احلا صور ممكن تشوفها للإلنترا 2014 فيس ليفت من المعرض + اسعارها في مصر من التوكيل

[برنس الليالي]

السلام عليكم ورحمة الله
انا شفت شوية صور للعربية دي في معرض برا بجودة عالية حبيت اشاركهلكم
ومن الآخر كدا العربية شكلاً متتسابش



















بالنسبة للأسعار انا كلمت التوكيل على الفيسبوك وعطاني الاسعار دا :


ELANTRA MD FACELIFT 1.6 GL AT 150,900
ELANTRA MD FACELIFT 1.6 GL AT SR 153,900
ELANTRA MD FACELIFT 1.6 GL AT HL SAB ABS SR 163,300

بس حاولت اجيب منه كامل المواصفات معطانيش عقاد نافع

[ayam7]

شكلها بقى أجمل بعد الفوانيس الجديدة وكمان تعديل مكان فتحات التكييف أحسن من اللى فات سؤال هى نزلت فى التوكيل ولا لسه ؟؟؟

[Batman372]

مشكور على الصور و المتابعه الممتازه ...
تحياتى ...

[برنس الليالي]

شكلها بقى أجمل بعد الفوانيس الجديدة وكمان تعديل مكان فتحات التكييف أحسن من اللى فات سؤال هى نزلت فى التوكيل ولا لسه ؟؟؟

والله يا برنس عندك حق الفوانيس الامامية مع العدسات والليدات بقت جامدة آخر حاجة وكمان عندك شكل الشكمان والسبويلر

وعندك سعرها المعجزة 163 الف لأعلى فئة وزيادات عليها يا بلاش يا عم الحج .. العربية بيقولو في الصفحة الرسمية انها نزلت ولو مكنتش نزلت اعتقد مكنش التوكيل عطاني اسعارها

وفي واحد من متابعي التوكيل بيقول انها فعلاً نزلت بالتجديدات دي وبيقول شكلها واقعياً بقى ملفت آخر حاجة

مشكور على الصور و المتابعه الممتازه ...
تحياتى ...

العفو يا برنس

[Mzeid]

شكلها بقى لذيذ خصوا من الخلف مع الفوانيس المعدلة :)

[J A G U A R]

انا حاسس ان العربيه دى هاتبقى احسن عربيه فى فئتها .. وشكرا على الصور الجميله .

[devil_storm]

تحفه بصراحه و الصور جميله جدا
اساسا الالنترا شكلها جميل و ملفت امال بالفيس ليفت ده حتبقي عملي اذاي!!

[kokowasfy]

تحفة اوووى بسم اللة مشاء اللة عليها اعلى فئة 163 سعر منافس جداا

[ah-elgendy]

العربيه بقت تحفه واعتقد ان السعر ده بسبب المنافسين اللى فى السوق مش علشان حلاوه عيونا
بس سوال لمالكى الالنترا هى الموديلات الجديده بتستهلك بنزين عالى ولا ده كلام انا قريت فى كذا مشاركه ان الناس بتشتكى من استهلاك البنزين فى موديل 2013 ده صح ولا لأ

[AshTurbo]

أول مرة أشوف فوانيس ليد لعربية كوري بالشكل المحترم ده بصراحة في أهتمام كبير جداً بأدق تفاصيل الفوانيس سواء الأمامية والخلفية ... يلا في أنتظار نزول الفوانيس علشان نعمل الأبجريد التحفة ده .

[FOREX EAGLE]

تحفه بجد ..بفكر ابيع ال 2013 واجيبها :) ... بس كلمت واحد في غبور قالي مش هينزل منها فولي لودد اعلها فئه فيها الي هيا هاي لاين ب 163000 ... واول فئه ب 151000

[moha4tec]

Very nice indeed

[برنس الليالي]

تحفه بصراحه و الصور جميله جدا
اساسا الالنترا شكلها جميل و ملفت امال بالفيس ليفت ده حتبقي عملي اذاي!!

واقعياً حتبقى اجمل

تحفة اوووى بسم الله مشاء الله عليها اعلى فئة 163 سعر منافس جداا

بس يا رب ميكونش في زيادات في السعر من التوكيل

العربيه بقت تحفه واعتقد ان السعر ده بسبب المنافسين اللى فى السوق مش علشان حلاوه عيونا
بس سوال لمالكى الالنترا هى الموديلات الجديده بتستهلك بنزين عالى ولا ده كلام انا قريت فى كذا مشاركه ان الناس بتشتكى من استهلاك البنزين فى موديل 2013 ده صح ولا لأ

المعلومة دي معنديش فكرة بس انا بردو قريت انها موفرة اكتر من النيو سيراتو والله اعلم إنما كام بالظبط معنديش فكرة

أول مرة أشوف فوانيس ليد لعربية كوري بالشكل المحترم ده بصراحة في أهتمام كبير جداً بأدق تفاصيل الفوانيس سواء الأمامية والخلفية ... يلا في أنتظار نزول الفوانيس علشان نعمل الأبجريد التحفة ده .

فعلاً حاجة روعة انا لما بشوف صورة الفانوس من قريب بشوف فيه اتقان مش موجود في فوانيس النيو سيراتو بنسبة 50% حتى

تحفه بجد ..بفكر ابيع ال 2013 واجيبها :) ... بس كلمت واحد في غبور قالي مش هينزل منها فولي لودد اعلها فئه فيها الي هيا هاي لاين ب 163000 ... واول فئه ب 151000

ماهو هو دا نفس الكلام اللي سمعته يا سيدي إحنا كل اللي يهمنا الـabs والليدات ههههههههههههه

Very nice indeed

yea

[hossam_elwani]

يااااااه اخيرا غبور 3 فئات بس كان فين من زمان

بس ابشركم انى اعتقد انها مش حتنزل باليدات حتى فى اعلى فئه لا ورا ولا قدام

وجنوط مش تمام 16 بوصه نقريبا شبه الجنط الى فى السيراتو

وممكن مفيهاش تكييف خلفى

ليه بقول كده لان فى الكويت نزلت كده وطبعا غبور ما بيتوصاش

[برنس الليالي]

يااااااه اخيرا غبور 3 فئات بس كان فين من زمان

بس ابشركم انى اعتقد انها مش حتنزل باليدات حتى فى اعلى فئه لا ورا ولا قدام

وجنوط مش تمام 16 بوصه نقريبا شبه الجنط الى فى السيراتو

وممكن مفيهاش تكييف خلفى

ليه بقول كده لان فى الكويت نزلت كده وطبعا غبور ما بيتوصاش

نزلت في السوق المحلي بالليدات في اعلى فئة فقط