النترا .. مسألة مبدأ

[alizowail]

سؤال محير ناس كتير و أعتقد إن اجابته الوافية عندكوا..
أدفع 110 ألف وأجيب النترا 2011 هاي لاين خليجي فيها كل الحركات والكماليات بس الشكل القديم..
ولا اتقل 10 كمان على ال 110 دوول واجيب النترا 2012 اوتوماتيك أول فئة بس الشكل الجديد..
يا ريت تاخدوا في الإعتبار كل الفروق من حيث الشكل والمضمون والكماليات وقطع الغيار والثبات و سعر اعادة البيع وكل ما هو غير ذلك..
طبعا مستني ردودكم الوافية ويسعدني جدا كمان اللي حلاقي فيها حلول تانية أصلا.. فلوانس وفوكاس وسيراتو وغيرهم...

[Mamoud salah H]

هو انا شخصيا بفضل الشكل القدييم من حيث الشكل الخارجي
ولكن الشكل الجديد من جوة والطابلوه والعدادات والصالون شييك جدا جدا وافضل من القدييييم

بس انا لو مكانك في الاخر هجيب الشكل القدييم عشان اكوون معياي وسائل امان وجنوط وفتحة سقف وتكيف تتش .....الخ

اما بقي من خارج الاختياريين ددول ودة حسب دماغ وتفكيير الي بيشتري ف انا وش هجييب بي ام دابليو الفئة الخامسة موديل 2000:2001 او الفئة التالتة نفس المودييل

[mahmoud_afifi]

لو الHD اعلى فئه فيها abs هجيبها وش من غير تفكير

[AlGazar2]

شوف فلوانس او فوكاس او سوبارو انضف و احسن و اثبت

[sherif moneer]

اشمعنى النترا؟
هو من رأيي لو لازم النترا يبقى الشكل الموجود دلوقتي احسن بس طبعا ف حالة انك تقدر علي مصاريفه
وبالنسبالي بال110 الف هركب حاجه ألماني
اوبل فيكترا سي
فولكس جيتا
سكودا ايه 5
بي ام فئه خامسه موديل 2002
بي ام فئه تالته 2002

[svneleven]

الشكلين بتوع الانترا زي بعض في الأداء لكن طبعا الجديدة شكلها برقبة القديمة من جوه و بره و أنا مش شايف أي مبرر أنك تجيب القديمة غير القدرة المادية أو قطع الغيار اللي هي طبعا أرخص في القديم. علي فكرة أنا كان معايا الاتنين.

[Rsarabia]

اكيد هات الجديدة هى احسن فى كل حاجة

[msobhy]

وجهة نظر شخصيه
الجديده أحسن من القديمه فى الشكل الداخلى والخارجى - وقوة موتور تزيد 10% عن القديمه تقريبا
القديمه لو خليجى وفيها كل اللعب وشاشه تاتش وتكييف تاتش وفرامل ABS وجنوط ومرايات اشاره - واوتوستوب خلفى - وفتحة سقف (وأن كنت مش بحبها) ومداخل Ipod + Aux والعربيه تبقى فابريكه بره وجوه وحالتها فعلا كسر زيرو وطبعا مش هاننسى قطع الغيار المتوفره بهبل لأنها صوره طبق الاصل من سيراتو 2009 - 2012 - اعادة بيعاها الرائع اللى فعلا احسن بنسبه طفيفه من ال 2012 - توافر قطع الغيار الاستيراد بتاعتها جداااااااااااااااااااا - سهولة عمل اى حاجه فى سمكرتها (لا قدر الله) ----------- يبقى ابقى مجنون لو سيبت العربيه ديه وروحت ل 2012 (انا بتكلم على نفسى مش اسقاط على اى حد)

[khaabas]

السوبارو برقبه الاتنين وشوف برده الفلوانس لو كان الاستهلاك بتاعك خفيف

[alizowail]

