كل ما اقول بلاش هيونداى الالنترا تغرينى

[elshreef_hemo]

كل ما اقارن بين الصنى واللانسر والالنترا عقلى يقولى هات اليابانى ، عربية معمرة وسعرها ارخص كمان ، بس كل ما اشوف الالنترا وانا ماشى فى الشارع اقول حرام انى اجيب عربية غيرها ، بجد العربية دى جميلة جدا بس يا ترى ايه مصيرها مع مرور السنين ؟ ولما اجى ابيعها هخسر فيها قد ايه؟؟ دول النقطتين اللى بيقولولى بلاش الانترا

[Ramytoyota]

عايز رائى بصراحه و احد صحبى معاه الانسر الشارك الجديده المهم ركب الالنترا 2008 من كام يوم نزل يحلف بيها و بقوتها فىى الاوتور و كمان اخوه جربها و قرر انه يشتريها بعد مكان عايز يجب لانسر بومه

[Nile_Storm]

فعلا
انا ركبت الاتنين
و حسيت ان الالنترا افضل

[Ahmed Samy]

انت خايف منها ليه ؟؟

العربية كويسة بشهادة الجميع و سعرها مناسب

[demos]

هى مع واحد صاحبى وبركبها دايما وبسوقها .. والحقيقة العربية جميلة وهو نفسه مبسوط منها

بس العيب القاتل فيها ، انها مش بتسيب مطب فيكى يامصر من غير ما تحك فيه

والعلم احنا بنكون 2 أو 3 فى العربية .. فما بالك بقى لو فيه 4 ولا 5

[elshreef_hemo]

طيب يا ريت اللى ركبوها او جربوها يقولولى ايه كمان من عيوب الالنترا غير انها بتحك فى المطبات؟؟؟
ويا ترى ايه اخبار العفشة هل ناعمة والا مريحة ومش بتحسس اللى قاعدين بالمطبات ؟؟؟ علشان النقطة دى تهمنى جدااا ، انا كان معايا بيجو 505 وكانت عفشتها ممتازة وناعمة ومريحة عالاخر يا ترى ممكن الالنترا تكون كدة ؟؟؟

[mogabr]

السلام عليكم

انا معى النترا 2008 و بصراحة العفشة فوق الممتازة و العربية نفسها فخمة جدا

انا كنت محتار زيك بين الالنترا و البومة و لكن من الاخر الالنترا تكسب بدون اى مقارنة...

[hazem_khidr]

طالما مقتنع بيها اشتريها
و هيا عربيه كويسه فعلا
مشكلتها التوكيل مش قد كده
لو تقدر تتحمل غلاسه التوكيل هاتها
بس ما تركبش عربيه مش مقتنع بيها

[goodman]

أنا كان معايا لانسر خليجي كويتي كاملة 2007 وبعدها صني سوبر صالون كاملة 2008

ودلوقتي معايا إلنترا خليجي سعودي كاملة 2008 ..... ورأيي إنها في العموم أفضل من اللانسر وأفضل من الصني .... أما عن العمر الافتراضي .... فالأعمار بيد الله سبحانه وتعالى .... وياعالم مين يدوب مين! توكل على الله .....
مع خالص تحياتي

[dr.amr]

الالنترا جامده جدا و موتور رهيب
والعفشه ماتحسش فيها بأي مطب
انا عامل بيها 17000 كم

[limo]

توكل على الله
هيه شكلها جميل جدا كعربيه ممتازه اوى متورها هادى وسحبه ناعم وكويس والباور كهرباء
النترا او الانسر كل واحده ليها مميزاتها وعيوبها يعنى فى النهايه الموضوع بيتعوض
-يعنى الانترا هتاخد عربيه شكلها الداخلى او الخارجى عصرى وفى نفس الوقت المتور تكنولوجيا اعلى والباور كهرباء
-الانسر هتركب عربيه يابانى فى مقابل ان شكلها قديم شويه وتكنولوجيا اقدم شويه وهتاخذ شويه وسائل امان فوق البيعه زى الاير باج والabs +عربيه glx مش glوده هتفرق فى شويه كماليات بسيطه

وطلما انت مرتاح للنترا اكتر يبقى توكل على الله
ولو على التوكيل الاغلبيه العظمى من توكيلات مصر متخيروش عن بعض :)

[momenhamdy]

طبعاً العربية الالنترا عربية ممتازة جداً
بس زي ما قال الاخوة الافاضل في الموضوع المطروح ان العربية ما فيهاش Abs و لا Airbag
و بالنسبة انها بتحك في المطبات ممكن علشان العربية خليجي ( لان دائما الخليجي بيبقي اوطي من المواصفات المصرية ) اعتقد ذلك و الله اعلم
بس هي عربية 10/10
و ربنا يوفقك الي الخير ......

[smartman]

ياريت لو سمحتوا توضحوا لى يعنى ايه الباور كهرباء ؟ انا حاسس من الكلام كده انه افضل من العادى و انا كنت سامع كلام ان اللى نازلة فى 2009 ح تبقى عادية مش كهرباء هل ده صحيح؟

[amino]

الباور الكهرباء يعنى دائرة الباور على فيوز وعيبة انه بيضرب و يعطل الباور لكن زى ما انت قلت الموديلات الجديده عالجوه فبها المشكلة دى

[Salah_sr]

أنا عندي أتنين ألنترا و أول مرة أسمع عن مشكلة الباور و كل العربيات الجديدة الباور كهرباء مثل الكورولا الجديدة أو الشارك و عموما الألنترا عربية ممتازة بالنسبة للفئه بتعتها و مش حتندم إن شاء الله