أخبار الـ rb ايه يا رجاله

[mhkorayem]

شباب الـ rb
أخباركم ايه ؟؟؟ ومالكم مختفيين كده ليه ؟؟؟
سؤال في السريع وعاوز رد اسرع من السريع
الـ rb عامله ايه معاكم وهل مبسوطين منها ولا ندمانين وايه مشاكلها معاكم بالظبط ؟؟؟
وأستهلاك البنزين أخباره إيه ؟؟؟

[toty_305]

-الحمد لله شغالة تمام 22 الف كيلو سنتين و 4 شهور

-البنزين استهلاكه ممتاز خصوصا في الطرق السريعة

-الموتور قوي و جميل

-قطع الغيار في التوكيل حراقة صيانة 20 الف ب 1200 جنية

-الثبات غير مرضي و العفشة ناشفة بسبب المساعدين المعدلة

-الفرامل جيدة بس مش بتاعة سواقة ميكروبصات زي اغلبية العب ما بيسوق اللي هو الفرملة في اخر لحظة لكن غير كده عادية

-

[mhkorayem]

-الحمد لله شغالة تمام 22 الف كيلو سنتين و 4 شهور

-البنزين استهلاكه ممتاز خصوصا في الطرق السريعة

-الموتور قوي و جميل

-قطع الغيار في التوكيل حراقة صيانة 20 الف ب 1200 جنية

-الثبات غير مرضي و العفشة ناشفة بسبب المساعدين المعدلة

-الفرامل جيدة بس مش بتاعة سواقة ميكروبصات زي اغلبية العب ما بيسوق اللي هو الفرملة في اخر لحظة لكن غير كده عادية

-

يعني لو رجع بيك الزمن كنت اشترتها تاني ولا كنت فكرت في حاجه تانيه

[elmo7amed]

العربيه دى عربيه محترمه جدا
سعات بحبها قووووووووووووى وسعات بتبطر على النعمه اللى معايا وسعات بحس انى راكب احسن حاجه فى الدنيا
50 الف كم ومزعلتنيش فى حاجه عربيه بصراحه جميله بس واطيه وبحاول اتعايش مع دا
بس صفقه مرضيه ربنا يحفظها ويستر طريقنا
ودومت للنظال ومن نصر اللى نصر وصاحب الجمله دى زمانه جاى

[toty_305]

-الصني مش هركبها اكيد كفاية موتورها و فراملها ....الريو برده مش هركب 1400... البيجو ممكن بس مش بحب الفرنساوي تحسه بتلكك عشان يعطل و Faults و بتاع و softwares


-الصراحة انا كنت جايبها ب 100.750 لكن دلوقتي الاسعار خرافية الصراحة

-لو رجع الزمن احتمال مكنتش اشتري اصلا بسبب الاسعار

-مفيش عربية تمام في كله هتاخد اداء مش هتاخد اعتمادية هتاخد سعر مش هتاخد سهولة في الصيانة و هكذا ...عربيات كلها sub-compact يعني

[kokowasfy]

العربية دى مع جارى مبيشتيكيش من اى حاجة غير العافشة ناشفة شوية و العربية بتحك غير كدا هو مبسوط منها جدا جدا و فعلان كانت صفقة مربحا جدا ايام زمان قبل السعار الخزعبلية بتاعت الايام دى

[mhkorayem]

طيب لما يكون في فرق 20.000 جنيه بينها وبين الصني الشكل القديم وبنفس الوبشنز تقريباً يبقى ايه الافضل ؟؟؟
20.000 جنيه برضوا مش مبلغ قليل
ولا ايه رايكم

[amagroup]

العربيه دى عربيه محترمه جدا
سعات بحبها قووووووووووووى وسعات بتبطر على النعمه اللى معايا وسعات بحس انى راكب احسن حاجه فى الدنيا
50 الف كم ومزعلتنيش فى حاجه عربيه بصراحه جميله بس واطيه وبحاول اتعايش مع دا
بس صفقه مرضيه ربنا يحفظها ويستر طريقنا

