النترا 2010 بطلت و مش عايزة تدور ......... ال 4 كويلات مبيطلعوش شرارة

[AHMADALY1999]

جنزير الكاتينة سليم ...... الكامة بتلف
الرشاشات شغالة ......... وصلت لمبة بسلكتين فى الفيشة و اللمبة بتنور
مضخة البنزين بتضخ مع تكة الكونتاكت و تكة المارش
بس ال 4 كويل و لا واحد فيهم بيدى شرارة
لمبة الشيك مكنتش منورة قبل ما تبطل

هل يكون حساس كامة ؟
للاسف عربية واحد صاحبى و احنا فى موقع الشغل بعيد عن اى ميكانيكى او مركز صيانة

[AHMEDCAR]

ممكن يكون حساس الكرنك

[AHMADALY1999]

ممكن يكون حساس الكرنك

انا برضه شاكك فيه
بس واحد صاحبنا و احنا بنجرب فى العربية اتصل بكهربائى معرفته شغال فى الجديد لما قولتله انا شاكك فى حساس الكرنك او الكامة اكدلى ان حساس الكرنك لو فيه حاجة ميخليش المضخة ترمى بنزين مع المارش
و قالى حساس الكامة ميخليش العربية ماتدورش بس انا حصلت مع واحد زميانا تانى فى النترا الشكل الجديد 2012 نفس الاعراض ديى و طلع فى الاخر حساس كامة

المشكلة ان جيت افك حساس الكامة دلوقتى عشان اشوف يمكن فى تسريب زيت جه عليه و لا حاجة معرفتش افكه
عشان افكه لازم افك ماسورة البنزين اللى داخلة على المسطرة و مش عايز اعك الدنيا خصوصا اننا فى مكان يعتبر صحراء يعنى لو جوان الماسورة اتقطع دخلنا فى مصيبة اكبر

[msobhy]

بجد الله يكون فى عونك
حضرتك بصيت على الفيوز اللى فى الكبوت والفيوز اللى جوه العربيه
العربيه ديه متركب عليها دايرة فصل على الريموت (ممكن تكون السبب)
لو مركب GPS Tracker برضو ممكن يكون السبب

[AHMADALY1999]

بجد الله يكون فى عونك
حضرتك بصيت على الفيوز اللى فى الكبوت والفيوز اللى جوه العربيه
العربيه ديه متركب عليها دايرة فصل على الريموت (ممكن تكون السبب)
لو مركب GPS Tracker برضو ممكن يكون السبب

تسلم يا باشا ................ هى عربية زميلى ههههههههههههههههه
فعلا انا بصيت على الفيوزات كلها جوه و بره سليمة
بس حضرتك نبهتنى لحاجة انى اقوله يخلى الكهربائى ( لما يقطرهاله) يراجع على قاعدة علبة الفيوزات

و حسأله هل فيها دايرة فصل و gps tracker حلوة الملحوظة ديى

[msobhy]

والله أعلم
المشكله ديه يا أما حاجه فاصله كهرباء عن ملفات الموبينه بتاعت العربيه (أى ريلاى فاصل)
يا أما فيوز
يا أما (وربنا يستر) كنترول العربيه
هو الالنترا فيها حساس كاتينه؟؟؟؟؟ - لو فيها ممكن تفكر فى نفس السكه

[AHMADALY1999]

والله أعلم
المشكله ديه يا أما حاجه فاصله كهرباء عن ملفات الموبينه بتاعت العربيه (أى ريلاى فاصل)
يا أما فيوز
يا أما (وربنا يستر) كنترول العربيه
هو الالنترا فيها حساس كاتينه؟؟؟؟؟ - لو فيها ممكن تفكر فى نفس السكه

بالليل متأخر صاحبى اتصل باللى شارى منه العربية قاله ان فعلا كان جه على الكنترول ميه من الغسيل و كان وداها الحرفيين نشفوه كويس
احتمال للاسف حاجة ضربت فى الكنترول
بس حخليه عند الكهربائى الاول يراجع على قاعدة الفيوزات و الفيوزات و الريلهات الاول
و يحطها على جهاز يشوف لو فيه كود كان متسجل و لا حاجة
و يجرب حساس كرنك و كامة استعمال ( اكيد تقصد بحساس الكاتينة هو حساس الكرنك )
و يراجع على الضفيرة
و حكاية دايرة الفصل و الجى بى اس تراكر
لو مفيش فايدة يبقى كنترول

صحيت دلوقتى لقيت missed call منه فجيت اكلمه لقيته نايم ههههههههههههههه

[M.Al-Hefnawy]

