هيونداى النترا موديل من 2007 الى 2009

[ziadecms]

يا شباب السلام عليكم ايه رأيوكو فى الالنترا من 2007 الى 2009 متوسط السعر كام و مانول احسن ولا اتوماتك و ايه مشاكلها و عيوبها و مصاريفها معقوله ولا غاليه

[حماده المصري]

عربيه تحفه عن نفسي بحبها جدا

هتلاقي ناس بتشتم في البور بتاعها والثبات بتاعها

لكن الحقيقه هي ثباتها جيد ولو بجنط هيبثقى تحفه وفراملها لو فيها ال abs وفعلا موجوده في بعض الفئات منها عربيه ماعليهاش كلام

باورها خفيف شويه انما للي متعود يسوق عربيات باورها خفيف مش هيبقى فيه مشكله وانا عن نفسي سوقت وحده ايجار مفحوته وسوقت وحده بيتي بنت ناس كان في فرق كبييير اوي بينهم في الحاله فعلا ولكن تظل الايجار عربيه كويسه جدا بالنسبه لانها ايجار

بيقولوا موديل 2010 الباور بتاعه بقى اتقل شويه ولكن بالنسبه لي كده كده مش فارقه

وعلى العموم برضو قطع غيار الاصلي في التوكيل غالي والاصلي برضو برا التوكيل موجود ورخيص

[Hacker5]

اوعى تجيب مانيوال
هاتغلط غلطة عمرك
العربية فوق الممتازة و بتاعت شغل و بتستحمل البهدلة و اعتمادية بطريقة غريبة

[J A G U A R]

لو مشيك هايكون فى زحمه كتير بلاش مانيوال .. غير كده يبقى مانيوال