شئ غريب محتاج تفسير

[yoga]

حبيت اشارككم مشكله حصلت لسيارتى الالنترا وهى اننى كنت ماشى مشوار يقترب من ال 100 طريق سريع بالسياره .. وبعد الوصول وركن السياره لمده ساعه تقريبا ومعاوده تشغيل السياره وجدت ان السياره لا تدور فشكيت فى البطاريه او البوجيهات وحاولت مرار وتكرار ولكن لا تدور وبدات اشم رائحه بنزين تاتى من ناحيه التنك ومن ناحيه مدخل التفويل ..فنظرت اسفل العربيه فلقيت الشكمان غرقان بنزين وكمان فيه بنزين اسفل العربيه تحت التنك مباشره ... قلت اكيد فيه تهريب اما من الخراطيم واما من التنك قد يكون حصل له شئ جعله يكون مخروم من مطب او خلافه... المهم نزلت تحت العربيه للاستكشاف فلقيت بنزين كتير ع الارض وع جسم التنك من تحت وبدات اتفحص عللى اجد مكان للتهريب فلقيت كله يعتبر سليم .. فقلت حد يدور العربيه وانا تحت اشوف السبب وبمجرد ان يحط المفتاح ف الكونتاكت او يحاول الاداره تهل عليا كميه بنزين غزيره من فوق الخزان نفسه والمكان لا استطيع اتفحصه ............ فكرنا فى انزال التنك وتفحصه ولكن لقينا الموضوع هياخد وقت ووووو .. جه فى بالى موضوع الفلتر تحت الكنبه الخلفيه(الكرسى ) عل وعسى يكون فيه شئ .. بالفعل فتحنا الغطا فوق الفلتر بعد ازاله الكنبه الخلفيه وبنبص لقينا فيه خرطوم طالع من الفلتر بعد الطرمبه فالت من مكانه بالرغم منه مؤمن جيدا وكمان صعب يكون حصل اى خبطه ف المكان او ضغط عليه او خلافه .. المهم تفسيركم ايه للى حصل يخللى خرطوم طالع من طرمبه البنزين يفك لوحده بقوة ضغط طبعا وايه اللى حصل ده .. طبعا ركبنا الخرطوم مكانه والدنيا زى الفل

[elmo7amed]

النترا موديل ايه يافندم ومشيت كام كيلو وغيرت الفلتر ولا لأ لان ممكن يكون فيبه رواسب كتير ادت لانسداده والضغط عليه والجري ادى لضغط خرطوم الفلتر ودا وارد

[azwoz65]

النترا موديل ايه يافندم ومشيت كام كيلو وغيرت الفلتر ولا لأ لان ممكن يكون فيبه رواسب كتير ادت لانسداده والضغط عليه والجري ادى لضغط خرطوم الفلتر ودا وارد

+1

[haysam2000]

لو لسه مغير الفلر قريب ممكن اللى كان بيغير فك الخرطوم يشيك عليه و مربطوش كويس

[yoga]

شكرا يا جماعه مغيرتش الفلتر من زمان ومش فاكر من امتى بالظبط والنترا الجمل 2008