ايه الفرق بين بور الزيت وبور الكهرباء

[mhkorayem]

ازيكم يا شباب
أنا بعد غياب طويل شويه لظروف كتير وحبه لخبطه في ظروف الحياه يسعدنى ويشرفني أني ارجع لجروب هيونداي الجامد جداً واجدع ناس

بس أنا بقى بعد الغيبه الطويله دي مش راجعلكم وأيدي فاضيه وجاي لكم بالهدايا والسيفونيرز

( ها كله خد بلالين وأتبسط )
طب يالا بقى ندخل في الجد وليا عندكم سؤال

إيه الفرق بين باور الزيت والباور الكهرباء ؟؟؟؟
وايه مميزات وعيوب كل واحد فيهم ؟؟؟؟

وعاوز بقى الموضوع يتملي ردود مش تاخدوا البلالين وتخلعوا

[foxhonda2008]

الباور الكهرباء من غير زيت

[mhkorayem]

الباور الكهرباء من غير زيت

يا راااااجل ههههههههههههههه
طيب ما أكيد يا باشا طبعاً ده واضح من أسمهم حتى
أنا سؤالي المقصود بيه أيه الفرق بينهم كأستخدام يعني أيه اللي هيفرق معايا بين أن أنا أركب عربيه البور فيها زيت أو البور فيها كهربا وهل في واحد أفضل من واحد ولو كده يبقى أفضل ليه بالظبط
هل في حاجه منها لها مشاكل مع الوقت (كده يعني)

صحيح انا طلب انكم تملولي الموضوع ردود مش مش كده يعني
المهم خد بلونه ولا لسه

[mahmoud85]

الباور الزيت من غير كهربا
هههههههههههههههههههههههههههه

[Silent~Dream]

[kokowasfy]

انا هقولك المفيد البور الزيت مفهوش كهربا

[mem]

طبعا زى مقال الاعضاء ان الباور العادى اللى هو زيت بيحتاج زيت باور
ومع الوقت بيحتاج يتغيير يعنى تقريبا كل 60 الف كيلو للمحافظه على الطرمبه
وايضا للمحافظه على الحركه السلسه للدريكسيون
وكمان الباور الزيت ما ينفعش تفضل كاسر الدريكسيون على الاخر خالص لمده تتجاوز ال 10 ثوانى
والا مع الوقت هتلاقى فى ترشيح زيت باور بسبب الضغط على الطرمبه فانت وحظك تيجى فى خرطوم تيجى فى الطرمبه انت ونصيبك
اما الباور الكهربا والذى لا يحتاج زيت بكل تاكيد
فهو اخف كثيرا عن الباور الزيت وبالبلدى كده يقولك الباور ايه ميه فى ايدى
ونادرا ما يحدث به عطل وتكسر يمين شمال على الاخر برحتك ما فيش مشكله
لكن يعيب هذا النوع من الباور الكهربا انه مع السرعات بيخف اكتر واكتر واكتر
فاللمسه بتفرق يعنى اى غلطه يا قدر الله ممكن يحدث ما لا يحمد عقباه فبيحتاج تركيز عالى جدااا جدا فى السواقه على السرعات
اما الزيت فلما بيخف على السرعات العاليه فبيكون معقول وبيكون التحكم فيه افضل كثيرا من الكهربه
وبعض الشركات الكبرى مثل مرسيدس وbmw بسبب الحوادث اللى كانت تحدث بسبب خفه الباور الكهربا فى السرعات العاليه قاموا بعمل نظام بعد سرعه ال 100 وعربيات اخرى 120 يفصل الباور الكهربا
ويتقل شويه بحيث يجعل السائق له القدره على تحكم افضل
فلكل نظام منهم مميزاته وعيوبه كما ذكرت لحضرتك

[J A G U A R]

الاستاذ mem جابلك الخلاصه

[mhkorayem]

الباور الزيت من غير كهربا
هههههههههههههههههههههههههههه

كنت متأكد أن في حد هيقول كده

[mhkorayem]

الباور الزيت من غير كهربا
هههههههههههههههههههههههههههه

[mhkorayem]

شكراً يا كبير وده يوضح للشباب أن الأتنين فيهم زيت وكهربا بس هو فرق نسب

[mhkorayem]

انا هقولك المفيد البور الزيت مفهوش كهربا

طلع كلامك مش مظبوط بص على رد أستاذ Silent~Dream

[khaabas]

البارور الزيت من غير كهربا والباور الكهربا من غير زيت :)
والباور الكهربا انعم بكتير من الزيت
والباور الكهربا مفيش بقى قربه الزيت المقززة دى :) بس فيه قربه كهربا هههههههههههههههههههههههه

[mhkorayem]

طبعا زى مقال الاعضاء ان الباور العادى اللى هو زيت بيحتاج زيت باور
ومع الوقت بيحتاج يتغيير يعنى تقريبا كل 60 الف كيلو للمحافظه على الطرمبه
وايضا للمحافظه على الحركه السلسه للدريكسيون
وكمان الباور الزيت ما ينفعش تفضل كاسر الدريكسيون على الاخر خالص لمده تتجاوز ال 10 ثوانى
والا مع الوقت هتلاقى فى ترشيح زيت باور بسبب الضغط على الطرمبه فانت وحظك تيجى فى خرطوم تيجى فى الطرمبه انت ونصيبك
اما الباور الكهربا والذى لا يحتاج زيت بكل تاكيد
فهو اخف كثيرا عن الباور الزيت وبالبلدى كده يقولك الباور ايه ميه فى ايدى
ونادرا ما يحدث به عطل وتكسر يمين شمال على الاخر برحتك ما فيش مشكله
لكن يعيب هذا النوع من الباور الكهربا انه مع السرعات بيخف اكتر واكتر واكتر
فاللمسه بتفرق يعنى اى غلطه يا قدر الله ممكن يحدث ما لا يحمد عقباه فبيحتاج تركيز عالى جدااا جدا فى السواقه على السرعات
اما الزيت فلما بيخف على السرعات العاليه فبيكون معقول وبيكون التحكم فيه افضل كثيرا من الكهربه
وبعض الشركات الكبرى مثل مرسيدس وbmw بسبب الحوادث اللى كانت تحدث بسبب خفه الباور الكهربا فى السرعات العاليه قاموا بعمل نظام بعد سرعه ال 100 وعربيات اخرى 120 يفصل الباور الكهربا
ويتقل شويه بحيث يجعل السائق له القدره على تحكم افضل
فلكل نظام منهم مميزاته وعيوبه كما ذكرت لحضرتك

شرح حضرتك في منتهى الوضوح وفعلاً ردك كان مفيد بالنسبه ليا وهو ده اللي كنت عاوز أعرفه
1000 شكر ليك