زهقت من تزييق البيبان و الكراسي النترا ٢٠١٢

[Fast_driver]

معايا النترا 2012 اعلي فئه وكيل اللي ببصمه و فرش جلد العربيه من ساعت ما جبتها بسمع اصوات تزييق في الصالون لما بقفل الازاز و امشي في شارع مش ممهد ... المشكله ان الاصوات زادت قوي دلوقتي بشكل مستفز و بقيت حاسس اني راكب عربيه بقلها ١٠ سنين رغم اني عامل ١٨ الف كم فقط

اول لما امش في شارع مش ممهد شويه او في مطبات خفيفه اسمع كل حته بتزيق في الصالون ...المشكله ان الاصوات جايه من كل حته ... باب السواق - باب الراكب الامامي - البيبان اللي ورا - الكراسي كلها بتزيق!!! و مش قادر احدد السبب خالص!!

انا قرفت بجد و زهقت ... انا والله بركب الفيرنا بلقيها مش كده!!! بالامانه الفيرنا اصوتها اقل بكتير جدا جنبها ...اعمل ايه؟؟ اروح للتوكيل ولا في حل ممكن اعمله؟؟

المفروض اني جايب اعلي فئه ... يعني خامتها اعلي حاجه ... يا ريت تساعدوني لاني زهقت و حاسس اني راكب عربيه بقلها ١٠ سنين

[khaabas]

يا باشا التزييق ده اوبش فيها :)

[eng wael]

يا باشا التزييق ده اوبش فيها :)

انت داخل تهدى الراجل ولا تدايقه اكتر
على الاقل تقوله ان هتلاقى فيوز التزييق معلق :-)
ان شاء الله بسيطه وتتحل

[Fast_driver]

يا باشا التزييق ده اوبش فيها :)

انت داخل تهدى الراجل ولا تدايقه اكتر
على الاقل تقوله ان هتلاقى فيوز التزييق معلق :-)
ان شاء الله بسيطه وتتحل

:)
يعني الاوبشن ده في الالنترا بس و الفيرنا لا!!! انا دلوقتي عرفت ليه بيقولوا علي الفيرنا فاضيا و مفهاش اوبشن
و انا اللي رايح اجيب الالنترا اعلي اوبشن هاهاها

شفولي حل علشان بجد جبت اخري!!! اصل مش معقول تبقي الفيرنا اهدي و يبقي كده طبيعي!!

[mem]

روح التوكيل وقول لهم
وغالبا هى عايزه مراجعه على المسامير بتاعت الابواب والتابلوه والكراسى وتشحيم وكله هيبقى تمام

[khaabas]

انت داخل تهدى الراجل ولا تدايقه اكتر
على الاقل تقوله ان هتلاقى فيوز التزييق معلق :-)
ان شاء الله بسيطه وتتحل

ههههههههههه فيوز التزييق فى الخليجى موش الوكيل ههههههههه

[Fast_driver]

يا باشا التزييق ده اوبش فيها :)

اومال بيقلوا غابور مقلب العربيه ليه... مهو منزلها بكل الاوبشن اهو و اكتر من الخليجي كمان هاهاها

ههههههههههه فيوز التزييق فى الخليجى موش الوكيل ههههههههه

يخرب بيتك يا غابور حتي فيوز التزييق متقلب... طب فيوز التزييق ده ينفع اركبه ولا كده الكهربا حتطلع بره الضمان هاهاها

انا حجزت و رايح التوكيل بس لو حد عنده نصايح يا ريت ميبخلش عليا و متشكر ليكم

[DEVILRIDER]

روح التوكيل لانها معايا ومفيهاش أي اصوات تزييق لحد دلوقتي وهم إن شاء الله يتصرفوا

[Fast_driver]

روح التوكيل وقول لهم
وغالبا هى عايزه مراجعه على المسامير بتاعت الابواب والتابلوه والكراسى وتشحيم وكله هيبقى تمام

متشكر لحضرتك ... انا فعلا حجزت و رايح التوكيل ... يا رب يكون في حل بقي

[AHMED1718]

الموضوع بسيط

هات سبراى شحم ابيض ورش على المفصلات هتنسي الموضوع

[Fast_driver]

الموضوع بسيط

هات سبراى شحم ابيض ورش على المفصلات هتنسي الموضوع

متشكر لحضرتك اجيب الشحم الابيض اسبراي منين؟ انا سالت في ٤ بنزيمات كبار و ملقتوش هل ممكن القيه في شارع دمشق؟

انا حاسس الصوت جاي من فرش البيبان الجلد مش المفصلات و كمان الكراس الجلد كلها ورا و قدام بتزيق اشحمهم ازاي دول بقي ؟؟

[AHMED1718]

متشكر لحضرتك اجيب الشحم الابيض اسبراي منين؟ انا سالت في ٤ بنزيمات كبار و ملقتوش هل ممكن القيه في شارع دمشق؟

انا حاسس الصوت جاي من فرش البيبان الجلد مش المفصلات و كمان الكراس الجلد كلها ورا و قدام بتزيق اشحمهم ازاي دول بقي ؟؟

اى فرع من فروع فالفولين او محلات الاكسسورات انا كنت بجيبه من الرحاب ف منطقة توكيلات الصيانة

بالنسبة للكراسي ممكن تشوف جايز محتاجة تربيط بس التزييق هتلاقيه من المفصلات

[amgomaa]

احب اضيف ان العربيه كانت معايا وكان عندى كل الاعراض دى بس زياده كمان الطابلوه كان كله بيزيق فمحاولتش اروح الوكيل لان لو على البيبان بسيطه تتشحم فنصيحه حاول تنسى الموضوع وعلى صوت الكاسيت على الاخر اومال هما عاملينه ليه اساسا الكاسيت بيركب فى العربيه علشان كده

[khaabas]

احب اضيف ان العربيه كانت معايا وكان عندى كل الاعراض دى بس زياده كمان الطابلوه كان كله بيزيق فمحاولتش اروح الوكيل لان لو على البيبان بسيطه تتشحم فنصيحه حاول تنسى الموضوع وعلى صوت الكاسيت على الاخر اومال هما عاملينه ليه اساسا الكاسيت بيركب فى العربيه علشان كده

لازم نزيط على الدنيا علشان نستحمل زيطتها ههههههههههههههههههههههههههههههههههههههه

‫فيلم الكيف محمود عبد العزيز مشهد التاكسي‬‎ - YouTube

[Hamada hozein]

اية يا جدع انت مالك ومال الفيرنا :)
بهزر طبعا
يا عم حرام عليك راعي شعور الفيرناوية شوية
هو عاصم شاف الموضوع دة