كنترول العربية كان بردو بيعلق عندي بس كنت العربية بتدور وتمشي على غيار واحد (تمشي على التالت) ولما بينشف لوحده بتبقى كويسة وتمشي عادي

[samihanwar]

ممكن حساس الكرنك
أو فيوز ضارب والشكل العام كده حساس الاوكسجين
وشوف بالمره كده أخبار البوجيهات ايه؟لاقطه كهربه ولا متأكسده مش موصله؟
وابقى طمنى من فضلك

[AHMADALY1999]

ممكن حساس الكرنك
أو فيوز ضارب والشكل العام كده حساس الاوكسجين
وشوف بالمره كده أخبار البوجيهات ايه؟لاقطه كهربه ولا متأكسده مش موصله؟
وابقى طمنى من فضلك

لا مستحيل حساس اكسوجين ................. ميخليش العربية ماتدورش
اصلا الكويلات مش واصلها حاجة
اخر التطورات
صاحبى اللى هو صاحب العربية اتصل بواحد صاحبه هههههههههههههههههه بعتله مع واحد صاحبنا سكانر و عملنا سكان طلع
P0625 - Generator Field Terminal Circuit Low

اسباب حاجة زيى ديى بتبقى يا بطارية و ديى مستبعدينها لان البطارية كانت جامدة امبارح مع المارش غير ان جربنا ببطارية تانية
او سير دينامو مهوى او مقطوع
يا الدينامو نفسه فلسع
يا ضفيرة الدينامو يا فيش الدينامو
بعدها على طول قطر العربية لمكان مؤهول بالسكان ههههههههههههههه لاننا فى مكان غير مؤهول اساسا
حكلمه بالليل اشوف وصل لايه

و احتمال فعلا كنترول لانه قالى الاسبوع اللى فات عمل سكان طلعله 3 اكواد دا واحد منهم و الاتنين التانيين يعملهم إيريز و مبيطلعوش تانى غير بعد فترة
بس انا نسيت الكودين التانيين

نسيت اقول ان صاحبى اصلا شارى العربية من واحد صاحبه و صاحب العربية لاعب فى الضفيرة البخت
و انا مبحبش كدا اللعب الغير مصرح بالطرق البلدى مع العربيات ديى تؤدى الى التوهااااااااااااااااااااان

[azwoz65]

بص ياسيدى
فى فالفيشة بتاعت الكنترول اللى جنب البطارية فيها حوالى33 بنز تقريباً
أكيد فيهم بنز مكسور أو مصدى من كثرة غسيل العربية
لذلك دائماً نحذر من غسيل المحرك بالماء
أخى العزيز افتح الغطاء الخاص بهذه الفيشة برفق ثم اسحب الفيشة وراجع البنوز بداخلها جيداً
ثم أخبرنا بالنتيجة وأنا سوف أرشدك الى الحل ان كان أحدهم مكسور أو غير موجود نتيجة البارومة
وبالتوفيق إن شاء الله

[msobhy]

بالليل متأخر صاحبى اتصل باللى شارى منه العربية قاله ان فعلا كان جه على الكنترول ميه من الغسيل و كان وداها الحرفيين نشفوه كويس
احتمال للاسف حاجة ضربت فى الكنترول
بس حخليه عند الكهربائى الاول يراجع على قاعدة الفيوزات و الفيوزات و الريلهات الاول
و يحطها على جهاز يشوف لو فيه كود كان متسجل و لا حاجة
و يجرب حساس كرنك و كامة استعمال ( اكيد تقصد بحساس الكاتينة هو حساس الكرنك )
و يراجع على الضفيرة
و حكاية دايرة الفصل و الجى بى اس تراكر
لو مفيش فايدة يبقى كنترول

صحيت دلوقتى لقيت missed call منه فجيت اكلمه لقيته نايم ههههههههههههههه

حضرتك حساس الكرنك حاجه وحساس الكاتينه حاجه تانيه
حساس الكاتينه وظيفته ان لو السير حصل فيه حاجه - العربيه تفصل تماما ومدورش - السنسور ده المفروض انه بيبقى محترم جدااااااااااااااااااا وأعطاله تقريبا معدومه - لكن لو باظ العربيه بتقف تماما ومش بتدور خاااااااااااااااااااااالص
طبعا انا معرفش اذا كانت الالنترا فيها أصلا ولا لأ - خاصه ان الكاتينه بتاعتها جنزير
انا باعتذر لأن لسه خبرتى فى الالنترا ضعيفه علشان كده بأكد على المعلومه معاكم

.
.
ياريت حضرتك تقولنا وصلت لأيه والعيب طلع من ايه

[AHMADALY1999]

