اعرف ازاي ان العربيه محتاجه تغيير دبرياج؟

[m7mda7md]

السلام عليكم ورحمة الله وبركاته
ندخل في الموضوع
العربيه فيرنا 2008 ماشيه 57 الف كيلو
المشكله اني لو مظبطتش رجلي علي الدبرياج بالمللي الاقي العربيه بترجرج و ارجع ادوس سِنّه دبرياج.و وسط النقله بين الاول و التاني كمان ....تسارع العربيه اعتقد انه كويس...سمعت حركات كده عشان الدبرياج زي مثلا ادي الغيار التالت و ارفع رجلي من ع الدبرياج بالراحه و من غير بنزين و لو العربيه مشيت يبقي الدبرياج بايظ اما لو طفت يبقي كويس,و العربيه عندي مشيت

[mshmshm3]

عندي نفس المشكلة و في عضو هنا في المنتدي معاه جيتز عنده نفس المشكلة
و سمعت قصة الغيار التالت بس دي قالو لما يكون الطقم بايظ
طيب ماجربتش تعلي الدبرياج ؟

[alaamousa]

ياريت توضيح اكتر يا هندسة الموضوع بقاله اد ايه ونوع البنزين واخر صيانه كانت امتى

[m7mda7md]

عندي نفس المشكلة و في عضو هنا في المنتدي معاه جيتز عنده نفس المشكلة
و سمعت قصة الغيار التالت بس دي قالو لما يكون الطقم بايظ
طيب ماجربتش تعلي الدبرياج ؟

شكراً جزيلا على الرد...الصراحع مجربتش اعليه علي اساس ان النقلات كويسه مش بتعض مثلا و كمان عندي اعتقاد راسخ ان الدبرياج بايظ بسبب الامركه و القرص الكتير ايام الشبابيه

[m7mda7md]

ياريت توضيح اكتر يا هندسة الموضوع بقاله اد ايه ونوع البنزين واخر صيانه كانت امتى

شكراً جزيلا على الرد...الموضوع من زمان و بصراحة مش فاكر من امتي و كنت بحاول اتعايش معاه علي أساس ان الفيرنا فئه مش قد كده و ان الموضوع طبيعي!!!!!! البنزين 92 دايما و كل الصيانات في ميعادها ان لم تكن قبل و قطع الغيار كلها من التوكيل

[m7mda7md]

up up up up

[zalabia]

يا جماعة الحل في تعليه الدبرياج ب 10 جنية عند أي ميكانيكي ... الديبرياج لو عايز يتغير هتلاقي العربية مابتسحبش ومهما تحرق علي الغيار مش هتشد معاك وفي الاخر لما تتحرق الاسطوانه هتلاقي ان الفتيس مفوت مش بيجيب أي نقله زيه زي البقسماطة بالظبط ...

[m7mda7md]

يا جماعة الحل في تعليه الدبرياج ب 10 جنية عند أي ميكانيكي ... الديبرياج لو عايز يتغير هتلاقي العربية مابتسحبش ومهما تحرق علي الغيار مش هتشد معاك وفي الاخر لما تتحرق الاسطوانه هتلاقي ان الفتيس مفوت مش بيجيب أي نقله زيه زي البقسماطة بالظبط ...

شكراً جزيلا على الرد. ..علي ما اعتقد انه الدبرياج كذا جزء و تلف كل جزء بيظهر بشكل مختلف و مش لازم يأثر علي السحب؟؟

[zalabia]

طقم الدبرياج هو ديسك وأسطوانه وبلية ... اشهر قطعة بتبوظ هيا الاسطوانة وده يا اما من كتر القرص والحرق علي الغيار ... او انتهاء العمر الافتراضي وبتظهر مشكلتها في السحب بالذات في المطالع ... الديسك والبلية معرفش لما بيكون فيهم مشكلة بتظهر ازاي علشان كدة ماتكلمتش فيهم :)