إعـــــــلان

Collapse

.

,
See more
See less

تقييم شامل ل نيوأكسنت أتوماتيك 2008

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    تقييم شامل ل نيوأكسنت أتوماتيك 2008

    السلام عليكم
    بعد لف و استشارات و فتي و اضطراب في أسعار العربيات و حيره بين المستعمل و كسر الزيرو ,,,قررت و من غير ماحس لقيت نفسي شاري ,,,
    نيوأكسنت ,,
    الموضوع ده اخد مني سنتسن من القلق و التساؤلات
    اليكم التقييم بكل ماهوا ايجابي و سلبي للعربيه 2000 كيلو
    الشكل الخارجي: جميل و خصوصا المقدمه و جديد في السوق لقلة انتشاره (ازواق) من الخلف يعني مش قد كده

    الصالون: مريح و في مسند ليد السائق متصله بالكرسي حاجه كده زي البيجو ,, وجود اماكن متعدده للتخزين في التابلوه ,تحت الدركسيون في مكانين, درج تحت ال CD ,و درج في الكونسول , اضاءه في التابلوه الئيسي (علبة القفازات)
    الكنبه الخلفيه زاوية الظهر قائمه شويه يعني مش مائله للخلف زي قعدة الصني لكن مريحه لشخص متوسط الطول .
    الأضاءه : لمبه في نص السقف و 2 قدام (ورار المرايا) و دول بيطفو تدريجيا زي نظام الأوروبي قوي جدا
    4 نوافذ كهربائيه
    عدد 2 حزام امان للركاب في الخلف

    المحرك و الأداء العام:
    1600 بتكنولوجيا cvvt
    الجيل الثالث من محركات هيونداي
    مكتوب انو بيطلع 112 حصان على 4500 دوره الكلام ده في الكاتالوج و عرض المميزات في المعرض كاتبين 112 على 6000 دوره!!!
    بس بصراحه الموتور نشيط جدا و سلس في النقلات ,كنت قلقان من النتش بس الحمد لله ,
    العزل بجد ممتاز مافيش اي أصوات مسموعه ,صوت الموتور تبدأ تسمعه بعد 110 و خفيف و ناعم في ظروف قياده عاديه من غير قرص
    اكتر سرعه جبتها كانت 120 مصر اسكندريه الصحراوي ,,
    الثبات كويس بس السرعات العاليه معرفش ,,
    التكييف: جيدجدا و لكن مش بكفاءة الياباني ,, على فكره انا شغلته و انا لسه بلين ,,على طريق طوالي
    لما سألت في المعرض قاللي رد غريب : كل هيونداي الجديد كده صديق البيئه ,, بس مع التشغيل المستمر كفائته بتعلى


    العفشه :
    ناشفه نوعا ما بس مش بدب فى المطبات , مريحه, مساعدين غاز.
    الباور : معقول جدا مش خفيف قوي و لا تقيل مريح في السرعات العاليه,,
    دركسيون قابل للتعديل
    الأتوماتيك: زرار ال O/D بس مجربتوش
    الأننذار: طول مالباب مفتوح يدي فلاشر رخامه بقا,,
    و بيقفل اللوك مع أول دوسة فرامل

    النظام السمعي:
    CD و فيه usb مع الوصله الخاصه بيه بتيجي مع العربيه ,, صوته حلوه و نقي مع ال 4 سماعات

    الشنطه و التانك بيتفتحو من الداخل
    الشنطه واسعه بجد و غويطه

    العيوب من وجهة نظري الشخصيه:,,,,
    زرار النوافذ اللي فب الباب واحد بس بينور مع نور التابلوه و الباقي كله مطفي و لا حتى فلورسنت او فوسفوري ,,عم غبور شال اللمض تقريبا عنده في درج الكومودينو ,,,
    المرايات عادي مش كهربا
    الأنذار مش قد كده ,,عادي جدا,,
    المساحه الخلفيه ضيقه شويه يعني لو شص متوسط الطول رجله حتلمس ظهر الكرسي و ده جي من وسع الشنطه ,,
    الأنذار و الكسيت و المرايات للأسف بيتركبو هنا في مصر ,,و من هذا المنطلق لمسة العامل الصري واضحه جدا في الداخل
    التكييف مش عاجبني ,,,ملاحظه اني كنت راكب صني 2004 اتوماتيك
    الأتوماتيك :احيانا بحس بيه لما تنقل من غيار عالي لواطي بس الكلام ده مش متأكد منه لعده استواء الطريق و لمل بشيل رجلي بسرعه من دواسة البنزين,,بحس ان سرعتها مره واحده ثبتت ,, او اتاخدت كده,, :)
    لكن ارجع و أقول ان النقل سلس جدا

