البطاريه اتسرقه يا رداااااااااااله

[enghany]

المشهد الاول
نزلت من البيت صباحا متوجها الي مركز الخدمه الخاص بي ( و هو له اعلان بقسم هيونداي speed service )
تركت سيارتي و هي ماركه لادا 2105 امام فندق السلام و عبرت للجانب الاخر بعد غلق السياره لشراء قطع غيار
بالظبط لمده 10 ال 15 دقيقه و عدت مره اخري الي السياره
و عند اقترابي من السياره دار هذا الحوار بيني و بين نفسي :
انا: ايه اللي رافع كبوت العربيه كده
نفسي : انت سايبها كده في الشارع
انا : لا مش نعقول كويس انها ماتسرقتش
و حاولت غلق الكبوت لكن القفل مزرجن
انا : طيب مش مشكله لحد ماوصل المركز
وضعت المفتاع بالسياره و كانت قاطعه ميه ونور
انا :يادي النيله القطاش بتاع البطاريه فلت تاني من مكانه ؟
نفسي:حصل خير يالا انزل حطه علشان متاخرين
فتحت الكبوت و كانت المفاجاه
البطاريه متشاله و مكان القطاش باين قالب الطوب الاحمر اللي القطاش اتطفش بيه
التلفيات :
بطاريه جديده جافه ب 470 بدون القديمه طبعا لانه اتسرقت
كالون كامل و واير كبوت بالمصنعيه 100 جم
المشهد الثاني
نفس مكان العربيه علشان برضه بتنيل اشتري قطع غيار
لكن عايز قولكم اني كنت بكلم البياع و عيني علي العربيه
المهم جا تاكسي وقف جنب العربيه بالظبط
ونزل واحد بين التاكسي و العربيه و واقف بيتمطع في الشارع ؟؟؟؟؟؟؟؟
لقيته قعد بين العربيتان و ايديه طالعه لفوق بمفك علشان ينتش الكبوت
عدينا كلنا بالشوم و جريت علي العربيه ماسك قالب طوب لكن ابن ال--- خد باله و فلق بالتاكسي
احذروا جميعا يا ما العربيه تتركن في جراج او تبع سايس
المهم عرفت ان سعر البطاريه المسروقه 30 جم ؟؟؟؟؟؟؟؟؟؟
طاب كان قالي و انا اديهمله و مايسرقهاش
ياللللللللله قدر الله و ما شاء فعل :cr

[rotanamasoud]

طيب الانزار ميمنعش الموضوع ده
وعندى البطاريه مربوطه بمسامير فى الشاسيه وقصه عشان تطلع ممكن تعملها حاجه مشابهه

[hossamalsadik]

لاحول ولاقوة الا بالله
ربنا يعوض عليك ان شاء الله

[Elawany13]

من قبل ما اكمل قراءة الموضوع عرفت ان عربيتك يا اما لادا يا 128
لان الكبوت بتاعهم سهل اوى يتفتح
فيه كذا حل للموضوع ده
1- انك تعمل تقفيصه للبطاريه بس طبعاً الحرامى ممكن من غيظه يسرق حاجه تانيه
2- انك تعمل الانذار مع الكبوت بحيث لو اتفتح تلاقى السرينه اشتغلت
3- حل اخير انك تخلى الموبايل يتصل بيك لما باب العربيه يتفتح او الكبوت

واللى موصل الانذار على الكابوت يخلى باله وبتأكد ان الزرار شغال
أنا خليت الكهربائى يوصل الزرار ده كمان بنور الصالون زى الابواب
بحيث لما الكابوت يتفتح نور الصالون ينور وبالتالى اتأكد انه شغال كويس
غالبا الزرار ده بيعطل بسبب الامطار والمياه والصدأ والانذار مبيشتغلش
لازم تواظب صيف وشتاء على التأكد منه ورشه بجاز أو WD40
أو تزييته بزيت ماتور
وربنا يبعد عننا ولاد الحرام

[img3]http://img28.imageshack.us/img28/9819/5b5f.jpg[/img3]

[mahmoud_afifi]

حسبي الله ونعم الوكيل. حراميه بيسرقوا الكحل من العين
ربنا يعوض عليك يا هندسه

[ramyraby]

لاحول ولاقوة الا بالله

[elnakshabandy]

قدر الله وماشاء فعل

[friendship7897]

لا حول ولا قوة إلا بالله
عربية واحدة جارتي أتسرق منها البطارية 3 مرات متتالية من أمام باب البيت ، وهي عربية 127 ، وتقريباً كانت عربيتها مستهدفة من الحرامية لسهولة فتحها ، وأخيراً عملت صندوق حديد للبطارية ، والراجل الحداد كان فاهمها بمجرد ما قالت له إن البطارية بتتسرق ، فتقريباً أنه صندوق معروف لدى الحدادين .
وربنا يعوض عليك

[مهند-النجار]

كلو رزق للحدادين

العربيات اللي كبوتها بيفتح عادي مش زي ال 27 و 28 برضوا بتتسرق ولا الحكلية عشان الكبوت بيفتح بالمقلوب

[s7oda]

ياباشا ربنا يعوض عليك والحمد لله انها جت في حاجة صغيرة .......

