فيرنا ٢٠١٣ وبنزين مغشوش

[Eng_AmrAllam]

نصيحه لكل الناس خلي بالكوا من النزين
العربيه لسه مكملتش ١٠٠٠٠ كيلو
كنت علي طريق اسكندريه العربيه قطعت خااالص
حاولت ادورها معرفتش الا بصعوبه ومشيت بيها براحه لاقرب ميكانيكي
قالي اطلع بيها علي التوكيل شكل الرشاش الرابع فاصل فمخلي العربيه كده
طلعت علي توكيل قليوب واستقبلوني ودخلت
وفعلا شيك علي العربيه قالي فعلا الرشاش الرابع فاصل
فكهم ونضفهم وهنا بقي كانت المفجاه طلع منه كتله كبيره جدا من براده الحديد
وركب والحمد لله العربيه رجعت زي الاول
قالي بتشتكي من حاجه تانيه قولتله اه طرمبه البنزين صوتها عالي قووي
فعلا سمعها قالي تتغير ضمان قولت تمام غير
فك الطربمه وهو بيطلعها الراجل اتهبل نصف كفر الطرمبه مليان رمل
والطرمبه بايشه جدا
قالي التنك هنفكه وهيتنضف قولت تمام اما فك التنك كانت هنا بقي المفجاه التنك بايظ خاااالص
ومينفعش يتركب تاني اقولهم من ايه قالي ده حد بدل ما يمونلك حط لك رمل وميه وهيا اللي كانت عامله كده والمشكله اننا مش هنغير لك دول ضمان كده سوء استخدام
اقوله نعم العربيه لسه مكملتش ١٠٠٠٠ وانت بتقولي سوء استخدام ده انا من ساعه اما جبتها
مش بحطلها الا ٩٢
من هنا لهنا شالوا هما الطرمبه وانا شيلت تمن التنك
بس العجيبه بقي ان التنك تمنه ٨٠٠ بالضريبه بقي ٩٥٠
ومصنعيه تركيبه بس ٥٠٠ جنيه بحالهم
بعد ما غير التنك والطرمبه وعوامه البنزين وفلتر البنزين والبوجيهات ونضف الرشاشات

خلي بالكوا بقي من البنزين ومنهم لله الناس اللي بتغش البنزين

ودي صور التنك

[toty_305]

-خراب يا مصر

-ربنا يصبرك موقف سئ جدا

[john55]

الحمد لله علي انها معملتش حاجه جامده في العربيه كدا انا بصراحه اول مره اشوف كدا

[john55]

معلش انا ليا راي تاني ممكن حد بيكرهك حط الرمل والمياه في فتحه التانك وانت متعرفش مجرد استنتاج وشكرا

[assaf]

ممكن تقول للناس علي البنزينه اللي انت شاكك انها بتغش البنزين يعني اكتر بنزينه بتمون منها

[hugan]

اظن والله اعلم
ان اللي مليان رمل هو تانك محطه البنزين

[Eng_AmrAllam]

كالتكس المقطم
المشكله اني كانت العربيه بتفضي بنزين في البنزينه
وانا كنت واقف لحد ما خلصت ودخلت مونت علي طووول
واول ما طلعت من البنزينه العربيه كانت بتنتش مني جاااامد
بس بعدها غيرت فلتر البنزين والعربيه اتظبطتت
وملحوظه كمان انا اما موشر البنزين بييجي علي النصف بروح افول
وده الغلط اللي خلاني ماخدش بالي من التنك اول باول

[Eng_AmrAllam]

معلش انا ليا راي تاني ممكن حد بيكرهك حط الرمل والمياه في فتحه التانك وانت متعرفش مجرد استنتاج وشكرا

معتقدش دي خااالص
الا لو حد كسر التنك وفتحه
ودي كانت هتتعرف

[hossam_elwani]

هااااااار ابيض هو فيه كده

حسبنا الله فى كل صاحب بنزينا مهمل

فعلا بلد عالم تالت متخلف

[speed_magnum]

عندما تغيب الرقابه يصبح هذا حال البلد

[assaf]

كالتكس المقطم
المشكله اني كانت العربيه بتفضي بنزين في البنزينه
وانا كنت واقف لحد ما خلصت ودخلت مونت علي طووول
واول ما طلعت من البنزينه العربيه كانت بتنتش مني جاااامد
بس بعدها غيرت فلتر البنزين والعربيه اتظبطتت
وملحوظه كمان انا اما موشر البنزين بييجي علي النصف بروح افول
وده الغلط اللي خلاني ماخدش بالي من التنك اول باول

دا السبب بس غريبه ان دا كله من مره واحده شكل تنكات المحطه كلها تراب

[hanyemad123]

كالتكس المقطم بنزينه زفت

طول عمرهم بيغشوا البنزين و بيحطو ميه معاه

و فى ايام الازمات يجيبو ال 80 و بيبعوه على انه 92

قبل كده و انا بزود العجل عندهم جت واحده معاه فيرنا و زعقت و شتمتهم علشان طرمبه البنزين باظت بعد ما قولت من عندهم

و قبل كده مونت عربيه والدى سكودا 85 كربارتير العربيه بعد ما طلعت كانت بتكتم و بتقطع بسبب البنزين الزقت اللى حطيته من عندهم

[Eng_AmrAllam]

انا اصلا بعد ما مونت منها لقيت تقطيع جامد من العربيه
حسبي الله ونعم الوكيل فيهم

[M I D O]

يا نهار رمل في التانك ؟؟ هوة حضرتك بتفول من بنزينة اية ؟؟

قدر الله وما شاء فعل و الحمد لله انها جات علي قد كدة

[hossam_elwani]

من ضمن الدروس المستفاده من الموضوع ده

اياااااااكم والتفويل من محطة البنزين وعربية الشركة بتفضى فى الخزانات لان فى الحقيقه فعلا الرواسب الى فى الخزان الكبير بتتقلب اثناء تفريغ البنزين وطبعا من الخزان لتانك عربيتك وتبدا تحصل المشاكل