ضغط اطارت النترا جنط 17

[Rsarabia]

بعد حوالى 12 الف كيلو عذاب مع الكاوتش الكومهو ظابط الضغط على 32
عملته على 30 و بقت عربية تانية العربية مبقتش ناشفة فى الحتت المكسرة و بقت مريحة جدا و مطلعش الكاوتش وحش كدا

قريت هنا معلومة ان الارقام المكتوبة على القايم دى بتبقى اقصى ضغط يتحمله الكاوتش و بالتالى لو عملته على 30 مش هيكون غلط عليه ولا حاجة

هل المعلومة دى مظبوطة ولا لا ؟؟

شكرا مقدما

[FOREX EAGLE]

انا معايا جنط 16 ومشي بزوده غير 30 لو زاد اكتر من كده العربيه بتبقي نشفه ..افضل مقاس ف الطرق المصريه اعتقد 30

[Kareem.ElAraby]

لا حضرتك
اللي مكتوب علي القايم ده الضغط بتاع الكاوتش
اللي محفور( أو مكتوب) علي الكاوتش و مكتوب جانبه max psi ده أكبر ضغط تستحمله فرده الكاوتش و بتفرق من ماركه لماركه و من مقاس لمقاس

[speed_magnum]

انا بعمله عندي 27 كمان

[hossam_elwani]

بعمله عندى فى الكروز جنط 17 35 يعنى لا 32 ولا 39 زى ماهو مكتوب وكده اداؤه اقضل ويوفر فى البنزين على فكره

[Rsarabia]

طيب السؤال بمعنى علمى و أدق
بالنسبة للمقاس 215/45/r17
لو خليته على 30 اوكى ولا فى مشكلة ولازم 32 ؟؟

[Dr.M_baz]

أعتقد انك لو عملته اقل من المكتوب (32) بيكون عرضه لتكوين بلالين اكتر خصوصا لو الطريق مليان نقر كتير.
انا عندي جنط 16 وعملته لمدة اسبوع على 30 وكان مريح جدا بس رجعته تاني 32 لأن شوارع المنصوره زفت و الكاوتش بقت اسعاره نار.

[Rsarabia]

أعتقد انك لو عملته اقل من المكتوب (32) بيكون عرضه لتكوين بلالين اكتر خصوصا لو الطريق مليان نقر كتير.
انا عندي جنط 16 وعملته لمدة اسبوع على 30 وكان مريح جدا بس رجعته تاني 32 لأن شوارع المنصوره زفت و الكاوتش بقت اسعاره نار.

خلاص انا همشى بالراحة خالص فى النقر و ربنا يستر