رابطة مالكى هيونداى اتوس

[Eng.M_Mousa]

الف شكر وياريت كل الناس تتفاعل للافادة

[hassanstar]

الف شكر وياريت كل الناس تتفاعل للافادة

من الواضح ان مالكى العربية قليل جداااا
وشكرا للأستاذ محمد على مساعدتة لينا

[Eng.M_Mousa]

من الواضح ان مالكى العربية قليل جداااا
وشكرا للأستاذ محمد على مساعدتة لينا

للاسف فعلا هما قليلين بس لما ببحث في المنتدي عن مواضيع قديمة تخص الاتوس بلاقي ناس متفاعلة كتير

[Eng.M_Mousa]

السلام عليكم
لو سمحتم انا كنت سألت علي كاوتش مقاس 13/175/60 كما افدتوني وهو نفس المقاس اللي راكب عندي فلم اجده ووجدت مقاس 13/165/70 فهل ده هيفرق كتير ولا ممكن يمشي

[Eng.M_Mousa]

انا ظهر عندي صوت والعربية ممورة وبيروح لما ادوس دبرياج فكشفت والميكانيكي قاللي دي بلية دبرياج رحت اشترتها فاليو كوري زي اللي طالعة من العربية ب ٩٠ جنيه
وكان عندي تسريب زيت تحت الموتور فطلع اويل سيل كرنك خلفي فغيرته بس دوخة في تغييره

انا عايز اسأل سؤال عندي فلتر الهوا الفتحة الجانبية بتاعته مش طالع منها اي وصلة خالص يعني تبص من الفتحة تشوف الفلتر فهل هو الطبيعي بتاعه كده ولا وصلة عندي ناقصة

[moe gawad]

الوصله عند حضرتك ناقصه . ده اولا
ثانيا البليه الفليو مش قويه اوى فيه بليه كورى تانيه اسمها hsc حديد وسعرها 95 جم. احسن بكتير ومعمره اكتر بكتير. ومبروك عليك الصيانه

[moe gawad]

السلام عليكم
لو سمحتم انا كنت سألت علي كاوتش مقاس 13/175/60 كما افدتوني وهو نفس المقاس اللي راكب عندي فلم اجده ووجدت مقاس 13/165/70 فهل ده هيفرق كتير ولا ممكن يمشي

انشاء الله مش هايفرق. بس غير الاربعه مع بعض وكلهم نفس المقاس

[Eng.M_Mousa]

طب هل الوصلة دي عبارة عن ايه وهل عدم وجودها فيه مشكلة ولا لأ ولو ضرورية بتتباع بكام
واشكرك دائما علي الافادة والاهتمام

[moe gawad]

طب هل الوصلة دي عبارة عن ايه وهل عدم وجودها فيه مشكلة ولا لأ ولو ضرورية بتتباع بكام
واشكرك دائما علي الافادة والاهتمام

لا مش مهمه اوى ده خرطوم فايظ هواء . كل القصه انه هايخلى الفلتر يلم تراب و رمله زياده . ابقى نفضه كل اسبوع ببلاور

[Eng.M_Mousa]

جزاك الله خيرا ربنا يكرمك يارب طمنتني

[Eng.M_Mousa]

السلام عليكم
انا بعد الصيانة الاخيرة حاسس ان المروحة بتتأخر في التشغيل ومبتبردش وبتفصل علي طول
هو المؤشر بيثبت قبل النص بشوية ضغيرة والمروحة بتشتغل وتفصل علي طول
ياتري ده طبيعي انا شاكك في الثرموستات

[moe gawad]

شوف حساس الحراره

[casperinoo]

انا شاريها من يوليو 2007 موديل 2008 وعامله 94 الف ويعتبر من اول الناس اللي اشتروها ..
بس للأسف معرفش حاجه عن قطع الغيار لأني شبه مغيرتش حاجه الحمد لله غير الصيانه الدوريه زي
فلتر البنزين وده الاصلي ب 125 تقريبا
فلتر الهوا غالي برده فوق ال 100
الكاوتش المقاس 13 175 60 الكومهو ب 320 والهانكوك كوري ب 350 هتلاقيه موجود في توكيل كومهو اللي في شارع شبرا والفرع اللي جنبه بيشتغل في الهانكوك فيه المقاس برده..دول اللي اشتريت منهم وبشتري دلوقي ..والافضل الكومهو انعم من الهانكوك ..خلي دائما الضغط علي 28 مش 30 بيريح العربيه اكتر

سير الكاتينه عملته في التوكيل لأن فكه صعب شويه
باقي قطع الغيار العاديه هتلاقيها في منافذ بيع هيونداي زي اللي موجوده علي طول طريق جسر السويس
وطبعا فيه تشابه كبير في معظم قطع غيار الاتوس والبيكانتو ..فممكن قطع غيار ديه تمشي مع ديه

بس فعلا عربيه محترمه ومريحاني جدا رغم اني مبهدلها وكان اختيار موفق

[Ahmedmi1982]

لو سمحت يا جماعه معروض عليا اتوس ٩٨ اتوماتيك حد جرب الفتيس الاوتوماتيك بتاعها ومشاكله كثيره ولا لأ وقطع غيارها موجوده

[مطيع محمد]

بصراحه عربية جميلة جدا واقتصادية
وكل شيئ فيها جميل
بس عجزت وانا ابحث عن فلتر المكيف
الي عارف مكانه يقولي فين