والله يا جماعة أنا حاولت ألاقي حلول بعيد عن الكوري بس بلاقي في كل حاجة عيب وفي كل عربية مشكلة.. مابين الوكيل و توفر قطع الغيار وسعر اعادة البيع وأخيرا بقه وده الأهم استهلاك البنزين..
لإن أنا استهلاكي عالي نسبيا.. يعني الفلوانس مش حتستحمل فرك كتير..
والأمبريزة عالية اوي في استهلاك البنزين مقارنة بالكوري..
من هنا اخترت اسلم نفسي للكوري واقارن بين موديلين من نفس العربية..
وبالمناسبة يا باشا اللي بيرجح 2011 لو فيها كل التفاصيل الجميلة اللي تفضلت وذكرتها..
هو أنا بس مشفتهاش دي لحد دلوقتي.. بالكتير بلاقي نص الكلام ده في واحدة..

[mahmoud_afifi]

والله يا جماعة أنا حاولت ألاقي حلول بعيد عن الكوري بس بلاقي في كل حاجة عيب وفي كل عربية مشكلة.. مابين الوكيل و توفر قطع الغيار وسعر اعادة البيع وأخيرا بقه وده الأهم استهلاك البنزين..
لإن أنا استهلاكي عالي نسبيا.. يعني الفلوانس مش حتستحمل فرك كتير..
والأمبريزة عالية اوي في استهلاك البنزين مقارنة بالكوري..
من هنا اخترت اسلم نفسي للكوري واقارن بين موديلين من نفس العربية..
وبالمناسبة يا باشا اللي بيرجح 2011 لو فيها كل التفاصيل الجميلة اللي تفضلت وذكرتها..
هو أنا بس مشفتهاش دي لحد دلوقتي.. بالكتير بلاقي نص الكلام ده في واحدة..

انا ايقنت ان البلد دي ماينفعش معاها عربيه كويسه لأن قطع غيارها هتكون غاليه مهما كانت معمره.
ولو انت عاوز عربيه للمشاوير الطويله وفي نفس الوقت مصاريف تشغيلها قليله يبقى ال2011.
انا في 4 سنين عامل 130 الف كيلو. في صيانة ال120 الف دافع 1000 بس. لو كانت عربيه تانيه مش هتقل عن 2 ونص.
بس طبعا للأمانه العربيه بتهبط من ورا مع التحميل سواء ال2011 او ال2012

[toty_305]

-ال 2012 طبعا كفاية الموتور d-cvvt

[devil_storm]

2012 طبعا بس خد بالك الاتنين بيتسرقوا بسهوله

[alizowail]

أهو كله كوم ... وموضوع الإتنين بيتسرقوا ده كوم تاني.. يعني بغض النظر عن كل اللي اتقال..
موضوع السرقة المنتشر ده .. يعلي الضغط ويفقع المرارة ...

[yoyome]

والله يا جماعة أنا حاولت ألاقي حلول بعيد عن الكوري بس بلاقي في كل حاجة عيب وفي كل عربية مشكلة.. مابين الوكيل و توفر قطع الغيار وسعر اعادة البيع وأخيرا بقه وده الأهم استهلاك البنزين..
لإن أنا استهلاكي عالي نسبيا.. يعني الفلوانس مش حتستحمل فرك كتير..
والأمبريزة عالية اوي في استهلاك البنزين مقارنة بالكوري..
من هنا اخترت اسلم نفسي للكوري واقارن بين موديلين من نفس العربية..
وبالمناسبة يا باشا اللي بيرجح 2011 لو فيها كل التفاصيل الجميلة اللي تفضلت وذكرتها..
هو أنا بس مشفتهاش دي لحد دلوقتي.. بالكتير بلاقي نص الكلام ده في واحدة..

وجالك قلب تحط الأمبريزا جنب الحاجات دية كلها !!

الأمبريزا دية بشوفها بتصعب عليا وكأنها طفل شوارع ... عربية رهيبة مظلومة ظلم الحسن والحسين في البلد العجيبة دية !!