بص ياسيدى
فى فالفيشة بتاعت الكنترول اللى جنب البطارية فيها حوالى33 بنز تقريباً
أكيد فيهم بنز مكسور أو مصدى من كثرة غسيل العربية
لذلك دائماً نحذر من غسيل المحرك بالماء
أخى العزيز افتح الغطاء الخاص بهذه الفيشة برفق ثم اسحب الفيشة وراجع البنوز بداخلها جيداً
ثم أخبرنا بالنتيجة وأنا سوف أرشدك الى الحل ان كان أحدهم مكسور أو غير موجود نتيجة البارومة
وبالتوفيق إن شاء الله

جزاك الله خيرا يا باشا على اهتمامك و جزا الجميع خيرا
فعلا حلك قريب من اللى حصل

لسة صاحبى قافل معايا قالى الراجل ( مركز صيانة ) قاله الكنترول فى أثار شياط
و لسة كنت بحاول اتصل بحد معرفة اشوف سعر الاستعمال لقيت تلفيونه مقفول
بكلم صاحبى تانى اقوله موصلتش لسعر الاستعمال لقيته فرحان بيقولى الراجل دور العربية !!!
ازاى يا عم ؟ !!
بيقولى لقى مقاومة هى اللى كانت شايطة و غيرها و الكنترول اشتغل
الحمد لله

و انا فعلا امبارح كنت فكيت الفيشة الكبيرة و راجعت على ال 33 بن واحد واحد

اشكركم جميعا على المشورة و المساعدة

اهم حاجة محدش يغسل بمدفع ميه ماتور الكنترول بتاعه فى الحوض

[AHMADALY1999]

حضرتك حساس الكرنك حاجه وحساس الكاتينه حاجه تانيه
حساس الكاتينه وظيفته ان لو السير حصل فيه حاجه - العربيه تفصل تماما ومدورش - السنسور ده المفروض انه بيبقى محترم جدااااااااااااااااااا وأعطاله تقريبا معدومه - لكن لو باظ العربيه بتقف تماما ومش بتدور خاااااااااااااااااااااالص
طبعا انا معرفش اذا كانت الالنترا فيها أصلا ولا لأ - خاصه ان الكاتينه بتاعتها جنزير
انا باعتذر لأن لسه خبرتى فى الالنترا ضعيفه علشان كده بأكد على المعلومه معاكم

.
.
ياريت حضرتك تقولنا وصلت لأيه والعيب طلع من ايه

اول مرة اعرف المعلومة الجميلة ديى
بس تصدق لفت نظرى امبارح حساس راكب على بيت الكامة شمال غير حساس الكامة اليمين و مكنتش عارف بتاع ايه
و الله ممكن يكون اللى شوفته شمال دا هو حساس الكاتينة اللى حضرتك تقصده و الله اعلم

على العموم الحمد لله صاحبى لسة متصل و طلع المشكلة فى الكنترول و غيرله مقاومة و العربية دارت يا رب ما تعطل تانى

و هو فعلا انا كنت شاكك فى الكنترول عشان حكاية كل شوية اكواد غريبة و يتعملها كلير و متظهرش و بعد فترة تطلع اكواد تانية مع ثبات كود p0625

كل دا بسبب غسيل الماتور بغشومية

[azwoz65]

جزاك الله خيرا يا باشا على اهتمامك و جزا الجميع خيرا
فعلا حلك قريب من اللى حصل

لسة صاحبى قافل معايا قالى الراجل ( مركز صيانة ) قاله الكنترول فى أثار شياط
و لسة كنت بحاول اتصل بحد معرفة اشوف سعر الاستعمال لقيت تلفيونه مقفول
بكلم صاحبى تانى اقوله موصلتش لسعر الاستعمال لقيته فرحان بيقولى الراجل دور العربية !!!
ازاى يا عم ؟ !!
بيقولى لقى مقاومة هى اللى كانت شايطة و غيرها و الكنترول اشتغل
الحمد لله

و انا فعلا امبارح كنت فكيت الفيشة الكبيرة و راجعت على ال 33 بن واحد واحد

اشكركم جميعا على المشورة و المساعدة

اهم حاجة محدش يغسل بمدفع ميه ماتور الكنترول بتاعه فى الحوض

الحمد لله ان انت وصاحبك وصلتوا للحل والعربية اشتغلت والحمد لله
والحمد لله ان توقعنا فى محله ودا فائدة هذا المنتدى الجميل اننا بنفكر مع بعض بصوت عالى حتى نصل الى الحل سوياً
ولك منى وافر التحية والتقدير ( أنت وصاحبك طبيعاً .. هههه )