خشونه الفيرنا

[fahd101]

مساء الخير عليكم جميعا

اولا انا عربيتى فيرنا 2008 كاملة مانيوال عامله 45 الف كيلو
المشكلة اللى بتواجهنى ان العربيه بحسها خشنه يعنى حاسس بالموتور وهو داير فى الحركة يعنى وانا ماشى على الاول او الثانى او الثالت بحس بالموتور يعنى العربيه مش ناعمه وبحس بالصوت برضة فى دواسه البنزين يعنى بحسها بتزن تحت رجلى والعربية كلها بتزن من الخشونة يعنى اكنى راكب عربيه بيجو 405 او داتشيا
والمشكلة ان الناس شايفه ان ده عادى بس بالنسبة لى مش عادى الموضوع ده مضايقنى جدا

[khaabas]

الهيونداى عالفكرة عموما والفيرنا خصوصا مواتيره خشنه وصوتها عالى لسوء العزل وسوء التقفيل

[fahd101]

بس فى الاول لما كانت جديدة كانت انعم من كده بكثييييييييييير يعنى البدال ماكنش بيظن زلا بحس بالموتور خالص حتى لما كنت اقرص عليه كانت تعمل زى صوت v بس مكتوم لكن دلوقتى شخلله وزفة

[khaabas]

بس فى الاول لما كانت جديدة كانت انعم من كده بكثييييييييييير يعنى البدال ماكنش بيظن زلا بحس بالموتور خالص حتى لما كنت اقرص عليه كانت تعمل زى صوت v بس مكتوم لكن دلوقتى شخلله وزفة

خلى بالك برده العربية بقالها ست سنين شغل يعنى متقرنهاش لما كانت زيرو
حافظ على صيانتها
واوعى تكون بتحط زيت معدنى حط زيت تخليقى

[islamnasser10]

عندي نفس مشكلتك في اللانوس وازيد تحس انك راكب اوتوبيس نقل عام
الميكانيكي قالي قواعد الموتور ال 3 مقطعين وعايزين يتغيروا
بص عليهم ولو فيهم اي قطع او اي حاجة غيرهم وان شاء الله تحس بفرق لان دول اللي بيمتصوا اهتزازات الموتور اللي واصلة ليك دي

[fahd101]

شكرا لرد حضراتكم اولا
قواعد الموتور الاربعه سلام ومفيهمش حاجة والميكانيكى اتاكد منهم
ثانيا لسه مغير اسطوانه دبراياج طقم كامل ومربط العفشة يعنى المفروض كلة تمام

ثانيا بقى ايه الفرق بين الزيت التخليقى والمعدنى

[islamnasser10]

الزيت التخليقي افضل للعربيات اللي مواتيرها عاملة اقل من 100 الف كم بيحافظ عليها وبيبقي الاداء افضل والتخليقي بيقعد كتير 10000 و 20000 وبيبقي متصنع ومتضافله مواد تحسن خواصه
وفيه المعدني ده يفضل للمواتير اللي عامله كيلوات كتير وده بتغيره كل 2000 او 3000 او 5000 حسب النوع اللي مشتريه والزيت المعدني بيبقي مستخرج من البترول
وفيه بينهم نصف تخليقي

[ibrahimsaad]

كل الفيرنا كده للاسف

[fahd101]

شكرا استاذ اسلام على المعلومة
بس المشكلة هنا ان الموضوع ده منتشر فى الفيرنا عموما
يعنى انا كده هفضل عايش مع وجع الدماغ ده مش هرتاح منه :( :( لا حرام لازم يكون فيه حل

[J A G U A R]

الفيرنا كده صوتها تخين وعالى

[Eng.Mina]

انا 2007 ولسه مقفل 100000 كيلو العربية صوتها كده للأسف ممكن برده حضرتك تشيك علي علب الشكمان ممكن يكون في حاجة مش مظبوطة

[fahd101]

لسه مغير علبة الشكمان الخلفى بالمعدلة وبرضه الصوت موجود بس المشكلة ان الصوت مش عالى وبس ده عالى والعربيه خشنه جدا يعنى حاسس بحركة الموتور فى صاج العربيه ودواسه البنزين

[islamnasser10]

شوف اي حد تعرفه معاه فيرنا وسوقها لو لقيتها زي بتاعتك تبقي هي كدة
لو مختلفة عن عربيتك يبقي روح لصنايعية بقي وربنا يصبرك لحد ماتعرف العيب فين
ولو متعرفش حد معاه فيرنا اركبها تاكسي مشوار قصير وشوف احساسك ايه

[M_SALLAM]

الهيونداى عالفكرة عموما والفيرنا خصوصا مواتيره خشنه وصوتها عالى لسوء العزل وسوء التقفيل

معايا i10 و صوت موتورها هادىء
الفيرنا تركبها تحس انك قاعد فى عربية نص نقل و انت بتحرق على الغيار من سوء العزل بس بصراحة موتورها شيد و يعلم على اتخن تخين

[fahd101]

ياباشا انا بقالى اكثر من شهر راكن العربية وفلوسى رايحة على التاكسيات الفيرنا
والمصيبة ان كلهم صوتهم ناعم ومفيش اى خشونة يعنى ممكن 2 او 3 من ضمن 10 او 12 تاكسى دخلوا الاختبار وللاسف الكل نحج الا عربيييييييييييييتى ووالله يا جدعان كانت كويسة جدا بس ربنا يسامحهم بقى اللى بيشتغلوا فى التامين من ساعة ما استلموا العربيه بعد حادثة ورجعوها بعد اسبوعين شوربة بمعنى الكلمه والعربيه مش مريحانى خالص