العربية مابتدورش و هى سخنة بعد مشوار

[mbaddar2]

السلام عليكم
عربيتى فيرنا 1500 مانيوال 2006 200000 كم
بعد سفريتين 3 رايح جاى من القاهرة بالليل -اول ماوصل لو بطلت العربية لفترة دقتين كده و اجى ادورها تانى تعتل , سالت قالولى عيب مارش (جلب, شربون , بوبينة,مخدات) المهم فكيت المارش لقيته ضايع , و الكهربائى قاللى جنجيب استعمال و نكربه , مع العلم انى لسة مغير بوجيهات و سلوكها و بطارية , فالعيب منه اكيد , بس عندى مجموعة اسئلة
1-ليه العيب ابتدى يظعر و العربية سخنة , عالبارد كانت بتدور على طول , سمعت برضه من منتدى ان ممكن تكون الرشاشات بتسيل فتاخر الدوارة فده يحمل عالمارش و يحرقه

2-حد يعرف المارش الاستعمال ايه احسن نوع و تمنه كام
شكرا مقدما

[enghany]

السلام عليكم
عربيتى فيرنا 1500 مانيوال 2006 200000 كم
بعد سفريتين 3 رايح جاى من القاهرة بالليل -اول ماوصل لو بطلت العربية لفترة دقتين كده و اجى ادورها تانى تعتل , سالت قالولى عيب مارش (جلب, شربون , بوبينة,مخدات) المهم فكيت المارش لقيته ضايع , و الكهربائى قاللى جنجيب استعمال و نكربه , مع العلم انى لسة مغير بوجيهات و سلوكها و بطارية , فالعيب منه اكيد , بس عندى مجموعة اسئلة
1-ليه العيب ابتدى يظعر و العربية سخنة , عالبارد كانت بتدور على طول , سمعت برضه من منتدى ان ممكن تكون الرشاشات بتسيل فتاخر الدوارة فده يحمل عالمارش و يحرقه

2-حد يعرف المارش الاستعمال ايه احسن نوع و تمنه كام
شكرا مقدما

الاخ الكريم هو بالفعل حاجه من اتنين مالهمش تالت يا اما المارش او البطاريه
انصحك بمارش استيراد بلاش اصلاح لانه ببساطه قطع الغيار صيني و قرف و تمنه حوالي من 250 الي 300 بالكتيرر قوي
بالنسبه لعيب دا عيب مشهور جدا للمارش انه لما يسخن يقطع اللي هو ترس البندكس بتاع المارس
بالنسبه للنقطه التانيه اساها
غير المارش بس

[mbaddar2]

الف شكر يا استاذ enghany طمنتنى :)

هو بس متابعة للسؤال , العربية بقالها كام فترة فيها شوية لخبطة كده بتطلعلى فى الكهربة , زى ماتكون قفلة بتبوظ حاجة حاجة يعنى , مثال للحاجات اللى باظت فى الكعربا

1-سلوك البوجيهات
2-فيشة لمبة امامية
3-فيشة كويل
4-المارش (لانه فكه لقيت البوبينة متحمصة)
5-لمية الباب معلقة (بعد يومين المطر الشداد دول , و انا من اسكندرية و عربيتى عند ميامى فرب البحر فاستحمت مياة )
و لما كنت عند الكهربائى كشف بجهاز على العربية قاللى ده بيدى ان عندك "حساس صاعد" بس العيب ده مارش

و برضه قاللى العربية مهربة كهربا و الارضى مسرى جامد

و كمان بعد مشوار طويل قوى 400 كم مثلا اسم من الموتور ريحة زى فبر محروق , اللى لو قدر الله لو حصل قفلة كهرباء فى الشقة بنشمها

فمن كل الشواهد ده احساسى انا فى قفلة او حاجة فى الكهرباء بتعمل كده و تبوظ حاجة حاجة فى العربية

هل استنتاجى صح , و لو كده اى اللى اعمله (بعد تغيير المارش طبعا)

و الف شكر مقدما

[hamisa08]

هو ترس البندكس عايز يتغير وثمنة حوالى 35 جنيه حاجة زى كدة

هو حضرتك وصلت البطارية بالغلط موجب مكان سالب ؟؟

[mbaddar2]

للافادة انا الحمد لله غيرت المارش بواحد استعمال عالتجربة و بقاله معايا 4 ايام و الحمد لله
سعر المارش 250 و المصنعية 50 + انه تمم على باقى كهرباء السيارة و كان فيه تسرية ارضى اتصلحت

و للاسف كان لازم يتغير لان برضه البوبينة و المخدات و الجلب كانوا فى حالة سيئة
و الف شكر لكل حد ساعد فى الرد :)