تجربة سيئة مع بريدجستون الايطالي :( ارجو المساعدة

[KamalShawqi]

ازيكوا يا شباب

انا رحت لعبده أمين في المعادي وكان ذوق بصراحة وبعتلي عامل خدني من المكان اللي انا فيه لحد المحل، لاقيت عنده بريدجستون ايطالي ب٥٥٠ وبريدجستون ياباني ب٦٥٠ جنيه

سألته ايه الفرق بينهم؟ قالي الاتنين زي بعض، قولت في تفسي اكيد ما بينصبش عليا لأنه مالوش مصلحة يقولي الايطالي زي الياباني وقولتله هاتلي ٤ ايطالي وركبهم ورصصهم وشحنه نيتروجين ودفعت ٢٢٠٠ جنيه

المشكلة بقي لما قلبت في الكاوتشات لاقيتها تراكشن بي مش ايه ولا دابل ايه، سألت العامل قالي البريدجستون بينزل بي مافيش منه ايه، انا صدقت وسكت، وصدقت بس عشان قريت هنا مش فاكر في اي موضوع ان مافيش فرق بين تراكشن ايه وبي، وكمان العامل بيقول اول مرة اشوف حد بيسأل عن التراكشن، الكل بيهتم بالسنة والنوع والدولة والسرعة وبس

وانا بقي في طريقي من المعادي لاكتوبر، حاسس ان الكاوتشات بقت بتتزحلق في الفرامل مع ان عندي ايه بي اس!!!!!! وجربت في مرة اضغط فرامل جامد قبل مطب لاقيت الكاوتشات فرملت واتزحلقت علي الطريق مع صوت الزحف الشهير بتاعت الكاوتشات المتكلبشة في الرصيف نتيجة الفرامل

بصراحة مضايق جدا ومش حاسس بالامان مع الفرامل دلوقتي، شايفين اعمل ايه؟
ارجعله واقوله يركبلي الياباني وادفعله ٤٠٠ ولا اعمل ايه؟؟؟؟؟؟
برجاء الافادة

[Omar2017]

حضرتك غلطان من البداية لأنها مفرقتش على 400 جنية يعني دة ياباني و ايطالي اكيد الياباني افضل و انا اوفقك في الرأي انك ترجعهم و تجيب الياباني

[mk3]

يرجع كاوتش مشى على الارض? انا لو مكانه لا اقبل لانى استحرم ابيعه لعميل على انه جديد
انا لو مكانه اقصى شئ اشتريه مستعمل عشان ابيع مستعمل

[M I D O]

الفكرة مش انك ترجعهم الفكرة هل هوة هيقبل يرجعهم بعد ما مشيت بيهم ولو قبل وعمل كدة وباعهم لحد تاني هيبقي غش تجاري ...

[KamalShawqi]

حضرتك غلطان من البداية لأنها مفرقتش على 400 جنية يعني دة ياباني و ايطالي اكيد الياباني افضل و انا اوفقك في الرأي انك ترجعهم و تجيب الياباني

انا كنت ساحب فلوس للياباني، انما صاحب السلعة نفسها قال الاتنين زي بعض، يعني مالوش مصلحة يخليني اشتري الارخص

تفتكر ربحه في الايطالي مثلا اعلي من الياباني؟؟؟

[KamalShawqi]

الفكرة مش انك ترجعهم الفكرة هل هوة هيقبل يرجعهم بعد ما مشيت بيهم ولو قبل وعمل كدة وباعهم لحد تاني هيبقي غش تجاري ...

طبعا هايبقي غش تجاري اذا كان بالصورة دي

لكن ممكن ارجعهمله وانزل من تمنهم جزء بسيط واللي ييجي يشتري يخيره بين كاوتشات ما استعملتش، او كاوتشات استخدمت مشوار واحد من المعادي لاكتوبر والعكس (يعني ١٠٠ كيلو) بس ارخص ٥٠ جنيه في الكاوتش

ولا شايفين ايه؟؟ هو الفرق كبير كده بين الايطالي والياباني؟؟

[hugan]

هو ايه التراكشن ايه وبي

[mhkorayem]

هو ايه التراكشن ايه وبي

أنا كمان عاوز أعرف إيه التراكشن ده

[mk3]

أنا كمان عاوز أعرف إيه التراكشن ده

الاحتكاك او التماسك على الارض وتقاس ب aa a b c
والافضل aa
واخونا اشترى b وكان امامه a اللى هى افضل.
بس الجديد عليا ان الفرق شاسع كده.
ارجو لو كنت غلطان حد يصححلى

[Ashraf_Ibrahim]

هو خليني اقول ان 100 كم مش كافية عشان تحكم على الكاوتش يا عزيزي
وفارق البريدجستون الايطالي عن الياباني مش بالفارق الرهيب اوي دا
في النهاية الماركة او العلامة التجارية لبريدجستون ليها احترامها ولكن خلينا نقول انهي موديل من بريدجستون حضرتك جبته ؟!
جايز انت اخترت غلط اصلا !؟

[Kareem.ElAraby]

النقشه يا كبير ايه
gr-90 ?!
و يعني ما كانش عاجبك سعر الموزع المعتمد و لاقيت عنده ارخص كنت جبت الياباني لكن كمان تقوم جايب الارخص من أرخص واحد ؟!؟!؟!؟!؟!
اتأكد من ضغط الكاوتش لكن موضوع انك ترجعه شبه مستحيل

[KamalShawqi]

حضرتك غلطان من البداية لأنها مفرقتش على 400 جنية يعني دة ياباني و ايطالي اكيد الياباني افضل و انا اوفقك في الرأي انك ترجعهم و تجيب الياباني

القضية مش في ال٤٠٠ جنيه، انا عرفت المشكلة فين خلاص، وهارد علي م كريم عشان هو كان متحامل اوي عليا

ارجو متاعبعة باقي التعليقات :)

[KamalShawqi]

[QUOTE=mhkorayem;3875272257][size=4]أنا كمان عاوز أعرف إيه التراكشن ده[/

التراكشن هو معامل بيدل علي مدي تماسك الكاوتش في الارض الرطبة سواء اسمنت او اسفلت، اعلاه دبل ايه بعدين ايه بعدين بي بعدين سي

[KamalShawqi]

الاحتكاك او التماسك على الارض وتقاس ب aa a b c
والافضل aa
واخونا اشترى b وكان امامه a اللى هى افضل.
بس الجديد عليا ان الفرق شاسع كده.
ارجو لو كنت غلطان حد يصححلى

الفرق ما طلعش شاسع ولا حاجة، برجاء متابعة باقي التعليقات عشان هارد بالتفصيل علي م كريم

[KamalShawqi]

هو خليني اقول ان 100 كم مش كافية عشان تحكم على الكاوتش يا عزيزي
وفارق البريدجستون الايطالي عن الياباني مش بالفارق الرهيب اوي دا
في النهاية الماركة او العلامة التجارية لبريدجستون ليها احترامها ولكن خلينا نقول انهي موديل من بريدجستون حضرتك جبته ؟!
جايز انت اخترت غلط اصلا !؟

هو مش مكتوب عليه ماركة زي تورانزا مثلا، غالبا لتورانزا دي خاصة بالموديل الياباني بس

لو سمحت تابع بقيت التعليقات عشان انا فهمت القصة