    بس في صوت غريب احيانا بسمعه من ناحية الموتور
    و انا راجع لورا انا مش عارف ايه نوع الصوت و لككن كان فيه حته بلاستيك بتحك في المروحه
    يعني صوت تكه ب و تيره سريعه
    و احيانا بسمعه و انا ماشي بسيط لو ماشي ف حته هاديه جمب رصيف
    طبعا في التوكيل لم يظهر
    هل بيتعمل ضبط تاكيهات؟

    التقييم العام :------> جيد جدا مع مرتبة الشرف تكاد تكون اقرب للياباني ( او النترا صغيره)
    طولت عليكم اعذروني
    أحب اشكر احمد انور و نايل ستورم و كل من ساهم في ابداء رأيو و خبرته لمساعدتي على الشراء,,
    و لو في اي حاجه انا ناسيها في التقييم فكروني
    شكراا,,

    بدرالدين شديد
    الكلمات الدلالية (Tags): 1600, 20, 2008, 2009, 50, nile, أتوماتيك, أسعار, استهلاك البنزين, اكسنت, البنزين, التو, التوكيل, الجديدة, الجي, الزيرو, السقف, العزل, اللي, النترا, الي, بنزين, تعديل, تغيير, تقييم, تكييف, توكيل, ثبات, خاص, رائع, زيرو, سول, شار, شامل, شراء, صالون, صوت, صوت الموتور, صور, عدة, عربيه, عرض, عفشه, عن, عيوب, غبور, غيار, فرامل, فرق, في, قابل, قطع, قطع الغيار, كرسي, كل, مرتب, مساعدين, مستعمل, مصر, مع, معرض, مميزات, من, موتور, نور, نيو, نيو اكسنت, نيوأكسنت, هل, هنا, هي, هيونداي, وكيل
  • #2
    بسم الله ماشاء الله ربنا يديك خيرها ويكفيك شرها
    بس عايزين صور ليها كدا
    عشان نباركلك كمان مرة
    [COLOR="Purple"][FONT="Comic Sans MS"][SIZE="4"]ERROR[/SIZE][/FONT][/COLOR]

    Comment

    • #3
      المشاركة الأصلية كتبت بواسطة Bubbles مشاهدة المشاركة
      أحب اشكر احمد انور و نايل ستورم و كل من ساهم في ابداء رأيو و خبرته لمساعدتي على الشراء,,
      لا شكر علي واجب بدر باشا
      الف مبروووووووووك
      و الله معرفش انك اتشتريت
      انا متابعك من ايام ماكنت بتفكر في الفيرنا و الجيتز الاتوماتيك
      ربنا يباركلك فيها

      بالنسبه للتكييف و عن خبره باختها القديمه الفيرنا
      في الاول كان التكييف عندي كده
      بس بعد 3 الاف كده فوجئت بان ادائه علي جدااااااااااااااااااااا
      بشغله علي واحد بس
      اتطمن هتتلج منه بعد شويه كده
      و ساعتها هتقول نايل ستورم قال ان شاء الله

      Comment

      • #4
        المشاركة الأصلية كتبت بواسطة Nile_Storm مشاهدة المشاركة
        لا شكر علي واجب بدر باشا
        الف مبروووووووووك
        و الله معرفش انك اتشتريت
        انا متابعك من ايام ماكنت بتفكر في الفيرنا و الجيتز الاتوماتيك
        ربنا يباركلك فيها

