مشكله بعد تفويل نيو اكسنت 2008

[bao_die]

[OVERLINE]يا جماعه انا متابع المنتدى من فتره ومعجب جدا بيه والناس المحترمه اللى موجوده هنا
انا لسه مغير عربيتى وجبت نيو اكسنت 2008 مانيوال عامله 100000كم طبعا عملت صيانه بره التوكيل بس جبت قطع الغيار اصليه عباره عن :
1- سير المجموعه (كاتينه - دينامو-تكييف - باور)
2-طقم البلى
3- بوجيهات
4-الفلاتر بس لسه مركبتهاش لان صاحبها قالى على مشكله فيها
اول سؤال فى حاجه ناقصه فى صيانه 100000 كم ؟؟؟
ثانيا : المشكله ان لو فولت بنزين لغايه الاخر العربيه بتنتش شويه لمده 15 دقيقه وممكن تانى وتالت يوم تبطل بعد ما اطلع بيها الصبح من غيار الاول للتانى وبعد كده خلاص ؟؟
بس لو حطيت ب 50 جنيه بنزين يعنى قبل الفول بشويه تمام مفيش مشاكل علما انى بتحرك بعد لما اسخن شويه .
ناس ناصحتنى بفك التنك وغسيله قبل الفلتر وناس قالت حط stp

ياريت حد يفيدنى لو يعرف الحل علشان انا متردد.....[/OVERLINE][OVERLINE][/OVERLINE]

[Hacker5]

يمكن كانت صدفة و البنزين ماكنش نضيف

[bao_die]

يمكن كانت صدفة و البنزين ماكنش نضيف

لا لان صاحبها قالى على العيب ده قبل ما اشترى تقريبا حط بنزين مش نظيف ايام الازمه

[toty_305]

-أكشف في التوكيل و أكشف بره و شوف أسهل عيب هيقولك عليه و أبتدي بيه

[mazeen]

غير الفلترالبنزين وجرب

[bao_die]

غير الفلترالبنزين وجرب

لو فى مشكله فى الفلتر يبقى لازم العيب ده موجود على طول لكن المشكله بتظهر لما بفول للزور

[bao_die]

-أكشف في التوكيل و أكشف بره و شوف أسهل عيب هيقولك عليه و أبتدي بيه

فين التوكيل فى مدينه نصروكام تمن الكشف ؟؟؟

[toty_305]

-فرع التوكيل العبور في أول مصر الاسماعيلية الصحراوي

-السعر مش عارف و الله

[bao_die]

-فرع التوكيل العبور في أول مصر الاسماعيلية الصحراوي

-السعر مش عارف و الله

طيب فى واحد فى طريق الحى العاشر جوه محطه الغاز الطبيعي ده توكيل ولا مركز صيانه معتمد وايه الفرق بينه وبين التوكيل؟

[Hacker5]

طيب فى واحد فى طريق الحى العاشر جوه محطه الغاز الطبيعي ده توكيل ولا مركز صيانه معتمد وايه الفرق بينه وبين التوكيل؟

اى حاجة مش هاتفرق لو مركز معتمد او توكيل الاتنين واحد

[m7md 3tya]

فين التوكيل فى مدينه نصروكام تمن الكشف ؟؟؟

باشا في مركز مودرن سرفيس جنب السندباد اللي في جوزيف تيتو اعتقد دا افرب حاجه من مدينه نصر

[bao_die]

انا غيرت فلتر البنزين ودخلت فولت وبعد لما مشيت شويه اتبهدلت في الشارع نتش وتقطيع وتبطل مني لغايه لما روحت مش عارف اعمل ايه؟؟؟؟؟؟

[enghany]

انا غيرت فلتر البنزين ودخلت فولت وبعد لما مشيت شويه اتبهدلت في الشارع نتش وتقطيع وتبطل مني لغايه لما روحت مش عارف اعمل ايه؟؟؟؟؟؟

الاخ الفاضل
لا تتعب نفسك بتغير اي شيء كل اللي لطانت محتاجه انك تغير حساس كانستر و ده مش موجود جديد موجود استيراد في الحﻻفيبن ب 100 جم و العرببه هتظبط

[bao_die]

الاخ الفاضل
لا تتعب نفسك بتغير اي شيء كل اللي لطانت محتاجه انك تغير حساس كانستر و ده مش موجود جديد موجود استيراد في الحﻻفيبن ب 100 جم و العرببه هتظبط

والله ياباشمهندس ربنا يباركلك وانا هادورعليه وهاغيره وهابلغ حضرتك بالنتيجه طيب بعد لما اجيبه واغيره افول بنزين على طول واجرب ولامحتاج انى اعمل حاجه تانيه قبلها وربنا يباركلك مره تانيه

[bao_die]

معلش سؤال تانى يا هانى باشا مش المفروض لو الحساس فى مشكله لمبه التشيك انجين تنور ؟؟؟
ممكن افك الحساس اللى عندى وانضفه واجرب ولا اجيب حساس كانستر على طول ؟؟؟؟