اشتريت i10

[jasmin]

السلام عليكم
انا من فتره متابعه عالمنتدي عشان كنت محتاره اشتري ايه،،،انهارده جبت i10 موديل ٢٠١٢ اوتوماتيك عامله ٣٠ الف كيلو
بس ٢ زجاج بس كهربا و المرايات عاديه مش كهربا
انا كنت اول مره اركبها انهارده بس مسوقتهاش ف حسيتها من جوه بلاستيك شويه شبه العربيات اللعبه بس قلت مش مشكله احسن من مفيش
دلوقتي عاوزه اسألكوا ايه الملاحظات اللي اخد بالي منها بعد كده و كل الحاجات دي و طمنوني من ناحيتها

[J A G U A R]

الف مبروووك ... اهم حاجه العربيه لو كانت عايزه صيانه تغيرى سير الكاتينه والبوجيهات وفلتر البنزين وفلتر الهواء دى اهم حاجات فى العربيه وبعد كده لو حبيتى تروشنيها من بره شويه تجيبى كاوتش عريض مع طقم جنوط عشان تفرد نفسها على السكه كده ........ حضرتك جبتيها بكام ؟؟

[jasmin]

الف مبروووك ... اهم حاجه العربيه لو كانت عايزه صيانه تغيرى سير الكاتينه والبوجيهات وفلتر البنزين وفلتر الهواء دى اهم حاجات فى العربيه وبعد كده لو حبيتى تروشنيها من بره شويه تجيبى كاوتش عريض مع طقم جنوط عشان تفرد نفسها على السكه كده ........ حضرتك جبتيها بكام ؟؟

الله يبارك في حضرتك
طيب لو غيرت الكاوتش هيتكلف كام تقريبا؟؟
انا جبتها ب ٧٦

[J A G U A R]

هيا كاوتشات مقاس 12 هايكلف تقريبا كاوتش بجنوط 1800

[egyptiandiver]

الف مبروك

[jasmin]

هيا كاوتشات مقاس 12 هايكلف تقريبا كاوتش بجنوط 1800

ال ٤ عجلات ب ١٨٠٠؟؟
طيب سعر العربيه كده يعتبر كويس ولا كتير؟؟

[jasmin]

الف مبروك

الله يبارك في حضرتك

[J A G U A R]

ال ٤ عجلات ب ١٨٠٠؟؟
طيب سعر العربيه كده يعتبر كويس ولا كتير؟؟

انا بتكلم عن كاوتش وجنوط مع بعض بس انا مش متاكد من السعر يعنى مش اكيد .
وبالنسبه لسعرالعربيه ده سعرها فعلا .

[Dr.M_baz]

ألف مبروك ... وربنا يبارك لك فيها.

[elmkaneeki]

متعمليش حاجة في العربية خالص
هي مش محتاجة حاجة بالعداد ده
شوفي بس اخر صيانة ليها اتعمل فيها ايه
انما مش محتاجة لا سيور ولا كاتينة

[S O P H O S]

الف مـبروك

[shaaban2008]

الف مبروك
وفعلا العربية مش محتاجة تغيير حاجة دلوقت غير عمل الصيانات الدوريه اذا لزم الامر

[amgomaa]

الف مبروك

[A.Saad]

اكشفى على حالة الكاوتش الاول قبل التغيرر
الكاوتش تقريبا فى حدود 350 للاطار الواحد
اعتقد انها 13 مش 12

[horas3000]

السلام عليكم
انا من فتره متابعه عالمنتدي عشان كنت محتاره اشتري ايه،،،انهارده جبت i10 موديل ٢٠١٢ اوتوماتيك عامله ٣٠ الف كيلو
بس ٢ زجاج بس كهربا و المرايات عاديه مش كهربا
انا كنت اول مره اركبها انهارده بس مسوقتهاش ف حسيتها من جوه بلاستيك شويه شبه العربيات اللعبه بس قلت مش مشكله احسن من مفيش
دلوقتي عاوزه اسألكوا ايه الملاحظات اللي اخد بالي منها بعد كده و كل الحاجات دي و طمنوني من ناحيتها

الف مبروك
و انت كده معاكي الهاف اوتو زي اللي معانا
و هي فعلا طبلونها يغلب عليه البلاستيك و ده يسري علي كل الفئه دي اصلا بس

و اهم حاجه تتاكدي ان الصيانات الدوريه معموله و طالما 2012 يبقي المفروض الضمان ليه شغال و الاحسن تروحي التوكيل تعملي صيانه دوريه زياده في الاطمئنان و عشان تقدري تتابعي و العربيه ما شاء الله مش ماشيه كتير فاخرها زيت و فلتر و تربيطات

و عموما عيب ال i10 الاساسي قله قطع غيار البودي تحديدا و الاكسسوارات
لكن غير كده كله متوفر و مشترك مع عربيات تانيه
و العربيه كويسه جدا في راي

و بالمناسبه الجنط بتاعها 13 و طالما الكوتش كويس مفيش داعي من تغييره حاليا
و موضوع التجنيط ممكن يكون مع التغيير الدوري للكوتش لو تحبي علي ال 40-50 الف كيلو