فيرنا فيفا فيرانى للبيع... ايه السبب؟

[mohamedok]

السلام عليكم ورحمة الله وبركاته

وانا بابحث عن سياره فيرنا فيفا للبيع وجدت فى مواقع كثير ومن اهمها كونتكت كار ( سيارات مستعمله ) ان كل السيارات المعروضه للبيع من نوع الفيرنا فيفا ال1500 سى سى كلها بلا استثناء لونها فيرانى غامق !!!

والكارثه ان السيارات كلها موديل 2008 وكلهم عاملين عداد 6000 و 9000 و 10000 فقط

وانا بصراحه مش لاقى اى تفسير للظاهره ديه الا حاجتين اما ان الفيفا الفيرانى بالزات هذا الموديل 2008 فيها مشكله وكبيره كمان علشان تخلى الناس ديه تخسر 10000جنيه فى العربيه

والسبب الاخر قد تكون السياره الفيرانى ديه وكالها الفار مثلا ومش وخدين بالنا !!!

وبرضه ممكن الموضوع يكون عادى وحصل صدفه !! بس برده نقول ممكن الصدفه تكون فى 3 عربيات وكلهم فيرانى غامق وكلهم العداد لا يتعدى 10000 وكلهم موديل 2008 وشرينهم من 3 الى 5 شهور فقط ؟ لا ديه تبقى صدفه صعبه قوى

يا ريت الى يقدر يحل الفزوره ديه يقولنا ايه الحل

تحياتى

[waled369]

مش عارف العيب فين
بس ممكن يكون فيها عيب لوووووووون يا مان ههههههههههه

[hahahahahaha]

ياباشا أنا شفت كتير فيفا بلون أسود أما الي على موقع كونتكت 1500سي سي دي موديلات الفيرنا العاديه مش فيفا

[mohamedok]

ياباشا أنا شفت كتير فيفا بلون أسود أما الي على موقع كونتكت 1500سي سي دي موديلات الفيرنا العاديه مش فيفا

السلام عليكم ورحمة الله وبركاته

يا باشا اللون مش اسود ده بالتحديد فيرانى غامق وكلهم محددين النوع فيرنا فيفا 2008 1500 سى سى

ياريت تفكر معانا تانى يمكن حد فينا يعرف يحلها

تحياتى

[hahahahahaha]

حضرتك أنا عامل موضوع في قسم البيع والشراء بيضم أكتر مواقع البيع والشراء في مصر والآخوه الآعضاء شاركوني بمواقع كتير مشكورين أدخل هناhttp://www.nilemotors.net/Nile/showthread.php?t=38308وربنا معاك

[moh_kamal67]

سوق العربيات معروف فيه ان ناس كثير بتشترى العربية عشان تتمتع بحالة الزيرو وزى ما بيقولوا بتبقى العربية بشوكها واول ما توصل الى 10000كم او اقل بتبيعها وتشترى نوع تانى زيرو وتعمل كده برضه
هما حرين فى فلوسهم وركوب عربية زيرو بيبقى اكثر من رائع
ثم ان اللون الفيرانى عليه اقبال كبير فى كل الموديلات وليست الفيفا وحدها
عايز تشترىواحده منها تفحصها جيدا وجربها وحطها كمان على كمبيوتر للقياس
تحياتى

[MoMohsen]

اعتقد ان الباتش دة كان فية عيب مشترك سواء عيب تصنيع او شحن بين العربيات و حظها ان كان لونها مشترك او اغلب الباتش كان لونه فيرانى

[hahahahahaha]

اعتقد ان الباتش دة كان فية عيب مشترك سواء عيب تصنيع او شحن بين العربيات و حظها ان كان لونها مشترك او اغلب الباتش كان لونه فيرانى

ياريت يا باشا توضحلي ايه حوار الكمبيوتر

[moh_kamal67]

علشان تعرف ايه اللى جوة الموتور يبقى لازم تدخل جواه
البديل تدخيل الكمبيوتر يا مان
الرشاشات بايظة العربية فيها عطل فى حاجة خطيرة فى الموتور ده يعرفه الكمبيوتر
اى محطة خدمة معتمدة او حتى كبيرة بها الجهاز طبعا
اما عن العربيات اللى احنا ما برنكبهاش زى bmw من الفئة الخامسة وطالع و مرسيدس الفءات العالية وما شابهها دى بييجى معاها الكمبيوتر الخاص بها
يعنى حوار الكمبيوتر موش غريب بس محدش بيستعمله كتير يقولك انا اعرف حالة اجدع عربية بودانى او لما اسمع موتورها ولكن فيه عيوب معينة متجيش بجهاز الاستشعار المسمى بالودان
تحياتى يا مان

[mohamedok]

علشان تعرف ايه اللى جوة الموتور يبقى لازم تدخل جواه
البديل تدخيل الكمبيوتر يا مان
الرشاشات بايظة العربية فيها عطل فى حاجة خطيرة فى الموتور ده يعرفه الكمبيوتر
اى محطة خدمة معتمدة او حتى كبيرة بها الجهاز طبعا
اما عن العربيات اللى احنا ما برنكبهاش زى bmw من الفئة الخامسة وطالع و مرسيدس الفءات العالية وما شابهها دى بييجى معاها الكمبيوتر الخاص بها
يعنى حوار الكمبيوتر موش غريب بس محدش بيستعمله كتير يقولك انا اعرف حالة اجدع عربية بودانى او لما اسمع موتورها ولكن فيه عيوب معينة متجيش بجهاز الاستشعار المسمى بالودان
تحياتى يا مان

