أنا اتكهربت

[كشك7]

السلام عليكم و رحمة الله وبركاته
عربيتي اكسيل 1500
انا و انا بشغل العربية كل شويه اسمع رزعة في العربية و اكتشفت انها من الشكمان
بس اللي اكتشفته بعدها ان في صوت تكتكة من الكبوت من عند الموبينة و طلع مع كل تكه نفخة من الشكمان بتعمل الرزعة اللي في العربية دي و لسه بقرب ايدي من الموبينة و عينك ما تشوف الا النور و اتكهربت اكني ماسك اسلاك الضغط العالي و دراعي خدل
يا اتري الحل ايه .. اصل فاضلي 5 فولت و انور

[أسامه طياره]

الموبينه اكيد بايظه وهي اللي بتعمل التقطيع ده ..غيرها بس استشير كهربائي الاول

[man_22]

الحمد لله انها جت على قد كدا روح لكهربائى هو يصلحها اويغير الموبينة يتكهرب هوا يولع معتش تقرب اديك منها تانى ربك اللى بيسترها لانك كنت هتشيع قريب

[أسامه طياره]

معترض على كلام الاستاذ "man_22" بشده "روح لكهربائى هو يصلحها اويغير الموبينة يتكهرب هوا يولع"
وهو الكهربائي ده مش بني ادم وشغلته شريفه !! هو ايه اللي يولع!؟؟؟؟؟؟؟؟
حظه انه اتولد في بيئه فقيره وخد صنعه من غير تعليم جامعي مش معناه اننا متفوقين عنه في حاجه لأننا اتعلمنا عشان ظروفنا سمحت بده والحمدلله ..متأسف اني خرجت بره سياق الموضوع بس الجمله استفزتني اوي
و"لازم" تفهم الكهربائي ان الموبينه كهربتك جامد يااستاذ كشك عشان لو مفهمتوش واتكهرب هيبقى حرام عليك ده بني ادم زيه زينا وممكن يبقى احسن كمان .. اللهم بلغت اللهم فأشهد ..وربنا يعينك على تصليحها

[hamisa08]

ههههههههههههههه قدر الله ومشاء فعل

هى موبينة بتدى شرارة حمرا او زرقاء بس مش فاكر مين فيهم اللى حلو ومين اللى عايزة تتغير

الكهربائى هيغيرهالك فى عشر دقايق وساعات بتعمل صوت زى تك تكة جااامدة

سعر الموبينة من 150 جنية الى 200

[Gelgel2004]

ممكن العازل الى على الكابلات مشقق
راجع الكابلات مره تانيه و ان شاء الله بسيطة

[كشك7]

الف شكر يا جماعة و ان شاء الله هنزل دلوقتي للكهربائي