        بالنسبه للتكييف و عن خبره باختها القديمه الفيرنا
        في الاول كان التكييف عندي كده
        بس بعد 3 الاف كده فوجئت بان ادائه علي جدااااااااااااااااااااا
        بشغله علي واحد بس
        اتطمن هتتلج منه بعد شويه كده
        و ساعتها هتقول نايل ستورم قال ان شاء الله
        الله يبارك فيك ,,,
        انا اشتريت في اخر شهر 7 أجازتي السنويه ,,و يادوب عملت 2000 و سافرت تاني ,,
        اه فاكر كويس قوي ماشاء الله عليك ,,فعلا كنت محتار جدا و كل شويه الأسعار تعلى ,,
        نفسي اتلج بقى:)
        بالنسبه للصور هحاول انزل اي معرض و أصورها ,,اول ماتنزل الدفعه الجديده هنا في السعوديه
        منتشره جدا هنا بس 1.4 مافيش 1.6

        Comment

        • #5
          الف مبرووووك

          احسنت الاختيار

          ربنا يباركلك فيها و يملاهالك بركة

          Comment

          • #6
            مبروووووووك
            و ربنا يباركلك فيها
            و اختيار موفق
            [CENTER]الحرية[/CENTER]
            [CENTER]الحرية تنبع من الاختلاف[/CENTER]
            [CENTER]و عدم اعترافي بالاخر لا يعني بانه غير موجود[/CENTER]
            [CENTER]انا انت الاخر كلنا احياء في مكان واحد[/CENTER]
            [CENTER]الحرية[/CENTER]
            [CENTER]فلا يوجد الصواب المطلق ولا الخطأ المطلق[/CENTER]
            [CENTER]-------------------[/CENTER]
            [CENTER][EMAIL="only_ahmed101@hotmail.com"]only_ahmed101@live.com[/EMAIL][/CENTER]
            [CENTER]Just Add Me[/CENTER]
            [CENTER]:cool:[/CENTER]

            Comment

            • #7
              الف مبروووووووووووووووووك
              [CENTER]الحمد لله[/CENTER]
              [CENTER] [/CENTER]
              [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

              Comment

              • #8
                ممكن اعلاف استهلاك ال نيو اكسنت معك في البنزين وكمان وهيا ليس بتطلع من الارض هل بتكون تقيله وعايزه كبس جامد

                Comment

                • #9
                  الف مبروك

                  ربنا يبركلك فيها ويكفيك شرها
                  [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                  [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                  [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                  [/CENTER]
                  [/CENTER]
                  [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                  [CENTER] _______________[B]
                  [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                  [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                  [/CENTER]
                  [B][COLOR=Blue][B][SIZE=2]
                  اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                  _______[COLOR=Blue]_______________
                  [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                  Comment

                  • #10
                    ألف مبروك
                    أعطاك الله خيرها وكفاك شرها
                    التقييم ممتاز
                    وفعلاً النيو أكسنت مازالت غير منتشرة بعض الشيء
                    [I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
                    [/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]

                    Comment

                    • #11
                      الف مبروك ربنا يديك خيرها ويكفيك شرها

                      الموضوع مش ناقصة غير شوية صور للعربية
                      [CENTER][SIZE=6][B][COLOR=Sienna]سبحان الله وبحمده ... سبحان الله العظيم[/COLOR][/B][/SIZE]
                      [/CENTER]

                      Comment

                      • #12
                        ربنا يبارك لك فيها يا اخ بدر ..
                        و علي فكرة .. العربية الايام دي اخذة في الانتشار .. و بقوة

                        Comment

                        • #13
                          الله يبارك فيكم و يباركلنا جميعا في سياراتنا في الخير ,,
                          حسن باشا انت كده تمنتطني ان العربيه بدأت تنتشر اكثر ,, انا رديت على الرساله بس انت صندوق الوارد بتاعك مليان ,,
                          بالنسبه للصور ان شاء الله في أقرب وقت حتكون موجوده و حعمل عليها تقييم بسيط
                          شكراا,, كل سنه و انتو طيبين شدو الهمه في 10 اواخر.

                          Comment

                          • #14
                            عزيزي bubbles

                            الف مبروك.... كل الخير بيها ان شاء الله
                            ........ ممكن تقيم النيو اكسنت اتوماتيك بالمقارنة بالنيسان اتوماتيك بما انك تمتللك السياراتان .... ولية مفكرتش تجيب الصني المصري و انت في مصر ؟

                            Comment

                            • #15
                              الف مبروك وربنا يباركللك فيها
                              بالنسبة لصوت التيكهات دة عادى فى كل الهيونداى وبالذات والعربية باردة

                              Comment

                              السابق 1 2 template التالي
                              Working...
                              X