقة

دي تبقى ثورة في مواجهة السرقة
و نبقى كلفنا الحرامي ونش.....ههههههههههههه
متابع بقوة

[KamalShawqi]

متابع

بس فيه صديق محترم هنا قال انه ركب انذار ماركة اسباي وفيه فصل طرومبة البنزين الا لو المفتاح الاصلي موجود، مش موجود العربية بتشتغل وبعدين بتطفي بعد حاجة بسيطة

يا يت يكون موجود هنا ونستفيد منه

[msobhy]

والله يا رجاله انا مش عايز احبطكم
اينعم انا صاحب الموضوع لكن اسمعوا اللى جاى
ليه صديق بيشتغل فى انظمة امان السيارات جوه وبره مصر
لما حكيت له على الذعر اللى عندى بسبب السرقه وكلمته انى عايز اركب ايموبليزر
قال لى ان الموضوع شبه مستحيل الا فى حاله واحدة
تروح على عربيه استيراد ويكون الدريكسيون بتاعها شمال ولازم يكون شمال وتاخد الكنترول بالضفيره بالكامل بالكونتاكت بتاعها وتركبه فى عربيتك
غير كده انسى
بصراحه لما الافندى اللى انا بكلمه يقول لى انه يقدر يعملها وبسهوله - بصراحه انا مش بالع الكلام
اللى مخلينى مستنى رده انه قال لى ان كنترول العربيه هايتفك ويتعمل عليه شغل بالاضافه للتابلوه والكونتاكت والمفاتيح بتاعت العربيه هاتفضل زى ما هيه لكنه هايغير الجسم بتاع المفتاح علشان يركب عليه الفحمه
كل ده وانا فاتح بقى وحاسس ان غبور كان مشارك الراجل ده من الباطن من غير ما يقول لى
على كلامه العربيه تتعمل فى يوم
بصراحه مش قادر أصدق الكلام اللى اتقال

[mhkorayem]

ده لو حصل يبقى جامد أخر حاجه

[Rsarabia]

على فكرة هى تتعمل مش مستحيلة لانها بتنزل اصلا من الشركة نفس العربية بايموبيليزر
الفكرة انها تتعمل بفن و تبقى مظبوطة و ميتلعبش فى الضفيرة بتاعة الكهربا

[amr011111]

متابع

[amrelsaqqa]

الفكرة في حاجة ، الموضوع ده لو انتشر واتحل اللغز بتاعه ، الحرامية هيتوصلوا لطريقة يرجعوا العربية اللى ركبلها ايموبلايزر ( او نازلة بالايموبلايزر ) لاصلها !

لان every thing that can be engineered, can also be reverse engineered !

الفكرة كلها في انتشار الـ knowledge عن الموضوع ده....

لكن مازلت في اعتقادى ان الموضوع مش بالسهولة دى ومش مجرد الكنترول والقطعة اللى في الكونتاكت اللى تعمل كدة ، والا كان اي حد حط كنترول مش بايموبلايزر او كنترول هو معاه المفتاح بتاعه ، ودور بيه اي عربية بايموبلايزر من نفس النوع

من الاخر لو حد عنده النترا 2013 وشال الكنترول بتاعه وركب بتاع 2012 ( اللى بدون ايموبلايزر ) بردو العربية مش هتدور والله اعلم

[Rsarabia]

الفكرة في حاجة ، الموضوع ده لو انتشر واتحل اللغز بتاعه ، الحرامية هيتوصلوا لطريقة يرجعوا العربية اللى ركبلها ايموبلايزر ( او نازلة بالايموبلايزر ) لاصلها !

لان every thing that can be engineered, can also be reverse engineered !

الفكرة كلها في انتشار الـ knowledge عن الموضوع ده....

لكن مازلت في اعتقادى ان الموضوع مش بالسهولة دى ومش مجرد الكنترول والقطعة اللى في الكونتاكت اللى تعمل كدة ، والا كان اي حد حط كنترول مش بايموبلايزر او كنترول هو معاه المفتاح بتاعه ، ودور بيه اي عربية بايموبلايزر من نفس النوع

من الاخر لو حد عنده النترا 2013 وشال الكنترول بتاعه وركب بتاع 2012 ( اللى بدون ايموبلايزر ) بردو العربية مش هتدور والله اعلم

الكلام دا صح جدا
كمبيوتر العربية بيكون فيه معلومة الكود المتشفر اللى عالمفتاح اللى السكانر اللى فى الكونتاكت بيقراه و بيدى أمر للكمبيوتر انه ميفصلش عن طرمبة البنزين

الواحد ممكن يغير الكونتاكت بواحد فيه سكانر و يجيب مفتاح مشفر لكن مستحيل لو جاب كمبيوتر و حطه مكان القديم مش هيشتغل لان الكمبيوتر بيكون عليه معلومات تانية كتير

الزتونة بقا ان البرنس دا يقدر يلعب فى سوفت وير الكمبيوتر بحيث يحط عليه الشفرة اللى عالمفتاح

[Rsarabia]

اخبار الايموبيليزر ايه يا باشا ؟؟
النهاردة الاتنين طمنا :)

[msobhy]

انا اسف على تأخرى فى الرد لأنى كنت مشغول بشكل مهوووووووووووووووووول
هانزل أسأل الكهربائى كمان شويه على الحوار ده

[yoga]

هيجيلك قلب تخليه يعمل شغل ف الكنترول .. اللى ممكن يضيع . ولا الضفيره .. ولا الكونتاكت ............