يا جماعة هل في حد ندمان علي شراء الالنترا ٢٠١٤

[svneleven]

الناس بتتكلم علي الانترا علي أساس أنها عطلانة في كل شارع و مش اعتمادية و مش عارف ايه و بيتكلمو علي الهوندا و التويوتا علي أساس أنهم ما فيش غلطة. عامة أي حد يروح أي قسم و يدخل علي أي عربية هيلاقي مشاكل بالهبل و منهم الهوندا و التويوتا. حتي ال بي ام و المرسيدس فيهم مشاكل شائعة و كل الناس عارفاها في كل موديل..

[mohamed2015]

السلام عليكم

يا جماعة لو سمحتم انا شايف إن مفيش حد معاة النترا رد الكل بيدي أراء ليس إلا

[menaraafat85]

السترا حكاية بس ضيقة و اكيد قطع الغيار هتبقي ولعة

ياباشا كل الجديد هتلاقى قطع غياره متقاربة وبعدين أنا شايف سيارة أفضل من كللللللللل الكلام ده
عندك بيجو 301 ومن ناحية قطع الغيار فى عضو راح وحجز وادوله لستة بأسعار قطع الغيار قريبة جدا من أسعار قطع غيار العربيات الكورى الجديدة فى رأيى حرام ادفع فى الالينترا مقابل البيجو والبيجو اقل فى السعر كمان طب ليييييييييه؟؟

[FOREX EAGLE]

انا معايا النترا 2013 فولي لودد وبصراحه مش ندمان ابدا اني اشتريها رغم سعرها المبالغ فيه ..لكن هي دي اسعار السوق المصري وكل يوم في زياده والناس تقول الاسعار هتنزل ..لكن للاسف بيصبرو نفسهم ومفيش حاجه اسمها اسعار بتنزل في مصر وملهاش علاقه بدولار او غيره هو جشع تجار ومفيش رقابه ...
بس انا رأيي لو مش مستعجل ع العربيه استني الفيس لفت لانها هتنزل قريب جدا ف مصر طالما نزلت ف دول الخليج ...بس اكيد غبور هيرفع سعرها ع الاقل 5000 جنيه لانه طماع ...
نرجع للعربيه ومشاكل وتقييمها
انا ذكرته في الموضوع والتقرير دا

http://www.nilemotors.net/Nile/380279-2013-fully-loaded.html

واي استفسار انا في الخدمه

[Ahmed Saad]

بص يا باشا الالنترا عربيه محترمه والا ماكنتش عملت مبيعات في السوق الامريكي وما ادراك ما السوق الامريكي يكفي ان مبيعاتها عدت التويوتا والهوندا بس انا عندي اعتراض عليها من ناحيه انك التنفيخ المبالغ فيه هو مخلي شكلها حلو بس عايزه تتساق في البلد لوحدك يعني لا توكتوك ولا مكروباص يحدف والكلام ده تاني حاجه عم غبور الله يجحمه منزل العربيه دي من غير وسائل امان خالص يعني ازاي الانترا 130 حصان مفيهاش abs يعني اجري وماقفش يا راجل دي النسخه الفولي لودد دي اول نسخه بتنزل في امريكا اول فئه يعني ثانيا العربيه دي في امريكا فيها esp ده غير تمنها المبالغ فيه من الزفت غبور اللي مبداه طالما بتبيع اعلي براحتي ده انا كنت بموت علي العربيه دي بس بسبب غبور كرهتها هي وكل الهيونداي اللي في مصر

[esam_ayad]

أنا زميلي معاه النترا أول فئه اوتوماتيك موديل2012 ومبسوط بيها جدا جدا بس هو أخر حاجه بيجري عليها سرعة 120 مش بيعديها

[memo823000]

انا شايف الفلوانس e3 هاي لاين ب 188000 افضل من اختيار
فرش جلد كامل وزينون اصلي وبخاخات فوانيس و6 ايرباج والفلوانس كله نازل بموتور نيسان قشقاي زوالتيدا الجديده والجوك لا رينو اشترت نيسان
او تركب الكيا اسبورتاج اول فئه ب 2009 بس قصه مختلفه عن السيدان

[baherhassan30]

انا شايف ان كل الاراء بتتكلم عن الالنترا كانهم 128 ونسيوا انها في الاول ولا الاخر النترا مش لكزس ولا بي ام دبليو
الالنترا بتتحسب من السيارات الصغيرة .. يعني مش محصلة المتوسطة
يعني اللي بيدور على وسائل الامان تبقى يدفع اكتر
انا معايا النترا ومبسوط بيها جدااا .. اللي بيقول كورولا .. روح اركب كورولا وادفع .. وشوف قطع الغيار عاملة ازاي ؟؟

عموما دي اراء وكل واحد حر

[M.ABDEEN]

معليش انا من كيا وبتدخل بس فعلا الواحد فوجئ ان كيا وهيواندي اسعارهم ضربت جامد وقربوا جدا من الياباني والالماني بس احنا في مصر اللي تغلبو العبو يعني هيواندي وكيا انتشروا يبقوا فلة وكان الباقي مثلا عربيات راما !!!! الفورد فوكس محديش مقدرها والسوبارو حكاية وتحفة والسترويين جامدة وجبارة بس العرف واتوكيلاتهم مضيعاهم خالص طيب ده ينفع وبعدين الغلاء في الكل حد يصدق عربية صيني 1300 ال ام جي تبقى ب 124 الف ؟ ليه يعني
الخلاصة فعلا شوراعنا وطرقنا خسارة فيها حتى الصيني ونخليينا نركب موصلات احسن علشان لما نقع في بلاعة او العربية من دول تتخدش او تتحك نقعد نعيط جنبها بدل الدموع ملوخية ......اسف لتدخللي في الموضوع بس انا برده متغاظ ومش عارف اركب ايه لما اغيير اللي معايا لكن برده انا بحترم هيواندي وكيا لتطورهم السريع والملحوظ بشكل غير عادي وبقى في طفرة عندهم

[waelawad]

الأنترا 2013 full عربيه محترمه وكويسه وفيها اوبشن كثير بس انا كنت رايح اشتريها وفضلت واقف امامها وامام الشرك 2013 الكامله ساعتين وفى الأخير اخد الشارك 2013 full opt.
والسبب السعر لاقت الألنترا وصلت 155 تقريبا والشارك كانت 158 وكان عليها كمان تخفيض الكلام دة فى اول 2013 ,انا اساسا من عشاق المتسوبيشى من زمان ومحتفظ لسه بالعربيه القديمه المكوة 2003 ومش ناوى ابيع :)
بس الشارك عربيه محترمه عنيفه عايز تعرفها كويس سافر بيها مسافه كبيرة وانت هتعرفها كويس

اتشرفت بيكم
ربنا يبارك فيكم .وفى سيارتكم ويحميكم من شر الطرق .