استفسار عن الألنترا

[smartman]

يا جماعة لو سمحتوا كلنا عارفين ان الألنترا المانيوال فيها عيب غلس شوية من جوا وهو ان مفيش نور و جراب نظارة فوق المراية - مش عارف ليه الغلاسة دى - بس سؤالى هل ده ممكن يتركب فى التوكيل مثلا؟ و سعره كام؟
كمان عاوز اعرف المقابض النيكل بتتباع فين و بكام؟
و كمان نازلة من غير فوانيس الشبورة - ياترى تمنها كام بالتركيب فى التوكيل؟
شكرا

[bakry89]

توضيح وسؤال

أولا كل سنه وإنت طيب
ثانيا بالنسبه لنواكل المقابض فكنت سائل عليها للانوس كانت في حدود 30 جنيه لللأربع أبواب وعلى الأرجح مش هتلاقي منهم غير صيني

وبالنسبه للفوج لايتس فأنا كنت موصي واحد صاحبي معاه إلنترا 2007 أوتوماتيك يسألي في التوكيل وهو بيعمل صيانة ال10000 عليهم بكام وقالي تقريبا في حدود 500

أما بالنسبه لجراب النضاره اللي فوق مراية السقف فأنا على حسب علمي معتقدش إنه ممكن يركب لأن ده هيحتاج حفر في الفبر بتاع السقف وتوصيل كهرباء للنور بتاعه وكمان لأن تقريبا الجراب ده مش بيتباع كقطع غيار



وبعد إذن حضرتك ليا سؤال

أنا معايا لانوس 2006 كامله وببيعها دلوقتي ومحتار أجيب إلنترا 2008 ولا صني 2008 (زيرو بس الشكل القديم)

لأن إبن خالتي معاه إلنترا 2007 وقبلها فيرنا وبيشكر فيهم أوي ومعجب أوي بشركة هيونداي وبيقولى أجيبها لأنها رهوان في الجري وسحبها عالي وواسعه وشكلها أحلى من الصني
السعر: 102.000

وخالي معاه صني 1985 وشغاله معاه زي الحلاوه وبيقولى مفيش بعد الياباني
في المتانه والعمر الطويل والتحكم على السرعات العاليه ناهيك عن السعر الرخيص
السعر: 88.000

فبصراحه أنا محتار وأرجو من أي عضو الإفاده في ذلك الموضوع للأهميه القصوى ......

[ahmedfd]

أولا كل سنه وإنت طيب
ثانيا بالنسبه لنواكل المقابض فكنت سائل عليها للانوس كانت في حدود 30 جنيه لللأربع أبواب وعلى الأرجح مش هتلاقي منهم غير صيني

وبالنسبه للفوج لايتس فأنا كنت موصي واحد صاحبي معاه إلنترا 2007 أوتوماتيك يسألي في التوكيل وهو بيعمل صيانة ال10000 عليهم بكام وقالي تقريبا في حدود 500

أما بالنسبه لجراب النضاره اللي فوق مراية السقف فأنا على حسب علمي معتقدش إنه ممكن يركب لأن ده هيحتاج حفر في الفبر بتاع السقف وتوصيل كهرباء للنور بتاعه وكمان لأن تقريبا الجراب ده مش بيتباع كقطع غيار



وبعد إذن حضرتك ليا سؤال

أنا معايا لانوس 2006 كامله وببيعها دلوقتي ومحتار أجيب إلنترا 2008 ولا صني 2008 (زيرو بس الشكل القديم)

لأن إبن خالتي معاه إلنترا 2007 وقبلها فيرنا وبيشكر فيهم أوي ومعجب أوي بشركة هيونداي وبيقولى أجيبها لأنها رهوان في الجري وسحبها عالي وواسعه وشكلها أحلى من الصني
السعر: 102.000

وخالي معاه صني 1985 وشغاله معاه زي الحلاوه وبيقولى مفيش بعد الياباني
في المتانه والعمر الطويل والتحكم على السرعات العاليه ناهيك عن السعر الرخيص
السعر: 88.000

فبصراحه أنا محتار وأرجو من أي عضو الإفاده في ذلك الموضوع للأهميه القصوى ......

بالنسبة للفوج لايتس أنا سألت في غبور و أنا بعمل الصيانة قالولي الفانوس الواحد بـ 460 يعني الإثنين 920
بالإضافة لـ 450 كمان علشان تغيير دراع النور اللي جوه إنه بيكون فيه تكة للفوج لايتس فالأصلي لازم يتغير... طبعاً غنتى ممكن تستغني عن حكاية الدراع دي و تعمل زرار منفصل أوفر بس التاني طبعاً أشيك.
بالنسبة للصني و الإلنترا الإتنين ممتازين و الإختيار يرجعلك ..
في رأيي ميزة الإلنترا إنها تصميم و شكل أحدث و عاملة شغل كويس جداً في أمريكا و واخدة جوايز و ممكن تعمل بحث على النت و رغم اللي بيتقال عن غبور فأعتقد إنه بيعمل support كويس للعربيات بتاعته من ناحية مراكز الخدمة الكتير و قطع الغيار...
و ميزة الصني إن سعرها أحسن بكتير و توكيلها الناس بتشكر فيه و أنا مفترض إن قطع غيارها ممكن تكون أرخص من الإلنترا بحكم إن الصني بقالها كتير في السوق و حتى من الشكل اللي قبل الشكل الحال و هي أكيد سيارة عملية جداً من ناحية الأداء و التحمل.

