اسعار الصيانة بقت هبل

[taimor1777r]

مساء الخير ياجماعة انا من امبارح بكلم نفسى رحت اعمل صيانة 20000كيلو تخيلوا دفعت كام مصنعيات بس بدون اى حاجه تانية 383 جنية وبعدين يضحكوا على الناس ويقولوا صيانة عليك وصيانه علينا بصراحة انا حبيت انبه الناس اللى مايعرفوش اسعار الصيانة الجديده مع انى فى الصيانات اللى فاتت اكتر حاجة دفعتها 154 جنية مصنعيات طبعا كده غبور بيرغمك تعمل صيانه كل 5000 ك غصب عنك لانه بياخد منك حق الصيانة الحالية والقادمه وبعدين يقولولك المرة الجاية علينا والله اعلم . اسف على الاطالة ( سيارتى ماتركس 2008)

[BLACKVERNA]

ممكن حضرتك تعمل الصيانة الدورية فى اى مركز صيانة معتمد فهى لا تلتزم باسعار التوكيل

و الله الموفق

[MOHAMED ABD EL SHAFY]

ابعد عن غبور

[msoliem]

السلام عليكم ورحمة الله وبركاته

انا كمان قررت مروحش التوكيل من بعد الصيانة الجاية اللى عليهم , صيانة ال 25000
وده لأنى روحت اغير زيت 10000 شل الترا و اعمل الصيانة الدورية و اظبط زوايا واغسل المكنة , دفعت 720 جنية , واليكم تفنيط المبلغ
415 مصنعيات (350 الصيانة , 45 ظبط الزوايا , 20 غسيل المكنة )
205 تغيير الزيت
65 ضريبة مبيعات ( يعنى بعد ما تدفع 350 بس فى الاطمئنان على العربية ترجع تدفع 10%عليهم ضريبة مبيعات )
والفرق فى الفلتر تقريبا

انا خرجت من التوكيل بقول لنفسى حاجتين :

اولا : انا رايح التوكيل والعربية مفيش فيها عطل ولا مخبوطة ودفعت 415 مصنعيات , امال لو فيه عطل ولا العربية مخبوطة لا قدر الله كنت هدفع كام
ثانيا :اللى راكب باسات ولا Bmw ولا مرسيدس بيدفع كام فى الصيانة الدورية 5000 ؟

[Ramy_Ali]

لازم نقاطع غبــــور كلنا ونحاول نشوف مركز صيانة محترم
مصنعيات وضرائب وقطع غيار هبل وكمان مبيعملش الصح وممكن فى اوقات كتيير تنضر منه ودا غير الانتظار الطويل وخلافة

[m_khalil82]

ايه الحل

طيب ممكن حد يقولنا على الأماكن المعتمدة و الموثوق فيها غير غبور
انا الحقيقة كنت متخيل ان مفيش غير الوكيل
لكن الكلام اللى انتم بتقولوه معناه أن فى حلول تانية موثوق فيها
رجاء الإفادة

[sh21s]

أنا معاك إننا لازم نقاطع غبورأنا سمعت أن التوكيل بيحسب المصنعية بالساعة و الساعة كانت ب 40 جنيه من سنتين تقريبا. يعنى كل ما العربية تاخد وقت أكبر كل ما المصنعية تزيد. و الأسعار الحالية مش بس مبالغة ده اسمه افترى.

[taimor1777r]

الى كل الهويونداويه وبصفة خاصة الماتركساوية

لازم يا جماعة نقاطع صيانة غبور ولو فى حد يعرف مراكز صيانة تكون كويسة ياريت يقولنا على مكانها احنا مهما دفعنا برة مش حيجى نص اللى حندفعة فى غبور ويا ريت تكون عناوين المراكز فى اماكن متفرقة شكرا لكل من اهتم بالرد

[AHMEDCAR]

مراكز الخدمه المعتمده بتعمل الصيانه بالاسعار القديمه و كمان بتختم الضمان

[tarekkasaby]

وانا كمان دفعت 700 جنيه فى صيانة ال20000
و قالو لى الصيانه اللى جايه عليهم
انا بفكر فعلا اروح المصيلحى اللى فى المعادى او اى مركز معتمد وخلاص لو حد جرب اى مركز يقولنا ايه نظامه ؟؟؟

[mohamed_mohsen]

يا ريت فعلا حد يفيدنا في المراكز المعتمده اللي بره اماكنها فين

[hazem_samy]

انا لسه راجع دلوقتى من صيانة 10000 للماتريكس
عملت الصيانة فى ابو غالى العبور وكلفت 165 جنية (مصنعيات فقط)
الفرق الوحيد بينهم وبين غبور انهم بيغسلوا العرية برة وجوة بعد الصيانة!