مهزلة غبور واللنترا الجديد

[Hussein_Ramdan]

الصراحة انا مش عارف اجمع الكلام الى انا بتكتبو
يمكن الناس القديمة هنا فى المنتدى تفتكر ان انا تقريبا كنت اول واحد او تانى واحد اجيب اللنترا الجديدة فى المنتدى
نخش فى الموضوع اول ما نزلت اللنترا كانت حلوة وجميلة وبنت ناس
انا كنت شارى فئة جى ال اس
ب 138500
فيها حسسات نور وحسسات مطر وحسسات خلفية _ وشاشة ديجيتال فى التكيف_ وفتيس جلد وطارة جلد _ وكسيت عربض فى بلتوث _ وطبعا فتحت سقف _ وجنط
والصراحة كانت حاجة فخيمة
المهم بئا انا بتعتها واشتريت رنجلر
دلوقتى بدور على عربية تانى اللنترا عشان اشتريها
المفاجئة
ان الفائة الى اانا بتكلم عليها دى بتتباع ب 170 الف وهى وهى مفيش فرق
نفس اعرف ازاى عربية تغلى اكتر من 30 الف فى سنة واحدة
على اى اساس اية المنظومة الى بتحكم القصة
الكارثة اية بئا ياسادة قلت امرى لله اشترى حاجة مستعملة 2012
هههههههههههههههههههههههه
القى الناس بتبيع العربية دى موديل 2012 ب 140 وكدة هو عامل واجب
يعنى يبئا ركبها سنيتن ويبعها ويكسب فيها
لييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ة
فى اية ياجدعان
انا بعيد عن القسم بقالى فترة وكتبت الموضوع عشان اعرف اية الى حصل ممكن يخلى الموضوع يوصل للدرجة دى

[Mostafa.Mahran]

طول ما الناس بتشترى بالاسعار دى يبقى حق الوكيل يعمل اى حاجة

[samihanwar]

مفيش فايده بردووووووووووو

[beshoyyy]

الاكسنت اول مانزلت الاتوماتك كانت 100000 دلوقتي 125000
اول فئة و لسة

[MMamdouh]

المشكلة مش فى العربيات ولا التوكيلات... القوة الشرائية للجنية هى اللى بتنخفض

MMamdouh

[ah-elgendy]

الجنيه المصرى رايح فى داهيه وواخدنا معاه لما الدولار يوصل 7 جنيه لازم تغلى كل حاجه

[ashourashour]

عزيزي

المصريين معاهم شكاير فلوس

اشوله اشوله

انا بتكلم بجد والله مش بهزر


دا التفسير العلمي الحقيقي

[Hussein_Ramdan]

بس كل الكلام دة ميمنعش ان التوكيل حرامى والعيب فينا قبل التوكيل
انا مش بتكلم وخلاص انا عن نفسى هموت على اللنترا بس لما لقيت العملية مستعبطة كدة
والناس ماشية فى الحوجة
انا قررت اصرف نظر عنها خالص

[Hussein_Ramdan]

عيب لما اكلم التوكيل النهاردة بقولو عايز اعرف سعر الفئة بكام الى فيها فتحت سقف وجنط
يقولى لاء هو كدة يا كدة ( كان ناقص يقولى انت طماع عايز جنط وفتحت سقف )
يقولى الفئة ب 153 الف من غير ا اس بى
واير باج واحدة انا مش عارف لية جاين على نفسهم كدة

[zangry]

هات كروز زيرو بـ148 وسيبك منها

[big_bogh]

هات كروز زيرو بـ148 وسيبك منها

اوعي تجيب حاجة من منصور ده اكتر واحد بيدي الناس علي قفاها ربنا يحفظنا من التاييف

[devil_storm]

حضرتك عارف ان النترا ٢٠١٢ اول ما نزلت في شهر ٧-٢٠١١ ... الدولار وقتها كان ٥.٩٧ قرش و كان متوافر
انهارده الدولار في الصرافه سعره ٧.٤٥ قرش و غير متوافر كمان
يعني الجنيه قل بنسبه ٢٥٪ قصاد الدولار يبقي التوكيل مش حرامي ولا حاجه.
الله يخرب بيت الثوره اللي قللت فلوسنا و غليت اسعار كل حاجه و قعدت نصنا في البيوت من غير شغل و قسمت الشعب و قتلت الاف و لسه

[hossam_elwani]

انا فاكر طبعا وكنت باركتلك عليها فى موضوعك ولما عرفت انك بعتها زعلتلك لانك كنت شارى رخيص جدااااا وانا كنت حشترى نفس الفئه بالزبط وبالتحديد لما وصلت ل 145 الف يعنى كانت زادت 7 الالاف تقريبا وهيا كانت الفئه رقم 2 الى قبل الفولى لودد وصرفت نظر لانى لا رتبت نفسى وفلوسى كانت ب 165 الف!!!!!!!!!!!!!!

على فكره الفئه الى انت سالت عليها ولقيتها ب 170 ناقصه حاجات عن الى كانت معاك بعد ما غيرو تصنيف الفئات تخيل !!!!!!!!!!!!! يعنى اغلى 30 الف واقل مواصفات كمان

[Hussein_Ramdan]

هات كروز زيرو بـ148 وسيبك منها

والله انا بحس ان الكروز دى عربية نوبيرا حديثة
مش عارف مش حاسيس بيها خالص

[Hussein_Ramdan]

انا فاكر طبعا وكنت باركتلك عليها فى موضوعك ولما عرفت انك بعتها زعلتلك لانك كنت شارى رخيص جدااااا وانا كنت حشترى نفس الفئه بالزبط وبالتحديد لما وصلت ل 145 الف يعنى كانت زادت 7 الالاف تقريبا وهيا كانت الفئه رقم 2 الى قبل الفولى لودد وصرفت نظر لانى لا رتبت نفسى وفلوسى كانت ب 165 الف!!!!!!!!!!!!!!

على فكره الفئه الى انت سالت عليها ولقيتها ب 170 ناقصه حاجات عن الى كانت معاك بعد ما غيرو تصنيف الفئات تخيل !!!!!!!!!!!!! يعنى اغلى 30 الف واقل مواصفات كمان

ههههههههههه ايوة فاكر
المشكلة ان انا دلوقتى بفكر فى عربية مش هتقعد معايا اكتر من ست اشهر
وبدور على حاجة على مخسرش فيها جامد
بفكر اشترى سيراتو ويوم ما اجب ابيعها هتتباع عالطول
وبحول ادور على حاجة سعرها حلو