[bakry89]

شكرا لإهتمامك

أشكر سيادتك على الإهتمام

بس أنا مش عارف إزاى صاحبي قالي السعر ده لأن كده فيه فرق كبير جدا بين كلامك و كلامه

بس مع إحترامي لرأي حضرتك أنا شايف السعر مبالغ فيه حبتين لأن فيه واحد صاحبي معاه كورولا 2005 وراح ركب لهم فوج لايتس ب 750 جنيه فقط
بس مغيرش دراع النور لكن ركب زرار في التابلوه بس

بس لو كلام حضرتك مظبوط يبقى الإلنترا مش هتنفع خالص لأن كده قطع غيارها نار
وأنا إن شاء الله سواء جبتها هى أو الصني فلازم أركب لهم فوج لايتس أصلها بتريح الواحد وهو سايق بينورهم وينساهم
ده غير إن الواحد هيوفر 14000 جنيه ودول مش شويه
بالإضافه لفرق بلد المنشأ والتقفيل والعمر الطويل .....

وشكرا مره أخرى لحضرتك

[ahmedfd]

أشكر سيادتك على الإهتمام

بس أنا مش عارف إزاى صاحبي قالي السعر ده لأن كده فيه فرق كبير جدا بين كلامك و كلامه

بس مع إحترامي لرأي حضرتك أنا شايف السعر مبالغ فيه حبتين لأن فيه واحد صاحبي معاه كورولا 2005 وراح ركب لهم فوج لايتس ب 750 جنيه فقط
بس مغيرش دراع النور لكن ركب زرار في التابلوه بس

بس لو كلام حضرتك مظبوط يبقى الإلنترا مش هتنفع خالص لأن كده قطع غيارها نار
وأنا إن شاء الله سواء جبتها هى أو الصني فلازم أركب لهم فوج لايتس أصلها بتريح الواحد وهو سايق بينورهم وينساهم
ده غير إن الواحد هيوفر 14000 جنيه ودول مش شويه
بالإضافه لفرق بلد المنشأ والتقفيل والعمر الطويل .....

وشكرا مره أخرى لحضرتك

لا شكر على الواجب و برضه علشان تستريح إتصل بغبور علشان تكون متأكد و ربنا يوفقك لأي عربية فيهم و تكون مصدر خير و سعادة ليك.

[Ramy_Ali]

اليبانى يابانى
والكورى كورى

[bakry89]

شكرا

حضرتك معاك حق ربنا يقدم اللي فيه الخير

ومره أخرى أشكر من إهتم بالرد على إستفساري

كل عام وأنتم بخير

[smartman]

حد يعرف يا جماعة الآلنترا 2009 ح تنزل امتى؟؟؟ و ح يبقى فيها تغيير ولا لأ؟؟؟

[smartman]

حد يعرف يا جماعة الآلنترا 2009 ح تنزل امتى؟؟؟ و ح يبقى فيها تغيير ولا لأ؟؟؟

انا لسه سأل فى التوكيل دلوقتى و قالو لى ان الآلنترا 2009 ح تنزل فى اول 15 يوم من شهر اكتوبر 2008 و مفيش تغيير فى الشكل ولا فى اى حاجة بس على فكرة انا سألت قبل اسبوع فى نفس الرقم (16661) و رد عليا مندوبهم و قالى انه ح يبقى فى تغييرصغير فى الموتور علشان توفر فى البنزين ..مش عارف اصدق مين...والله و اعلم

[sixsixsixsix]

على فكره انا معايا 2009 خليجي شكل الموتور عامل زي شكل موتور الاي 30
ونفس الشكل متغيرش بس العربيه الخليجي يعيبها انها ناشفه شويه على المطبات
بس الحمد لله العربيه عاليه عن الارض

[sixsixsixsix]

على فكره انا معايا 2009 خليجي شكل الموتور عامل زي شكل موتور الاي 30
ونفس الشكل متغيرش بس العربيه الخليجي يعيبها انها ناشفه شويه على المطبات
بس الحمد لله العربيه عاليه عن الارض

[alivara]

اليبانى يابانى
والكورى كورى

لا تعليق و ربنا يهدى الجميع

[smartman]

يا جماعة لو سمحتوا كلنا عارفين ان الألنترا المانيوال فيها عيب غلس شوية من جوا وهو ان مفيش نور و جراب نظارة فوق المراية - مش عارف ليه الغلاسة دى - بس سؤالى هل ده ممكن يتركب فى التوكيل مثلا؟ و سعره كام؟
كمان عاوز اعرف المقابض النيكل بتتباع فين و بكام؟
و كمان نازلة من غير فوانيس الشبورة - ياترى تمنها كام بالتركيب فى التوكيل؟