هيونداى تعمل على محرك جديد 1.8 لتر تربو بدون بوجيهات

[yasserelsayad]

تعمل هيونداى على محرك جديد بسعة 1800 سى سى بقوة تصل لـ 180 حصان ويعمل مثل محركات الديزل لكن يحرق البنزين.

اعلنت هيونداى ان المحرك سيتكمن عند الانتهاء منه من توفير 25% من استهلاك البنزين مقارنة بالمحركات الاخرى من نفس السعة اللترية.

تطلق هيونداى على محركها الجديد GDCI ,هو اختصار لـ gasoline direct compression ignition.
مع نظام الـ.compression ignition سيمكن المحرك من حرق الوقود باستخدام الضغط داخل السيلندرات بدلا من استخدام البوجيهات, ودائما يستخدم نظام الـ.compression ignition فى محركات الديزل.

كما قلت فالمحرك الجديد لن يستخدم البوجيهات لحرق الوقود. وسيكون مزود بتيربو وسوبرتشارجر وصمامات العادم تفتح مرتين فى الدورة بدل من مرة واحدة. عند فتح صمامات العادم للمرة الثانية فى الدورة تسحب الحرارة لداخل غرفة الاحترق ومع الضغط الموجود بها يساعد على اشتعال البنزين.

وتنوى هيونداى اختباره السنة القادمة فى الجيل الجديد من سيارتها السوناتا.

[tameraast]

مصدر الخبر عايز اعرف تفاصيل :)
الحجات دى شغلى

[Ahmed_Adham]

مصدر الخبر عايز اعرف تفاصيل :)
الحجات دى شغلى

فيه تفاصيل أكتر هنا

Hyundai Developing Gasoline-Burning Compression-Ignition Engine – News – Car and Driver | Car and Driver Blog

[Samir Elshahawy]

شكرا باشمهندس ياسر علي الخبر
و ده يؤكد حقيقة السؤال اللي طرحته من قبل عند ظهور محركات الجي دي أي gdi
Gasoline Direct Injection عندما تصورت أنه سيأتي يوم تعمل فيه محركات البنزين بدون بوجيهات مثل محركات الديزل معتمدة علي توليد حرارة من الانضغاط تكفي لأشعال البنزين

و هنا أنوه أن في تلك الحالة ستختلف رشاشات تلك المحركات fuel injectors عن سابقتها في المحركات الاخري حيث ستعتمد أيضا علي زيادة ضغط الوقود و زيادة الرذاذ الناتج من تلك الرشاشات و تقليل حجم ذرات الوقود لتشتعل بسرعة

[khaabas]

برافو هيونداى من تطور الى تطور
التنين الكورى :)

[ahmedesmat1987]

بما ان الموتور دا هيعمل على تقنيه الاشعال الزاتى بنائا على نسبه الانضغاط زى مواتير الديزل اذا هيكون سمك وحجم غرفه الاحتراق اعلى واكبر من مواتير البنزين العاديه وحجم الموتور ومكوناته ووزنه ككل ازيد بكتير ......

يبقى نستنتج من كدا ان حركه الموتور وعدد لفاته هتبقى اقل من المعدل الطبيعى وهم فعلا معواضين فى كدا بالتوربو الحجم الكبير زى مواتير العربيات الدبابه عشان يحسنه الفارق فى التسارع بين المحرك صاحب نسبه الانضغاط العاليه جدا والى بتوصل الى 14/1 عكس مواتير البنزين صاحبه المكونات الداخليه الخفيفه ونسبه الانضغاط القليله وهى من 5 الى 6 /1 ...


لو عملنا مقارنه بين الاتنين هنلاقى المميزات كويسه مش وحشه مابين محرك احتراق زاتى ومحرك اشعال داخلى.....1.قله الاعطال تكاد تكون معدومه
2..الاعتماديه لفترات تشغيل طويله بدون توقف
3..العزم العالى ودا بيقاس بالنيوتن نظرا لقوة وثقل وكبر المكونات الداخليه
4.. التصميم الميكانكيى البسيط اللى هيعتمد عليه الموتور نظرا لاصتئصال المكونات الخاصه بالاشعال مثل البوجيهات والموبينه وحساسات الخاصه بمنظومه الاشعال ومنظومه الكاتينه بالكامل مثل السيارات الديزل والاعتماد على التروس المترابطه


وبكدا هيبقى عندك عربيه قويه جدا تصلح لاى مهمه واى مكان واى جو

تحياتى

[ahmed2pp]

مش هيدخل مصر اكيد بسبب انه اكبر من 1600 بسبب الجمارك الكبيرة

[ahmedesmat1987]

مش هيدخل مصر اكيد بسبب انه اكبر من 1600 بسبب الجمارك الكبيرة

كلام صحيح 100%

وفى الاغلب لو نزل مصر هينزل موتور cvt عادى زى ما عملو فى الالنترا gdi ونزلوها بنسخه مختلفه من المواتير الدويتش

[S O P H O S]

اعصار كوري فالطريق
بالمحركات الي هتنزل دي فرأي ..

[Silent~Dream]

دايما المواتير الكورى كويسه و بيطوروها باستمرار و تكنولوجيا كويسه و الموتور ده بذات ممكن يبقى طفره لهيونداى لكن العربيه مش مواتير بس لازم يكثفوا جهدهم شويه فى باقى العربيه

[lanos2004]

كلام جميل جدا
تقريبا كوريا هترجع اوربا لعصور الظلام

[khaabas]

كلام جميل جدا
تقريبا كوريا هترجع اوربا لعصور الظلام

متقولش الكلام ده شكلك عاوز خناقة على الصبح ههههههههههههههه

[M I D O]

موضوع ممتاز يا باشا و الكوريين في تقدم