عربيتى النترا رجعت وعايز ابيعها الرجاء المسا

[mm_youssef]

الحمد لله عربيتي رجعت بالسلامة وانا عايز ابيعها لانى بصراحة قفلت منها
فعايز مساعدة فى تسعيرها وهى كالاتى
النترا ٢٠٠٨ مانيوال
اللون باذنجانى
٢٠،٠٠٠ كيلو متر نعم ٢٠،٠٠٠
ثاني يد بتوكيل
الحاله العامة الحمد لله فابريكة مفيش اى حاجة
الرجاء تحديد السعر من فضلكم

[bmya]

رجعت منين وايه المشكله فيها

[mm_youssef]

كانت مسروقة من ٤ ايام وربنا اكرمنى ورجعتها بس انا قفلت منها وعايز ابيعها

[mm_youssef]

فممكن حد يسعرها العربية مفيهاش حاجة ناقصة

[J A G U A R]

بالمواصفات دى مش اقل من 80 الف ...

ممكن حضرتك توضحلنا رجعت ازاى ؟ وهل فى حاجه اتاخدت منها ؟

[monamize4]

الف مبروك على رجوع العربية
بعها و هات حاجة يكون فيها ايموبلايزر

[mm_youssef]

بالمواصفات دى مش اقل من 80 الف ...

ممكن حضرتك توضحلنا رجعت ازاى ؟ وهل فى حاجه اتاخدت منها ؟

رجعت ازاى ده موضوع طووويل حعمل بيه موضوع ان شاء الله - مفيش حاجة ناقصة خالص الا الاستبن وده حجيب واحد تانى غير كدة مفيش حاجة وده للأمانة

[mm_youssef]

الف مبروك على رجوع العربية
بعها و هات حاجة يكون فيها ايموبلايزر

ربنا يخليك ويبارك لحضرتك وفعلا ده الى حعملو علشان كدة حبيع العربية

[starlanos]

الف مبروك والحمد لله انها رجعت
فكر الاول كويس ومتستعجلش
انا قفلت في عربيتي القديمةخسرت تقريبا 4الاف جنيةئئئئ

[omaranes77]

لو سمحت تقولنا رجعتها ازاي لان عربيتي مسروقة من العيد الصغير هيوانداي اكسيل
التسعير : 85 الف

[ayam7]

يا أستاذ لو قفلت من العربية غطيها كام يوم ومتركبهاش وحاول تمشى وتركب مواصلات وبعد كام يوم هتشتاق ليها وهتعرف قيمتها وربنا يفقك لما فيه الخير

[mm_youssef]

اولا شكرا لشعوركم جميعا ثانيا انا قررت فعلا بس انا كنت محتاج اعرف تساوي كاام
اولا الحرامية اتصلو بيا وحصل مفاوضات وطبعا حاجات كتير حعملها فى موضوع لوحدة
يا جماعة العربية دارت بمفتاح اشبه بالماستر كى دورت بي عربييتين النترا بتوع اصحابي (كان فى العربية اثناء التسليم)

[mahmoud_ali]

من 80 ل 85 والحمدلله على رجوعها

[M.ADEL KAMEL]

حمدا لله على سلامة عربيتك و ربنا يكفيك شرها و يديك خيرها دايما انا حصل معايا موقف قريب من ده و فعلا بعت العربية 2007

http://www.nilemotors.net/Nile/396184-a.html

عربية حضرتك ممكن تعمل 85 :87 الف جنيه ......كتير هايحاولو معاك علشان تقلل سعرها خليك ثابت على سعر و ماتنزلش عنه حتى لو هاتركنها فى جراج مقفول زى ماانا عملت و بالتوفيق إن شاء الله و احتسب عند ربنا

[houseiny]

اللهم لك الحمد انها رجعت والله كنت بدعيلك انها ترجع ، ربنا يرزقك باحسن منها ان شاء الله