السلام عليكم ورحمة الله وبركاته

كلام حضرتك مضبوط 100×100 بس تفتكر حضرتك فين افضل مكان يمكن ان يعمل فحص تمام لكل حاجه على هذه العربيات علشان نقدر نعرف هو العيب فين فى الموتور ولا الشاسيه ولا اى شىء اخر مستخبى

تحياتى

[moh_kamal67]

لو العملية استقرت على عربية ، وهاندفع فيها 54الف او اكثر يبقى المبلغ اللى هايدفع يستاهل شوية تعب
1- التوكيل فى ابو رواش او قليوب ، او اى مركز خدمة معتمد فيه واحد فى الرحاب
هى العربية بيتعمل لها صيانة كل 5000 كم وهما اكتر ناس عارفين عربياتهم وعندهم موش كمبيوتر واحد ده لكل عربية داخلة كمبيوتر
تقدر تعمل كشف عليها وتقول لهم بصراحة انك عايز تشتريها
يعنى تقدر التكلفة تتحمل على احدة الصيانات وغالبا صيانة 10000 كم
ده اقتراح لانى لا اعرف حد بعينه
قبل البايع بالامر يبقى واثق فى عربيته
قعد يحاور ويناور يبقى خلاص بانت العملية
عارف مرة والدى كان بيشترى عربية كرولا مستعملة مو 84 قلنا للبايع عايزين نفحصها
قال فحص ايه انا جايلى كذا مشترى ليها ده انا حاجزهالكم علشان خاطر فلان
المهم اتكسفنا وكان مظهرها رائع اشتريناها طلعت العلب الامامية (الشاسيه)بتاعتها مخبوطة وملحومة وبعد سنة او اكثر ظهر العيب
ارجو لك التوفيق والحاجات دى لازم فيها الدقة ربنا يبارك لك مقدما فيها

[hazem_khidr]

مش قاعده برضه
ممكن تكون صدفه
او يكونوا كلهم تبع شركه ادويه
و حصل داون سايز عندهم و المندوبين مشيوا و العربيات بتتباع
دا مثلا يعني مش اكيد

[Nader]

مش شرط ان العربيات ملها يكون فيها عيب،

في شجنات بتيجي بيكون مخعظمها من نفس اللون

وممكن الشحنة دي كان معظمها فيراني ومالكي

السيارات من المحتمل ان يكون منهم من هو

بضائقة مالية فقرر بيع سيارتة لفك

ضائقتة، ومن المحتمل العكس اي ان مالك

السيارة قرر ان ينتقل لفئة اعلى...


المهم أن تكشف جيداً على أي سيارة قبل شرائها.

[sab3aawy]

احتمال علشان لونها فيرانى فبتتلم عليها القطط وبتفضل تعضعض فيها :)

فيه احتمال انتم مش واخدينه فى بالكم

فى اماكن الاعلانات المجانية مثل كونتاكت او المنتديات، لما بيكون فيه تاجر معاه عربية، بيعمللها 50 أعلان ، ويحط فى كل اعلان رقم تليفون واحد من صبيانه او حتى ارقام ال 3 او 4 تليفونات اللى عنده وكل رقم بأسم وساعة لما تسال على الأسم ده يقوللك اصله راح ياخد حقنة فى مزرعة المكرونة اللى جنبينا وانا مكانه ومعايا توكيل، وعلشان كدة ممكن تلاقى عشر اعلانات بشعر ارقام تليفونات مختلفة عن عربيات بنفس المواصفة ونفس السعر وهى فى الآخر عربية وااااااااااااااااااااااااحدة

[salamonty]

احتمال علشان لونها فيرانى فبتتلم عليها القطط وبتفضل تعضعض فيها :)

فيه احتمال انتم مش واخدينه فى بالكم

فى اماكن الاعلانات المجانية مثل كونتاكت او المنتديات، لما بيكون فيه تاجر معاه عربية، بيعمللها 50 أعلان ، ويحط فى كل اعلان رقم تليفون واحد من صبيانه او حتى ارقام ال 3 او 4 تليفونات اللى عنده وكل رقم بأسم وساعة لما تسال على الأسم ده يقوللك اصله راح ياخد حقنة فى مزرعة المكرونة اللى جنبينا وانا مكانه ومعايا توكيل، وعلشان كدة ممكن تلاقى عشر اعلانات بشعر ارقام تليفونات مختلفة عن عربيات بنفس المواصفة ونفس السعر وهى فى الآخر عربية وااااااااااااااااااااااااحدة

اقول ايه اكتر من ان مخ حقيقى فى المنتدى بيفكر,,فعلا ساعات انا بلاحظها فى الوسيط تلاقى كذا عربية بارقام تليفونات واحدة
بس حلو موضوع مزرعة المكرونة نفسنا نطبق التجربة دى على ميه المريوطية هنا فى الهرم عشان عالية الخصوبة