العربية بتنتش

[كشك7]

السلام عليكم و رحمة الله و بركاته
عربيتي هيونداي اكسيل 1500
العربية بقالها فترة بتنتش و هي لسه بارده و الفتيس بيقي تقيل اوي لدرجة اني احيانا مش بعرف اجيب التاني علي الرغم ان زيت الفتيس كويس و مغيره من فترة بسيطة
و العربية دايما الصبح لما اشغلها تشتغل و تطفي علي طول حوالي 5 مرات و بعدين تشتغل تمام بس لو دوست بنزين جامد بتطفي تاني
روحت لميكانيكي قالي دي طرمبة البنزين و روحت لميكانيكي تاني قالي في حاجة كده اسمها رشاش االمفاجئ عطلان
انا لسه مغير الزيت و البوجيهات
ساعدوني علشان انا قربت اتجنن بجد

[Amr_Azab]

ممكن تكون طرمبة فعلا
وعشان تتأكد ممكن تروح اي مركز محترم بيبقي في جهاز لقياس ضغط الطرمبة
واتأكد برده من حالة الفلاتر

[كشك7]

ممكن تكون طرمبة فعلا
وعشان تتأكد ممكن تروح اي مركز محترم بيبقي في جهاز لقياس ضغط الطرمبة
واتأكد برده من حالة الفلاتر

يعني لو الطرمبة ضعيفة يخليها تشتغل بصعوبة؟
و بالنسبة للفتيس .. ممكن يكون السبب ان الزيت تقيل؟

[Amr_Azab]

لو الطرمبة ضغطها ضعيف يبقي اكيد حتعمل معاك كده
بس اهم حاجة اتأكد من فلتر البنزين الاول لان ممكن يكون الفلتر هو اللي مسدود والطرمبة كويسة
وبالنسبة للفتيس فلو حضرتك حطيت زيت لزوجته عالية اكيد طبعا حيتقل اوي معاك خصوصا لو الفتيس عندك حالته كويسة فاتاكد من لزوجة الزيت اللي حطيته كام

[كشك7]

لو الطرمبة ضغطها ضعيف يبقي اكيد حتعمل معاك كده
بس اهم حاجة اتأكد من فلتر البنزين الاول لان ممكن يكون الفلتر هو اللي مسدود والطرمبة كويسة
وبالنسبة للفتيس فلو حضرتك حطيت زيت لزوجته عالية اكيد طبعا حيتقل اوي معاك خصوصا لو الفتيس عندك حالته كويسة فاتاكد من لزوجة الزيت اللي حطيته كام

الميكانيكي قالي الفلتر كويس و مش مسدود

[كشك7]

منتظر باقي الردود

[saddam]

صديقي المواطن
وصلتني رسالتك عالخاص ومن هناك سأتابع معك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[كشك7]

صديقي المواطن
وصلتني رسالتك عالخاص ومن هناك سأتابع معك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ربنا يكرمك و يجعله في ميزان حسناتك

[drcobra]

متابع

[amoor89]

معتقدش ان الموضوع طرمبة بنزين
فلتر البنزين انت غيرته بنفسك ولا العربية جاية بيه لان تقريبا حضرتك لسه جايب العربية من فترة صغيرة ؟
مش شرط ان الميكانيكى شايف انه كويس يبقى خلاص امين لا وبعدين الفلتر ب20 جنيه مش قصة المهم
هتنضف الكاربرتير بمنظف وبعدين ترش جواه رشتين wd40 عشان يزيت الأكسات اللى جوه ويطرد الاوساخ اللى جوه برده
بعد ده هتشيك على البوجيهات والأسلاك لو متغيروش بقالهم كتير غيرهم ونضف فلتر الهوا او يتغير على حسب حالته
اتأكد ان وصلات البطارية متركبة تمام ومش مملحة أو واسعة شوية
اللى قولتك عليه ده كله حاجات بسيطة ومش مكلفة لكن بتفوق العربية جدا وهتعرفنا ازا كانت طرمبة بنزين ولا لا بدون فتى من الصنايعية ومصاريف على الفاضى