ماتريكس ولا الانترا

[mamahran]

سلام عليكم يا اصحاب الهيونداي
عايز اشتري عربية مستعملة في حدود 70000 : 80000
ووصلت للماتريكس او الالنترا موديل 2007 2008
هل فعلا الالنترا واطية وعفشتها مش قوية زي الماتركس؟؟؟
طيب مميزات وعيوب كل واحدة وتنصحوني بأيه خصوصا اني عايش في حدائق الاهرام وماعندناش شارع واحد مرصوف !
متشكر جدا للجميع مقدما....

[saddam]

صديقي المواطن
العربيتين مش وحشين وسوقهم بياع وإلانترا بياعة أكتر رغم إني مبحبش الموديل ده شكلا ممكن الشكل اللي قبل منه أشيك وطبعا الشكل اللي بعد منه لكن الشكل ده منتشر في اﻷقاليم جدا بس هو مش داخل قلبي ولكن بيتباع بسرعة وحاجته منتشرة جدا وهي مش واطية ولكن الماتريكس أعلى وقعدتها أريح ولكن أنا مش من هواة شكل الشنطة المتصلة بالسقف يعني الهاتشباك وده عشان لو إتخبطت من ورا أقل خبطة حتسمع في السقف وتعال عيش اللحظة في الزراجين مع اﻷسطة بندق وصنقر السمكري
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[devil_storm]

النترا افضل

[msobhy]

النترا

[khaabas]

النترا

[mamahran]

متشكر قوي للجميع بس ياريت تقولولي الانترا احسن ليه؟؟؟؟
وخصوصا اني زي ماقلت عايش في بحر من المطبات الطبيعية والصناعية
وياترا ايه اخبار اسعار قطع الغيار؟؟؟

[msobhy]

حضرتك عن تجربه الماتريكس أعلى
عن تجربه قيادة الالنترا أحسن
النقطه الوحيده اللى ممكن تتفوق فيها الماتريكس على الالنترا هيه ارتفاعها عن الارض - بعد كده الالنترا متهيألى الالنترا تكسب


متكسبوا فيه ثواب وتعملوا لى لايك وشير لصفحتى

https://www.facebook.com/Fuji.egypt

[start_wow]

الالنترا افضل من الماتريكس..

[J A G U A R]

النترا افضل فى كل حاجه

[starlanos]

النترا بدون كلام

[mamahran]

متشكر قوي ياجماعة...ولا بلاش ياجماعة دي..
انا متأكد ان الالنترا احسن بس ماحدش رد عل سؤالي
في منطقة مش مرصوفة هيا اللي تستحمل ولا الماتريكس وقطع غيار مين فيهم متوفرة اكتر واسعارها اقل وسهل الميكانيكي يشتغل فيها......علشان بصراحة هو ده اللي بدور عليه.

[mamahran]

متشكر قوي ياجماعة...ولا بلاش ياجماعة دي..
انا متأكد ان الالنترا احسن بس ماحدش رد عل سؤالي
في منطقة مش مرصوفة هيا اللي تستحمل ولا الماتريكس وقطع غيار مين فيهم متوفرة اكتر واسعارها اقل وسهل الميكانيكي يشتغل فيها......علشان بصراحة هو ده اللي بدور عليه.

ماحدش رد عليا في التفاصيل دي ليه؟؟؟؟؟
هوا مافيش حد معاه ماتركس هنا ولا ايه؟؟؟؟

[mizomizomizo]

حسب

بالنسبة للنترا
عربية زي الفل و لكن لو بتبقي محملة حسب اوزان المحملة بنحك في كل مطب الي جانب قدرتها التحميل بالنسبة للمتركس في الاحجام المتركس تكسب لان الماتريكس ممكن تشتغل فان بعد طي الكنبة وهي اعلي من الانترا

فكل سيارة لة ميزة وعيب

[mhkorayem]

لو انت مش بتاع جري وشد ويفرق معاك التسارع والحاجات دي
تبقى الماتريكس ثم الماتريكس ثم الماتريكس وبدون تفكير
مساحه أكبر
اعلى
صاجها محمل أكتر بكتير من الالنترا
قطع الغيار ارخص

العربيه دي تنتمي لفئه العربيات متعددة الاستخدامات ودي فئه الطبيعي بتاعها اغلى من السيدان لكنها لما نزلت في الاول كانوا بنزلوها ارخص لحد ما الناس تبدأ تاخد عليها وتحبها وده اللي حصل مع الماتريكس والالنترا في الاول
وبعد كده سعرها رفع عشان يتساوى مع السيدان وده حصل مع الكارينز والسيراتو
ودلوقتي بقى اتفرج على الاسعار
الـ ix20 (بديله الماتريكس) بقت أغلى من الالنترا بفرق محترم
ونفس الكلام بالنسبه للكارينز اللي نزله أغلى من السيراتو بكتير

شراء الفئه دي من السيارات بعد كده هيبقى شئ مكلف جداً ومش زي زمان خالص وده أنا كنت متأكد من حدوثه من أكتر من 4 سنين وقلته لناس كتير ومكنش حد مصدقني وده اللي حصل فعلاً

لو منتاش بتاع جري وكلام من ده توكل على الله في الماتريكس ومش هتندم

[S O P H O S]

اميل للانترا