[saddam]

صديقي المواطن
إنعدام الضمير والتربية وقلة المال وغلاء سعر البطارية أنا بطارياتي بتكلفني من 705 إلى 750 جنيه البطارية وفعلا بتاع ال 127 مشهورة بالسرقة وأي سمكري حتقول له البطارية سرقت حيفهم وتلاقيه محضرلك الصندوق الحديدي ولكن أيضا اﻹحتياطات واجبة لو البطارية محطوط المثبت بتاعها ومتقرط عليه وعشان يطلعها حيعوز يفك صامولتين طريقهم طويل حيسيبها ويبص لغيرها وجهاز اﻹنذار لو يتركب مع السارينة صوت مزعج حيمنع برضو الحرامي بس هو شافك لادا وقاللك بتوع العربيات ال لادا لا يؤمنوا لا بحداثة ولا تكنولوجيا ولا يمكن يركب جهاز إنذار ب 200 جنيه ثم أنا شايف السنين القادمة سيرتفع معدل سرقات السيارات ﻷن العقوبة السجن غير رادعة بتاتا أنا شفت ده في دول كتير لما سرقة السيارات تفضل تزيد وتوصل مرحلة إن كل حد نازل من عربيته منزل معاه سلك الموبينة حتى لو مشوار دقيقتين لغاية ما الحرامي بقه ماشي ومعاه سلوك موبينة لغاية ما أصدرت الحكومات القرار الشريف بأن سارق السيارة حكومته اﻹعدام وليس السجن وبكده الدنيا إتصلحت
وصاحب الموضوع ربنا يعوض عليك ولو كان جالك وقال لك إديلي 30 جنيه بدل ما أسرق بطاريتك يا إما حتضربه يا إما حتقول مجنون فلا تسق أمثلة غير واقعية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[rotanamasoud]

صديقي المواطن
إنعدام الضمير والتربية وقلة المال وغلاء سعر البطارية أنا بطارياتي بتكلفني من 705 إلى 750 جنيه البطارية وفعلا بتاع ال 127 مشهورة بالسرقة وأي سمكري حتقول له البطارية سرقت حيفهم وتلاقيه محضرلك الصندوق الحديدي ولكن أيضا اﻹحتياطات واجبة لو البطارية محطوط المثبت بتاعها ومتقرط عليه وعشان يطلعها حيعوز يفك صامولتين طريقهم طويل حيسيبها ويبص لغيرها وجهاز اﻹنذار لو يتركب مع السارينة صوت مزعج حيمنع برضو الحرامي بس هو شافك لادا وقاللك بتوع العربيات ال لادا لا يؤمنوا لا بحداثة ولا تكنولوجيا ولا يمكن يركب جهاز إنذار ب 200 جنيه ثم أنا شايف السنين القادمة سيرتفع معدل سرقات السيارات ﻷن العقوبة السجن غير رادعة بتاتا أنا شفت ده في دول كتير لما سرقة السيارات تفضل تزيد وتوصل مرحلة إن كل حد نازل من عربيته منزل معاه سلك الموبينة حتى لو مشوار دقيقتين لغاية ما الحرامي بقه ماشي ومعاه سلوك موبينة لغاية ما أصدرت الحكومات القرار الشريف بأن سارق السيارة حكومته اﻹعدام وليس السجن وبكده الدنيا إتصلحت
وصاحب الموضوع ربنا يعوض عليك ولو كان جالك وقال لك إديلي 30 جنيه بدل ما أسرق بطاريتك يا إما حتضربه يا إما حتقول مجنون فلا تسق أمثلة غير واقعية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

طيب ايه رايك بقطع الايد يا استاذ صدام رادع فاجر(الحكم الاسلامى)

[besokate]

بس كدة الواحدة مش عارف يجيبها منين ولا منين ولا منين
اعطال العربيات بقت كتير والصنايعيه مقرفين اخر قرف
ولا السمكرة والبويه ولا الرخص والمخالفاتولا اكسسوارات للعربيه
كمان هنعول هم السرقه

[khaabas]

طيب ايه رايك بقطع الايد يا استاذ صدام رادع فاجر(الحكم الاسلامى)

كلمة رادع ومفهومه اما كلمة فاجر فليست فى محلها لا شكلا ولا موضوعا

حد السرقة هى قطع اليد فى الشريعة الاسلامية وليست فى الحكم الاسلامى ؟؟؟
والحدود معطلة حالياً لعدم توافر شرائطها ومتطلباتها
ولا يصح وصف اى حكم تشريعى بالفجر
واخيرا انا عارف انك متقصدش معنى الكلمة بمعناها اللغوى :) بس لزم التوضيح

تحياتى اليك :)

[drcobra]

كل واحد يخلى بالة من لغليغوا
وربنا يسترها علينا جميعا