نفس الكلام مع الفرق ان 18000 كم

ولو معايا فلوس كنت هاخد حلوتها وبعدين ابيع واجيب كورولا ...اصل انا بحب التيوتا لله في لله

[toty_305]

طيب لما يكون في فرق 20.000 جنيه بينها وبين الصني الشكل القديم وبنفس الوبشنز تقريباً يبقى ايه الافضل ؟؟؟
20.000 جنيه برضوا مش مبلغ قليل
ولا ايه رايكم

-وفر فلوسك احسن 20 الف كتيير

[matantawy]

11 الف كيلو لحد دلوقتى
ما بين طرق حلوة سريعة زى السفر للاسكندرية و العين السخنة
طريق من مدينة نصر للتجمع الاول
و طرق زحمة زى مدينة نصر
و طرق مكسرة زى شبرا الخيمة

العربية انا مبسوط بيها على قد سعرها
استهلاك حلو جدا جدا و مع الوقت الواحد بيفهمها و يخليها تقلل الاستهلاك حتى فى الزحمة
ثبات حلو بالنسبة للمشاوير اليومية و على طرق السفر حلو لحد 140 او 160 حسب الجو، سبق و جبت بيها 200 مرة و 180 كتييير و مكنتش مرعوب يعنى بس مش بستمر كده كتير
سحب و سرعة حلوة و شبابية و طول ما بتعتنى بيها هتديك شغل كويس ان شاء الله
كنت فى الاول بحك كتير بس واحدة واحدى بتعلم و مش معنى كده ان اى مطب بحك فيه لأ على فكرة، بس و هى محملة طبيعى فرص الحك بتزيد
العربية تشيل 4 مرتاحين مهما كان الحجم، 5 ممكن بس مش اوى ف لو عائلة كبيرة يبقى بلاش
الABS بينفع، بس محتاج تعود عشان مشكلة انه بيخلى مسافة التوقف اطول شوية بس بيدى تحكم اكتر
لو رجع بيا الزمن كنت هحاول اجيب الهايلاين او على الاقل اللى فيها اتنين اير باج + abs

عربيتى اوتوماتيك + اير باج للسائق + abs

[Hacker5]

العربية ممتازة جدا جدا
انا كان معايا النترا 2008 و بعتها و جبت الاكسنت ار بى
لو انا مكانك هاشوف النترا 2009 او 2010 احسن بكتير من الاكسنت
صدقنى انا ندمان على بيع الالنترا
هو طبعا انا حسيت بفرق شاسع بين الاتنين لان الالنترا فئة اعلى و افخم من الاكسنت عشان كدة انا حاسس انى مش راكب عربية فخمة بريستيج و راسية على الارض و اوسع و اكبر دة احساس طبيعى لانى نزلت من فئة لفئة اقل
رأى انك تشوف النترا 2010 ولا 2011 الشكل القديم و تكون نضيفة هاتكون احسن كتير

[toty_305]

-نفسي اعرف ال hd افخم في ايه كانت قدامي و سيبتها مردتش اجيبها من جوه تعبانه و تقليدية و مش steptronic و مفيهاش عداد حرارة و نفس الموتور في rb و كله بيقول عليها مش ثابته زي كل الهيونداي و فرق الوسع مش فظيع يعني

-ما علينا .... رأيك على راسي من فوق

[drcobra]

لو رجع بيا الزمن هاشتريها تانى
بس مشكلتها الوحيدة الحكة

[mhkorayem]

يبدوا ان فرق الـ 20.000 جنيه هو اللي هيحكم
كنت بحاول لأخر لحظه اكون وفي مع هيونداي بس ربنا يسامحه بقى هبور اللي هيفرق بينا

[Merooxx]

ديت مش عربية
مفيش ثبات
عافشة ناشفة
فرامل زفت
الحاجة الوحيدة استهلاك البنزين راءع بس


كل ده مقارنة بالفتنتازيا
علشان احنا كنا ماجرنها قبليها