الحقونى ..... العربيه بتسخن على الـ 120

[arshidoc]

السلام عليكم ..... انا معايا فيرنا 2006 .... 1500 سى سى .... عامله 87 ألف .... المهم علشان مطولش عليكما ..... انا كنت فى مشوار و الدنيا رايقة و الطريق حلو قلت اجرى شويه المهم جبت 120( مش من هواة السرعه ) لقيت مؤشر الحراره ابتدى يتحرك .... قولت انا بيتهيائلى و فضلت مكمل لقيته برضو بيعلى قمت وقفت حوالى 5 دقايق و فتحت الكونتاكت لقيت المؤشر رجع تانى للنص ...... دورت و مشيت و انا قلبى فى الدواسه بس معديتش بيها ال80 .......... المهم روحت تانى يوم لبتاع الردياتيرات قالى كله تمام ....روحت للكهربائى قلى المراوح شغاله ..... قلت اجرب تانى امبارح بالليل و طبعا الجو كان ساقع ...... و يرضو جيبت ال120 و عينى على المؤشر لقيته برضو ابتدى يتحرك و الحراره تعلى عن النص .......... حد يا جماعة الخير عنده فكره ده يكون بسبب ايه ......... على الرغم انا كل مشاويرى فى الزحمه و بقف كتير و فى عز الحر و عمر الموضوع ده ما حصل ....... حد يعرف ممكن يكون السبب ايه قبل ما أروح للميكانيكى و نبتدى نضرب اخماس فى اسداس و نضرب الودع علشان نعرف ايه السبب ....... و لكم جزيل الشكر مقدما

[dr.hazem]

الراديتير عايز تسليك بغض النظر عن اللي قالك تمام...
تحياتي

Sent from my Xperia Arc S using Forum Runner

[mazeen]

غير غطا الريداتير هو اللى بيعمل كده نفس الموضوع حصل معايا

[khaabas]

بالفعل غير غطا الردياتير + بالمرة اعمل تنضيف للردياتير

ويا ريت تفحص طرمبة الميه وتتأكد انها مضعفتش

[Fo1Fo]

الراديتير عايز تسليك بغض النظر عن اللي قالك تمام...
تحياتي

sent from my xperia arc s using forum runner

أضافه : أذا كان الرادياتير من النوع اللى مش ممكن تسلكه فى البنزينه علبه مزيل للصدأ وليس مانع للصدأ بتتحط فى الدوره وتشغل العربيه لمده 10 دقائق ثم تصرف المزيل مع الميه القديمه وتغسل الدوره كويس . وفى ناس بتحط فنجان حامض بطاريه (تركيز 30% ) مع شويه ماء بعد فك الرادياتير بره وأخراجه من السياره والرج جيدا ثم الصرف والغسيل الجيد وأعاده التركيب . أذا الحاجات دى ما جبتش نتيجه أعمل حسابك على رادياتير جديد اذا كنت متأكد من المروحه والترموستات يعملان بشكل جيد

[arshidoc]

انا متشكر قوى لكم و لكل من قال رأيه و انا شايف كده انه الكل متوجه للرادياتير ...... طب هو فيه اى سبب تانى ممكن يعمل الموضوع ده ؟؟ يعنى لو الردياتير اتسلك و الغطا اتغير ( احسن مكان اجيبه منه فين ؟) و الموضوع فضل كده اعمل ايه ؟؟
انا برضو قبل الموضوع ده كنت بلاحظه لخبطه فى العربيه يعنى الاقى صوتها مره واحده يعلى زى مأكون دايس بنزين و ساعات لما اجى ادوس دبرياج برضو يروح الصوت عالى ........ هو ممكن يكون بسبب ايه الكلام ده ؟؟ وهل ده ممكن يكون سبب مع الردياتير للسخونه ؟؟

[azwoz65]

انا متشكر قوى لكم و لكل من قال رأيه و انا شايف كده انه الكل متوجه للرادياتير ...... طب هو فيه اى سبب تانى ممكن يعمل الموضوع ده ؟؟ يعنى لو الردياتير اتسلك و الغطا اتغير ( احسن مكان اجيبه منه فين ؟) و الموضوع فضل كده اعمل ايه ؟؟
انا برضو قبل الموضوع ده كنت بلاحظه لخبطه فى العربيه يعنى الاقى صوتها مره واحده يعلى زى مأكون دايس بنزين و ساعات لما اجى ادوس دبرياج برضو يروح الصوت عالى ........ هو ممكن يكون بسبب ايه الكلام ده ؟؟ وهل ده ممكن يكون سبب مع الردياتير للسخونه ؟؟

أخى العزيز جرب الأول وأنت مش هتخسر حاجة لما تنظف الردياتير وتغير غطاء الردياتير وبقى قللنا ايه الاخبار بعد التجربة
وبالتوفيق إن شاء الله

[eltanamly]

غير الرادياتير عن تجربة شخصية في لانوس أنا غيرت المراوح و طرمبة المية و نضفت الرادياتير ميت مرة عشان بردو المكانيكي كان بيقولي الرادياتير سليم
وللأسف بعد كدة لبست ف وش سلندر ونص موتور وياريتني كنت غيرت الرادياتير من الأول

[devil_storm]

بص المشكله دي يا اما ريداتير يا اما شكمان ... حصلت معايا اول ما اوصل ١٤٠ تلاقي عداد الحراره نط لفوق ارجع تاني تحت ١٠٠ الاقيه نزل تاني في النص و اتحلت لما غيرت الشكمان بالكامل علشان كان مخروم و مسدود
لو الرداتير سليم روح اتاكد ان الشكمان عندك سليم و مش مسدود او مخروم

[ibrahimkais]

الموضوع ده حصل معايا بس كنت سايق على 180 و أنا رايح الغردقة و 160 و أنا راجع
هي كانت مرة واحدة إللى جبت فيها الأرقام دى و حاليا محصلتشى تانى

فيرنا أتوماتيك 2007